فیصل بینک اور Faureeنے اسلامک ڈیجیٹل سپلائی چین فنانس اینڈ ایگری ڈیجیٹائزیشن پلیٹ فارم متعارف کرادیا
اشاعت کی تاریخ: 23rd, July 2025 GMT
پاکستان کے معروف اسلامی بینکوں میں سے ایک فیصل بینک لمیٹڈ (ایف بی ایل) نے اسلامک فنانس میں ڈیجیٹل تبدیلی کی جانب ایک اہم قدم اٹھاتے ہوئے جدید فن ٹیک ادارے Fauree کے ساتھ مفاہمت کی یادداشت (ایم او یو) پر دستخط کیے ہیں، جس کا مقصد ایک مکمل اسلامی ڈیجیٹل سپلائی چین فنانس (ایس سی ایف) اور ایگری ڈیجیٹائزیشن ایکو سسٹم کی تیاری اور نفاذ ہے۔ ایم او یو پر فیصل بینک کے فِلیٹ اینڈ ایگری کے ہیڈ آف کمرشل بینکنگ اسمال بزنسز انٹرپرائز (سی بی ایس ایم ای) الطاف حسین ثاقب اور Fauree کے شریک بانی و سی ای او اظہر تصدق نے دستخط کیے۔
اسٹریٹجک شراکت داری پر دستخط کی تقریب فیصل بینک آفس لاہور میں منعقد ہوئی، جس کے تحت ٹیکنالوجی پر مبنی شریعت کے مطابق مشترکہ طور پر ڈیجیٹل مالی سلوشنز تیار کیے جائیں گے، جیسے انوائس فنانسنگ، انوینٹری فنانسنگ، ڈسٹری بیوٹر فنانسنگ اور زرعی ویلیو چین شراکت داروں کے لیے تیار کردہ ایگری ڈیجیٹائزیشن پلیٹ فارم شامل ہیں۔
فیصل بینک کے صدر و سی ای او یوسف حسین نے کہا، ”پاکستان میں اسلامی بینکاری کے شعبے میں زرعی ڈیجیٹائزیشن کے بانی ادارے کی حیثیت سے یہ شراکت داری پورے ملک میں پیش گوئی پر مبنی، پیپر لیس اسلامک فنانسنگ سلوشنز کو وسعت دینے اور بہتر بنانے کے ہمارے عزم کو تقویت دیتی ہے۔ سی بی ایس ایم ای اور ایگری ورٹیکلز میں شامل بہترین ٹیکنالوجی کے ساتھ ہم شرعی اصولوں کے مطابق فصلوں، مویشیوں اور سپلائی چینز کے لیے جدید اور فوری مالی سہولتیں فراہم کرنے کے لیے پُرعزم ہیں۔“
شریک بانی اور سی ای او Fauree اظہر تصدق نے کہا، ”یہ تعاون پاکستان کی زرعی معیشت میں ایک اہم پیش رفت ہے۔ فیصل بینک کی اسلامی مالیاتی مہارت کو جدید ڈیجیٹل پلیٹ فارم کے ساتھ مربوط کرکے ہم پاکستان کا پہلا شریعت کے مطابق ڈیجیٹل سپلائی چین فنانس ایکو سسٹم تیار کرنے جا رہے ہیں۔ ملٹی پروڈکٹ اپروچ کے ذریعے ہمارا مقصد ایگری ویلیو چینز اورایس ایم ای سپلائی نیٹ ورکس کو مکمل طور پر ڈیجیٹائز کرنا ہے، جس میں فارم لیول فنانسنگ سے لے کر برآمدکنندگان کے لیے ورکنگ کیپیٹل سپورٹ تک شامل ہیں۔“
یہ اشتراک اسمارٹ ایس سی ایف پلیٹ فارم (سپلائرز، ڈسٹری بیوٹرز اور ریٹیلرز کے لیے ڈیجیٹل فنانسنگ) اور ایگری ٹیک انٹیگریشنز (ریئل ٹائم، کراپ اگنوسٹک فنانسنگ اور سہولت کاری) کے ذریعے مالی شمولیت اور آپریشنل کارکردگی بڑھانے کے ایک نئے دور کا آغاز ثابت ہوگا۔
فیصل بینک اور Fauree ایک قابلِ اعتماد ڈیجیٹل مالیاتی نظام کی بنیاد رکھ رہے ہیں، جو کم مراعات یافتہ طبقات کو شریعت کے مطابق قابل رسائی اور جدید ٹیکنالوجی پر مبنی مالی سہولتیں فراہم کرے گا۔
اشتہار
ذریعہ
ذریعہ: Al Qamar Online
کلیدی لفظ: سپلائی چین فیصل بینک پلیٹ فارم کے مطابق کے لیے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
بھارت سے جنگ اور افغانستان میں کارروائی خارج ازامکان نہیں، وزیردفاع