مصطفوی سٹوڈنٹس موومنٹ کی جانب سے ملک گیر شجرکاری مہم کا آغاز
اشاعت کی تاریخ: 29th, July 2025 GMT
مرکزی صدر مصطفوی سٹوڈنٹس موومنٹ شیخ فرحان عزیز کا کہنا ہے کہ ملک بھر میں ایک لاکھ پودے لگانے کا ہدف مقرر کیا ہے، درختوں کی نگہداشت کیلئے طلبا کو خصوصی تربیت فراہم کی جائے گی، ہر شہری اپنے حصے کا ایک درخت ضرور لگائے۔ اسلام ٹائمز۔ ملک بھر میں ماحولیاتی آلودگی کے بڑھتے ہوئے خطرات اور موسمیاتی تبدیلیوں کے پیش نظر مصطفوی سٹوڈنٹس موومنٹ نے "گرین پاکستان موومنٹ" کے عنوان سے ملک گیر شجرکاری مہم کا آغاز کر دیا ہے۔ شجر کاری مہم کا افتتاح مرکزی صدر مصطفوی سٹوڈنٹس موومنٹ شیخ فرحان عزیز و دیگر رہنماؤں مرکزی سیکرٹریٹ ماڈل ٹائون میں پودا لگا کر کیا۔ تقریب میں طلبا رہنماؤں نے بڑی تعداد میں شرکت کی۔ شجرکاری مہم کی افتتاحی تقریب سے خطاب کرتے ہوئے مرکزی صدر فرحان عزیز نے کہا کہ درخت ہمارے ماحول کے پھیپھڑے ہیں جو نہ صرف ہمیں آکسیجن فراہم کرتے ہیں بلکہ زمین کے درجہ حرارت کو قابو میں رکھتے ہیں، آج کا لگایا پودا آنیوالی نسلوں کے محفوظ مستقبل کی ضمانت ہے۔ انہوں نے مزید کہا کہ گرین پاکستان موومنٹ کے تحت مصطفوی سٹوڈنٹس موومنٹ کے کارکنان ایک لاکھ سے زائد درخت لگا کر ملک پاکستان کو سرسبز و شاداب بنانے میں اپنا کردار ادا کریں گے۔ شیخ فرحان عزیز نے کہا کہ سکول، کالجز اور یونیورسٹیز کے طلباء و طالبات اور اساتذہ بھی اس اہم مہم کا حصہ ہونگے۔ تعلیمی اداروں، پارکوں اور سڑکوں کے کنارے پودے لگائے جائیں گے۔ انہوں نے کہا کہ لاہور سمیت پورے ملک میں شجر کاری کے حوالے سے آگاہی مہم شروع کی جائیگی جس میں اپیل کی جائیگی کہ ’’ایک بشر۔۔۔ایک شجر‘‘ کے نعرے کے تحت ہر پاکستانی آزادی کے مہینے میں کم از کم ایک پودا ضرور لگائے تاکہ ملک کو سرسبزو شاداب بنایا جا سکے۔
انہوں نے کہا کہ گرین پاکستان کے عنوان سے سیمینارز، کانفرنسز، واک اور تشہیر کے ذریعے بھی آگاہی مہم پورے ملک میں شروع کی جائے گی۔ عوام الناس کو آگاہی مہم کے ذریعے بتایا جائے گا کہ درخت لگانا کتنا اہم ہے، درخت لگانا جس قدر اہم ہے اس سے کہیں زیادہ اہم اس کی حفاظت کرنا ہے، نرم و نازک پودوں کو اپنی جڑوں کی مضبوطی کیلئے وقت درکار ہوتا ہے۔ اگر ہم زیادہ سے زیادہ درخت لگائیں اور پھر ان کی دیکھ بھال بھی پوری ذمہ داری سے کریں، کوئی وجہ نہیں کہ پاکستان میں جنگلات کے رقبے میں اضافے کیساتھ ساتھ ماحول اور موسم میں بھی بہتری آ جائے گی۔ مصطفوی سٹوڈنٹس کی گرین پاکستان مہم 25اگست2025 تک جاری رہے گی۔شجر کاری مہم کی افتتاحی تقریب میں راشد مصطفوی، محمد سہیل، احمد رضا، اسامہ مشتاق، کاشف جان و دیگر طلبا رہنما بھی موجود تھے۔
ذریعہ: Islam Times
کلیدی لفظ: گرین پاکستان نے کہا کہ مہم کا
پڑھیں:
فلسطین کو مکمل رکنیت دی جائے، اقوام متحدہ کی عالمی کانفرنس میں پاکستان کا دوٹوک مطالبہ
نیویارک:اقوام متحدہ میں فلسطین کے معاملے پر ہونے والی عالمی کانفرنس میں پاکستان نے بھرپور انداز میں فلسطینیوں کی حمایت کا اعادہ کرتے ہوئے مطالبہ کیا ہے کہ فلسطین کو اقوام متحدہ کی مکمل رکنیت دی جائے۔
نائب وزیراعظم اور وزیر خارجہ اسحاق ڈار نے اپنے خطاب میں غزہ میں فوری اور مستقل جنگ بندی، انسانی امداد کی فراہمی اور جنگی جرائم میں ملوث عناصر کو کیفر کردار تک پہنچانے کا مطالبہ کیا۔
سعودی عرب اور فرانس کی مشترکہ میزبانی میں منعقدہ کانفرنس سے خطاب کرتے ہوئے اسحاق ڈار نے فرانس کی جانب سے فلسطینی ریاست کو تسلیم کرنے کے فیصلے کا خیر مقدم کیا اور کہا کہ اب وقت آ چکا ہے کہ عالمی برادری فلسطینی عوام کے حقِ خود ارادیت کو تسلیم کرے۔
انہوں نے کہا کہ غزہ میں جاری قتل و غارت عالمی قوانین کی صریح خلاف ورزی ہے، انسانیت کے خلاف جرائم کا سلسلہ فوری طور پر بند کیا جائے۔
اسحاق ڈار کا کہنا تھا کہ مسئلہ فلسطین پچھلے 75 برس سے حل طلب ہے اور اس کا تاحال حل نہ ہونا عالمی برادری کی اجتماعی ناکامی کو ظاہر کرتا ہے۔
انہوں نے زور دیا کہ اقوام متحدہ فلسطینی ریاست کو مکمل رکنیت دے تاکہ مسئلے کے حل کی جانب حقیقی پیش رفت ہو سکے۔ اسحاق ڈار نے کہا کہ پاکستان فلسطین کے جائز حقوق اور آزادی کے لیے اپنی سفارتی حمایت جاری رکھے گا۔
اقوام متحدہ کے سیکرٹری جنرل انتونیو گوتریس نے کانفرنس کے افتتاحی خطاب میں دو ریاستی حل کو واحد قابل عمل راستہ قرار دیتے ہوئے کہا کہ غزہ کی تباہی ناقابل برداشت ہے اور اس کے خاتمے کا کوئی جواز پیش نہیں کیا جا سکتا۔
فرانس کے وزیر خارجہ ژان نول باروٹ نے بھی دو ریاستی حل کو اسرائیل اور فلسطین دونوں کے لیے واحد پائیدار راستہ قرار دیتے ہوئے کہا کہ غزہ میں جنگ کا خاتمہ پورے خطے کے امن کے لیے ضروری ہے۔
دوسری جانب امریکا اور اسرائیل نے اس عالمی کانفرنس کا بائیکاٹ کیا۔ امریکی محکمہ خارجہ کی ترجمان ٹیمی بروس نے دعویٰ کیا کہ یہ کانفرنس غیر موزوں وقت پر بلائی گئی ہے اور یہ امن عمل میں رکاوٹ بن سکتی ہے۔
یاد رہے کہ اقوام متحدہ کی جنرل اسمبلی نے گزشتہ سال اس کانفرنس کے انعقاد کا فیصلہ کیا تھا، جو ابتدائی طور پر جون میں ہونا تھی، تاہم ایران پر اسرائیلی حملے کے بعد ملتوی کر دی گئی تھی۔
کانفرنس میں شریک رہنماؤں کا کہنا ہے کہ یہ اقدام خطے میں قیام امن اور قبضے کے خاتمے کی جانب ایک فیصلہ کن موڑ ثابت ہو سکتا ہے۔
پنجاب میں تھیٹر کے دوران ضابطے کی خلاف ورزی پر تین اداکاروں کو نوٹس جاری