داماد کی موت پر مہندی اور میک اپ، نشو کا تنقید کرنے والوں کو کرارا جواب
اشاعت کی تاریخ: 1st, August 2025 GMT
پاکستان شوبز انڈسٹری کی سینئر اداکارہ نشو بیگم نے اپنے داماد کی وفات کے بعد سوشل میڈیا پر ہونے والی تنقید کا جواب دیتے ہوئے کہا ہے کہ غم کی کیفیت کو کسی کے لباس یا انداز سے نہیں پرکھنا چاہیے، میک اپ اور مہندی غم کی عکاسی نہیں کرتے۔
نشو بیگم نے وضاحت کی کہ ان کے داماد کو اچانک ہارٹ اٹیک ہوا، وہ کسی قسم کی بیماری میں مبتلا نہیں تھے، اور ان کی وفات بالکل غیر متوقع تھی۔ انہوں نے کہا، میں پہلے سے مہندی لگا چکی تھی، تو کیا میں اسے چھری سے کھرچ کر اتارتی؟
ان کا کہنا تھا کہ میرا میک اپ، کھلے بال یا میری مہندی میرے غم کو نہیں ظاہر کرتے، لوگ بس یہ دیکھ لیتے ہیں کہ آپ کیسے نظر آ رہے ہیں، مگر یہ نہیں سمجھتے کہ دل میں کیا طوفان چل رہا ہے، میں پہلے سے مہندی لگا چکی تھی اور ایک اچانک حادثے نے سب کچھ بدل گیا خدارا، دوسروں کے دکھ کا مذاق نہ بنائیں۔
نشو نے کہا کہ دوسروں کی تکلیف کو سمجھنے کی کوشش کریں اور ظاہری شکل و صورت پر نہ جائیں، ہر کسی کی غم کی گہرائی اپنی ہوتی ہے ہمیں اس کا احترام کرنا چاہیے۔
یہ بھی پڑھیں: ’کرنا نہیں چاہتی لیکن شادی ہوجاتی ہے‘، سابقہ اداکارہ نشو
واضح رہے کہ نشو بیگم اپنے چھوٹے داماد کی اچانک وفات پرغم میں مبتلا ہیں، انہوں نے اپنے داماد کی اچانک وفات کی خبر یوٹیوب پر شیئر کی جس میں اداکارہ نے مکمل میک اپ کیا ہوا تھا۔ اس خبر پر جہاں کئی لوگوں نے ان سے افسوس کا اظہار کیا وہیں کچھ افراد نے ان کے کھلے بالوں، میک اپ اور ہاتھوں پر لگی مہندی کو تنقید کا نشانہ بناتے ہوئے کہا کہ اتنے بڑے صدمے میں ہوتے ہوئے وہ اتنی تیار کیسے ہو سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نشو بیگم نشو بیگم داماد نشو بیگم داماد کا انتقال.ذریعہ: WE News
کلیدی لفظ: نشو بیگم نشو بیگم داماد نشو بیگم داماد کا انتقال نشو بیگم داماد کی میک اپ
پڑھیں:
جویریہ سعود کا کراچی کے دفاع میں بیان، شہریوں کی سوچ پر تنقید
اداکارہ جویریہ سعود نے ساتھی فنکاراؤں صبا قمر اور عفت عمر کی جانب سے کراچی کو ’گندہ‘ شہر قرار دینے پر ردعمل دیتے ہوئے کہا ہے کہ کراچی گندہ نہیں بلکہ اسے گندہ کہنے والوں کی سوچ گندی ہے۔ گزشتہ روز عفت عمر نے صبا قمر کی حمایت میں ایکس پر پوسٹ کرتے ہوئے سندھ کے دارالحکومت کراچی کو ’گندہ شہر‘ قرار دیا تھا۔ اس سے قبل صبا قمر نے ایک پوڈکاسٹ میں کہا تھا کہ انہیں کراچی پسند نہیں، وہ وہاں صرف کام کے لیے جاتی ہیں اور کام مکمل ہوتے ہی اسلام آباد واپس آجاتی ہیں۔ میزبان کے اس سوال پر کہ کیا انہوں نے کبھی کراچی منتقل ہونے کا سوچا ہے، صبا قمر نے ’استغفراللہ‘ کہتے ہوئے جواب دیا کہ وہ اس شہر کو پسند نہیں کرتیں۔ ان کے اس بیان پر سوشل میڈیا صارفین اور شوبز شخصیات نے شدید ردعمل دیا تھا۔ اب کراچی سے تعلق رکھنے والی جویریہ سعود نے صبا قمر اور عفت عمر کا نام لیے بغیر انسٹاگرام اسٹوری پر ان کی پوسٹس کے اسکرین شاٹس شیئر کرتے ہوئے اپنا موقف پیش کیا ہے۔ جویریہ سعود نے لکھا کہ کراچی گندہ نہیں، گندی صرف ان لوگوں کی سوچ ہے جو اپنے ہی ملک اور شہروں کو برا کہتے ہیں۔ ان کا کہنا تھا کہ شہر گندے نہیں ہوتے، انسانوں کی نیت اور سوچ گندی ہوتی ہے۔ اداکارہ نے مزید کہا کہ کراچی ہو یا پاکستان کا کوئی اور شہر، وہ اپنے ملک کے ہر حصے سے محبت کرتی ہیں۔
کچھی: مسلح افراد کا سرکاری عمارتوں اور تھانوں پر حملہ، پولیس اہلکار شہید