محبت، سازش اور قتل! بیوی نے آشنا کے ساتھ مل کر شوہر کو مار ڈالا
اشاعت کی تاریخ: 3rd, August 2025 GMT
دہلی پولیس نے ایک خاتون اور اس کے آشنا کو گرفتار کیا ہے جن پر الزام ہے کہ انہوں نے خاتون کے شوہر کو قتل کر کے اس کی لاش ہریانہ کے سونی پت میں نالے میں پھینک دی۔
پولیس کے مطابق گرفتار ملزمان کی شناخت 34 سالہ سونیا اور 28 سالہ روہت کے طور پر ہوئی ہے۔ کیس کا ایک اور ملزم وجے ابھی مفرور ہے۔
یہ بھی پڑھیں:غیرت کے نام پر 17 سالہ سدرہ کے قتل میں ملوث والد، بھائی اور سابق شوہر نے اعتراف جرم کرلیا
قتل کی وجہ سونیا اور روہت کا ناجائز تعلق اور مقتول پریم پرکاش کا مجرمانہ اور ظالمانہ رویہ بتایا گیا ہے۔
پریم پرکاش کے خلاف متعدد مقدمات درج تھے، اور عدالت نے اُسے مفرور بھی قرار دے رکھا تھا۔
میڈیا رپورٹس کے مطابق 5 جولائی 2024 کو سونیا نے اپنے شوہر کو قتل کرانے کے لیے اپنے بہنوئی وجے کو 50 ہزار روپے دینے کی پیشکش کی۔ بعد میں وجے نے موقع پا کر پریم پرکاش کو قتل کر دیا اور اس کی لاش ایک نالے میں پھینک دی۔
یہ بھی پڑھیں:انٹرپول کے ہاتھوں عراق میں گرفتار ہونے والا قتل کا ملزم پاکستان منتقل
اس نے لاش کی ویڈیو بھی سونیا کو بھیجی، جو بعد میں ڈیلیٹ کر دی گئی۔
سونیا نے بعد میں پولیس کو اپنے شوہر کے لاپتا ہونے کی رپورٹ درج کرائی، لیکن کئی ہفتے گزرنے کے باوجود جب مقتول کا کوئی سراغ نہ ملا تو پولیس کو شک ہوا۔
تحقیقات میں موبائل فون کی مدد سے پولیس روہت تک پہنچی، جس نے پہلے گمراہ کیا لیکن آخرکار سب کچھ اگل دیا۔
اس نے بتایا کہ سونیا نے ہی قتل کی سازش تیار کی تھی اور وجے کو شوہر کے قتل کے لیے پیسے دیے تھے۔
یہ بھی پڑھیں:غیرت کے نام پر قتل، زمانہ جاہلیت کا راستہ
قتل کے کچھ عرصے بعد سونیا نے مقتول کا رکشہ ساڑھے 4 لاکھ میں بیچ دیا اور اس کا موبائل فون روہت کو دے دیا۔ لاش کی شناخت کے لیے ڈی این اے ٹیسٹ کیا جائے گا۔
پولیس کے مطابق سونیا کی شادی 15 سال کی عمر میں پریم پرکاش سے ہوئی تھی، ان کے 3 بچے بھی ہیں۔ ادھر روہت پہلے ہی قتل اور اسلحہ رکھنے جیسے مقدمات میں ملوث رہا ہے۔
پولیس کا کہنا ہے کہ تیسرا ملزم وجے ابھی تک گرفتار نہیں ہو سکا، اور اس کی تلاش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آشنا دہلی سونی پت شوہر قتل ہریانہ.ذریعہ: WE News
کلیدی لفظ: دہلی سونی پت شوہر قتل ہریانہ پریم پرکاش سونیا نے اور اس کے لیے
پڑھیں:
محبوب نے شادی کے اصرار پر خاتون کو قتل کر کے دفنا دیا
بھارتی ریاست تامل ناڈو کے ضلع ایروڈ میں چند روز قبل لاپتا ہونیوالی ایک 35 سالہ خاتون کی لاش کیلے کے باغ سے برآمد کی گئی ہے۔
پولیس کے مطابق خاتون کے قتل کے الزام میں 27 سالہ شخص کو گرفتار کر لیا گیا ہے، جس کے ساتھ مقتولہ کے مبینہ تعلقات تھے۔
پولیس نے بتایا کہ گوبی چیٹی پلے یم قصبے کے قریب کھیتوں میں مقامی افراد بارش کے بعد جنگلی کھمبیاں چننے گئے تھے، جہاں انہیں مٹی سے بالوں کے کچھ تار اور خون آلود چاقو نظر آیا۔
یہ بھی پڑھیں: محبت، بلیک میلنگ اور قتل، خوفناک واردات کی تفصیل سامنے آگئی
اطلاع ملنے پر پولیس نے 3 فٹ گہرا گڑھا کھود کر خاتون کی لاش برآمد کی۔
مقتولہ کی شناخت سونیا کے نام سے ہوئی ہے، جو اپاکوڈل قصبے کی رہائشی اور پیشے کے لحاظ سے بیوٹیشن تھی، وہ 2 نومبر سے لاپتا تھی۔
جب وہ کام سے واپس نہ لوٹی تو اہلِ خانہ نے گمشدگی کی رپورٹ درج کرائی، سونیا 2 سال قبل بیوہ ہوچکی تھی اور اپنی والدہ، ایک بیٹے اور بیٹی کے ساتھ رہتی تھی۔
مزید پڑھیں:لڑکی کی محبت میں جنس تک تبدیل کرانے والے کے ہاتھوں معشوقہ کا بہیمانہ قتل
تحقیقات کے دوران پولیس کو کال ریکارڈ سے سونیا کا تعلق موہن کمار نامی شخص سے ملا، جو بی کام گریجویٹ اور اسی کیلے کے باغ کا مالک ہے جہاں لاش ملی، پولیس نے اسے حراست میں لے کر تفتیش کی۔
میڈیا رپورٹس کے مطابق دونوں کے درمیان تعلق تھا، اور خاتون اکثر اس سے شادی کا مطالبہ کرتی تھی، جس پر جھگڑا ہوا اور اس نے قتل کر دیا۔
ذرائع کے مطابق سونیا اور موہن کمار کی ملاقات 2 سال قبل ایک گارمنٹس فیکٹری میں ہوئی تھی، جہاں سے ان کے تعلقات قائم ہوئے، وہ اکثر موہن کے باغ میں ملتے تھے۔
مزید پڑھیں:بیمہ کی رقم حاصل کرنے کے لیے ماں نے ’دوست‘ کے ہاتھوں جوان بیٹا قتل کروا دیا
پولیس کے مطابق واردات کے دن موہن کمار نے اپنے کھیت میں گڑھا کھودا اور شام 8 بجے کے قریب سونیا کو وہاں بلایا۔ دونوں کچھ دیر ساتھ رہے۔
جس کے بعد موہن نے پتھر سے اس پر حملہ کیا اور پھر چھری سے اس کی گردن پر وار کر کے قتل کر دیا۔ بعد میں اس نے لاش کو گڑھے میں دفنا دیا اور موبائل فون و کپڑے بھوانی نہر کے قریب پھینک دیے۔
اطلاعات کے مطابق اگلی صبح وہ دوبارہ جائے وقوعہ پر واپس آیا اور پولیس کے سوالات پر لاعلمی ظاہر کرتا رہا۔
مزید پڑھیں: ’مرنے والے فون پر بات نہیں کرسکتے‘ مدھیہ پردیش ہائیکورٹ نے قتل کیس میں باپ بیٹے کو بری کردیا
سیروالور پولیس اسٹیشن کے افسران نے ریونیو عملے اور پیروندرائی گورنمنٹ میڈیکل کالج کی ٹیم کے ساتھ موقع پر معائنہ اور پوسٹ مارٹم کیا۔
موہن کمار کو قتل کے الزام میں گرفتار کر کے جیل بھیج دیا گیا ہے، مزید تحقیقات جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باغ پارٹنر چاقو خون آلود قتل موبائل فون میڈیکل کالج نامل ناڈو
کراچی، نادرن بائی پاس پر پلاسٹک کے گودام میں آگ لگ گئی