پاکستان کرکٹ بورڈ کے ڈبلیو سی ایل کیساتھ تعلقات ختم‘ آئندہ شرکت پر پابندی
اشاعت کی تاریخ: 4th, August 2025 GMT
لاہور (سپورٹس رپورٹر)پاکستان کرکٹ بورڈ نے ورلڈ چیمپئن شپ آف لیجنڈز میں مستقبل میں کسی بھی قسم کی شرکت پر مکمل پابندی عائد کر دی ہے۔ یہ فیصلہ پی سی بی کے 79 ویں بورڈ آف گورنرز اجلاس میں کیا گیا جو چیئرمین محسن نقوی کی زیر صدارت ورچوئلی منعقد ہوا۔ پی سی بی نے اپنے اعلامیہ میں ڈبلیو سی ایل کے اس عمل پر سخت مایوسی کا اظہار کیا جس میں جان بوجھ کر میچ نہ کھیلنے والی ٹیم کو پوائنٹس دیئے گئے اور پاکستان بمقابلہ بھارت لیجنڈز میچز کی منسوخی کا اعلان ایسے الفاظ میں کیا گیا جو منافقت اور جانبداری پر مبنی تھے۔ کھیل کے میدان کو سیاسی مقاصد اور تجارتی مفادات کے تابع کرنا قابلِ مذمت ہے۔کھیل کے ذریعے امنکا نعرہ صرف مخصوص مواقع پر استعمال کیا جاتا ہے جبکہ حقیقت میں کھیل کو سیاسی ہتھکنڈوں کا نشانہ بنایا جا رہا ہے۔پی سی بی نے واضح کیا کہ وہ کھیل اور سیاست کو الگ رکھنے کا اصولی موقف رکھتا ہے اور ہمیشہ اس بات کا حامی رہا ہے کہ کرکٹ خیرسگالی، احترام اور صحت مند مقابلے کا ذریعہ ہونی چاہیے۔ لیجنڈز پر مشتمل ٹورنامنٹ کو سیاسی جذبات کے زیرِ اثر چلانا نہایت افسوسناک اور کھیل کی روح کے منافی ہے۔پی سی بی نے ڈبلیو سی ایل کی جانب سے دی گئی "معذرت" کو دکھاوا قرار دیتے ہوئے کہا کہ اس اعتراف سے واضح ہوتا ہے کہ میچ کی منسوخی کرکٹ کی بنیاد پر نہیں بلکہ مخصوص قومی بیانیہ کو خوش کرنے کیلئے کی گئی۔اس صورتحال کو مدنظر رکھتے ہوئے پی سی بی نے سخت موقف اپناتے ہوئے ڈبلیو سی ایل کیساتھ آئندہ کسی بھی قسم کی شرکت کو خارج از امکان قرار دیدیا ہے۔ پی سی بی کا کہنا ہے کہ وہ ایسے کسی بھی ایونٹ کا حصہ نہیں بنے گا جہاں غیرجانبداری، منصفانہ کھیل اور اسکی اصل روح کو سیاسی دبائو کے تحت پامال کیا جائے۔اجلاس میں سمیر احمد سید، سلمان نصیر سمیت دیگر شریک ہوئے۔
.
ذریعہ
ذریعہ: Nawaiwaqt
کلیدی لفظ: ڈبلیو سی ایل پی سی بی نے کو سیاسی
پڑھیں:
بی آئی ایس پی مستحق خواتین کے لیے بڑی سہولت، آئندہ قسط وصول کرنے کا نیا طریقہ سامنے آگیا
پشاور: بینظیر انکم سپورٹ پروگرام قسط سے مستفید ہونے والی خواتین کے لیے اہم خبر سامنے آئی ہے۔ بینظیر انکم سپورٹ پروگرام (بی آئی ایس پی) کی چیئرپرسن سینیٹر روبینہ خالد نے اعلان کیا ہے کہ آئندہ قسط سے مستحق خواتین ملک بھر میں کسی بھی مجاز ریٹیلر یا بینکنگ ایجنٹ کے ذریعے اپنی رقم آسانی سے وصول کر سکیں گی۔
یہ اعلان انہوں نے پشاور کے مولوی امیر شاہ میموریل اسپتال میں قائم بینظیر نشوونما سہولتی مرکز کے دورے کے موقع پر میڈیا سے گفتگو کرتے ہوئے کیا۔ اس موقع پر ورلڈ فوڈ پروگرام کی کنٹری ڈائریکٹر انیتا ہرش بھی ان کے ہمراہ موجود تھیں۔
ادائیگیوں کا نظام مکمل طور پر ڈیجیٹل ہوگا
چیئرپرسن بی آئی ایس پی نے بتایا کہ ادارہ ادائیگیوں کے نظام کو جدید خطوط پر استوار کرنے کے لیے مکمل ڈیجیٹلائزیشن کی جانب بڑھ رہا ہے۔ ان کے مطابق نئے نظام کے نفاذ سے شفافیت میں اضافہ ہوگا اور مستحق خواتین کو ان کی رقم بغیر کسی کٹوتی کے براہِ راست مل سکے گی۔
انہوں نے کہا کہ بینظیر انکم سپورٹ پروگرام قسط کی ادائیگی کے عمل کو مزید آسان اور محفوظ بنانے کے لیے خصوصی ڈیجیٹل سہولیات فراہم کی جا رہی ہیں تاکہ مستحقین کو کسی قسم کی دشواری کا سامنا نہ کرنا پڑے۔
ڈیجیٹل سم اور والٹ کی سہولت
روبینہ خالد کے مطابق بی آئی ایس پی کی مخصوص ڈیجیٹل سم متعارف کرائی جا چکی ہے، جو صرف مجاز دفاتر کے ذریعے جاری کی جا رہی ہے۔ اس کے علاوہ مستحق خواتین کو ڈیجیٹل والٹ کی سہولت بھی فراہم کی جا رہی ہے، جس کے ذریعے انہیں ادائیگیوں اور قسطوں سے متعلق تمام اہم معلومات بروقت موصول ہوں گی۔
جعلی پیغامات سے ہوشیار رہنے کی ہدایت
چیئرپرسن نے مستحقین کو خبردار کیا کہ بی آئی ایس پی کے نام پر موصول ہونے والے غیر مصدقہ پیغامات اور کالز پر ہرگز اعتماد نہ کریں۔ انہوں نے کہا کہ فراڈ اور دھوکا دہی میں ملوث عناصر کے خلاف سخت قانونی کارروائی کی جا رہی ہے تاکہ غریب اور مستحق خواتین کے حقوق کا مکمل تحفظ یقینی بنایا جا سکے۔
انہوں نے میڈیا سے بھی اپیل کی کہ پروگرام سے متعلق کسی بھی خبر کی اشاعت سے قبل ادارے سے تصدیق ضرور کی جائے تاکہ غلط معلومات پھیلنے سے بچا جا سکے۔
1 کروڑ سے زائد خاندان مستفید
سینیٹر روبینہ خالد نے کہا کہ بی آئی ایس پی اس وقت ملک بھر میں ایک کروڑ سے زائد مستحق خاندانوں کی معاونت کر رہا ہے، جبکہ بینظیر نشوونما پروگرام ماں اور بچے کی صحت اور غذائیت بہتر بنانے میں اہم کردار ادا کر رہا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم