’نقل میں بھی عقل چاہیے‘، شادی کے بعد پہلی بار کھانا بنانے پر پرینیتی چوپڑا کے شوہر نے تنقید کیوں کی؟
اشاعت کی تاریخ: 4th, August 2025 GMT
بالی وُڈ اداکارہ پرینیتی چوپڑا حال ہی میں اپنے شوہر اور سیاستدان راگھو چڈھا کے ساتھ ’دی گریٹ انڈین کپل شو‘ میں نظر آئیں۔ اس دوران پرینیتی نے شادی کے بعد کی رسم ’پہلی رسوئی‘ میں کیا پکایا، اور راگھو چڈھا کے ردِعمل کے بارے میں دلچسپ باتیں شیئر کیں۔
پرینیتی نے انکشاف کیا کہ انہیں پہلے اس رسم کا پتہ ہی نہیں تھا۔ انہوں نے کہا ’مجھے تو یہ بھی نہیں آتا تھا کہ ٹوسٹ کیسے بنایا جاتا ہے۔ مجھے حلوہ بنانے کے لیے گوگل کرنا پڑا، پھر اپنی ساس کی مدد لی اور بہت مزیدار حلوہ بنا تھا جس پر میں بہت خوش تھی کہ شام میں راگھو کو کھلاؤں گی۔ مجھے لگا یہ ایک رومانوی لمحہ ہوگا۔ راگھو آئے، حلوہ کھایا، اور میں فیڈبیک کا انتظار کرتی رہی، لیکن انہوں نے کچھ بولا ہی نہیں‘۔
یہ بھی پڑھیں: پرینیتی چوپڑا اور راگھو چڈھا کے مابین طلاق کی پیشگوئی
راگھو نے پھر بتایا کہ دراصل وہ سمجھ گئے تھے کہ حلوہ اُن کی ماں نے بنایا ہے۔ انہوں نے ہنستے ہوئے کہا کہ ’نقل میں بھی عقل چاہیے، ذرا سا تو فلیور بدل لیتے۔ یہ تو بالکل ماں والا حلوہ ہے‘۔ اس پر پرینیتی نے فوراً جواب دیا ’اب میں تمہارے لیے کبھی حلوہ نہیں بناؤں گی‘۔
جب کپل شرما نے پوچھا کہ کیا پرینیتی گھر کے کاموں میں ہاتھ بٹاتی ہیں تو راگھو نے بتایا کہ ایک دن جب وہ گھر واپس آئے تو دیکھا پرینیتی اپنی ماں کے ساتھ مل کر کچن کی شیلفز کو ری آرگنائز کر رہی تھیں تاکہ وہ زیادہ نفیس لگیں۔
یہ بھی پڑھیں: اداکارہ پرینیتی چوپڑا کے شوہر خوفناک بیماری میں مبتلا
پرینیتی نے یہ بھی بتایا کہ وہ راگھو سے لندن میں ایک ایونٹ کے دوران ملیں، جہاں دونوں کو برٹش کونسل کی طرف سے ایوارڈ دیا جانا تھا۔ اس ایونٹ میں بات چیت کے دوران پرینیتی نے کہا کہ جب بھی راگھو ممبئی آئیں، ملاقات ضرور کریں۔ جس پر راگھو نے اگلے دن ناشتہ کرنے کی دعوت دی۔
یہی پہلا ناشتہ اُن کی محبت کی کہانی کی شروعات بن گیا۔ دونوں نے 13 مئی 2023 کو نئی دہلی کے کپور تھلا ہاؤس میں منگنی کی، اور پھر ایک شاندار مگر نجی تقریب میں ادے پور کے لیلا پیلس میں شادی کر لی۔ دونوں سوشل میڈیا پر اکثر ایک دوسرے کے ساتھ رومانوی تصویریں شیئر کرتے رہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پرینیتی چوپڑا راگھو چڈا.
ذریعہ
ذریعہ: WE News
کلیدی لفظ: بالی ووڈ پرینیتی چوپڑا پرینیتی نے یہ بھی
پڑھیں:
ایران کا بحرین میں ایمیزون کے ڈیٹا سینٹر کو نشانہ بنانے کا بڑا دعویٰ
تہران / منامہ: ایران کی فوج نے دعویٰ کیا ہے کہ اس نے بحرین میں امریکی ٹیکنالوجی کمپنی ایمیزون کے ایک ڈیٹا سینٹر کو نشانہ بنایا ہے۔ ایرانی حکام کے مطابق یہ کارروائی امریکا کے خلاف جاری جوابی اقدامات کا حصہ ہے۔
ایرانی سرکاری میڈیا کے مطابق پاسدارانِ انقلاب نے ایک بیان میں کہا کہ حملے کا ہدف امریکی کمپنی ایمیزون کی وہ ڈیٹا تنصیب تھی جو ان کے بقول امریکی فوج کو معلوماتی معاونت فراہم کرنے میں کردار ادا کر رہی تھی۔
بیان میں دعویٰ کیا گیا کہ مذکورہ ڈیٹا سینٹر کو نشانہ بنا کر تباہ کر دیا گیا تاہم ایرانی حکام نے اس دعوے کے حق میں فوری طور پر کوئی شواہد یا مزید تفصیلات پیش نہیں کیں۔
دوسری جانب خبر شائع ہونے تک امریکی کمپنی ایمیزون، بحرین کی حکومت یا امریکی حکام کی جانب سے ایران کے اس دعوے پر کوئی باضابطہ ردعمل سامنے نہیں آیا، جبکہ آزاد ذرائع سے بھی اس حملے یا اس کے ممکنہ نقصانات کی تصدیق نہیں ہو سکی۔
ایران نے ایک بار پھر اپنے مؤقف کا اعادہ کرتے ہوئے کہا ہے کہ مشرقِ وسطیٰ میں وہ تمام فوجی اڈے یا تنصیبات جو امریکا ایران کے خلاف کارروائیوں کے لیے استعمال کرتا ہے، ایران کی نظر میں جوابی حملوں کے لیے جائز ہدف ہیں۔
تجزیہ کاروں کے مطابق اگر ایران کے دعوے درست ثابت ہوتے ہیں تو یہ پہلی بار ہوگا کہ کسی بڑی عالمی ٹیکنالوجی کمپنی کی تنصیب کو ایران نے براہِ راست اپنی فوجی کارروائی کا ہدف قرار دیا ہے۔ تاہم اس معاملے کی آزادانہ تصدیق کا انتظار کیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع