ڈیرہ غازی خان میں کارروائی، انتہائی مطلوب دہشت گرد بلال کھوسہ ہلاک
اشاعت کی تاریخ: 4th, August 2025 GMT
پنجاب پولیس نے ایک بڑی کامیابی حاصل کرتے ہوئے انتہائی مطلوب دہشت گرد بلال کھوسہ کو فائرنگ کے تبادلے میں ہلاک کر دیا۔ ترجمان پنجاب پولیس کے مطابق یہ کارروائی ڈیرہ غازی خان کے تھانہ کالا کی حدود میں اس وقت ہوئی جب پولیس ٹیم معمول کے گشت پر موجود تھی رات گئے دوران گشت جھاڑیوں میں چھپے نامعلوم مسلح افراد نے پولیس اہلکاروں پر اندھا دھند فائرنگ کر دی جس کے جواب میں پولیس نے پیشہ ورانہ مہارت اور حکمت عملی کے تحت محفوظ پوزیشنز سنبھال کر جوابی کارروائی کی۔ اس دوران فائرنگ کے تبادلے میں ایک حملہ آور ہلاک ہو گیا جس کی شناخت بلال عرف بشیر کے نام سے ہوئی ترجمان کے مطابق ہلاک دہشت گرد کے دیگر ساتھی اندھیرے کا فائدہ اٹھاتے ہوئے موقع سے فرار ہو گئے جن کی تلاش کے لیے علاقے میں سرچ آپریشن جاری ہے۔ بلال کھوسہ سنگین نوعیت کے جرائم میں ملوث تھا جن میں اقدام قتل، ڈکیتی، راہزنی، دہشت گردی اور دوہرے قتل کے مقدمات شامل ہیں۔ اسے سی ٹی ڈی کو بھی مطلوب قرار دیا گیا تھا اور دو مقدمات میں باقاعدہ نامزد بھی تھا حکام نے انکشاف کیا ہے کہ انٹیلی جنس رپورٹس کے مطابق بلال کھوسہ کا تعلق کالعدم دہشت گرد تنظیم تحریک طالبان پاکستان (ٹی ٹی پی فتنہ الخوارج) سے تھا۔ وہ ریاستی اداروں کے خلاف منظم کارروائیوں میں سرگرم تھا اور ڈیرہ غازی خان میں بدامنی پھیلانے کے خطرناک عزائم رکھتا تھا آئی جی پنجاب ڈاکٹر عثمان انور نے اس اہم کامیابی پر ڈیرہ غازی خان پولیس کو شاباش دیتے ہوئے کہا کہ خوارجی دہشت گرد کو جہنم واصل کر کے پولیس نے ایک بڑا خطرہ ٹال دیا ہے۔ انہوں نے عزم ظاہر کیا کہ پنجاب پولیس ملک دشمن عناصر کے خلاف کارروائیاں جاری رکھے گی اور ہر قیمت پر امن و امان کا قیام یقینی بنایا جائے گا
.ذریعہ: Nawaiwaqt
کلیدی لفظ: ڈیرہ غازی خان
پڑھیں:
کراچی: رینجرز اور پولیس کی مشترکہ کارروائی، 2 ملزمان گرفتار
---فائل فوٹورینجرز اور پولیس نے کراچی کے علاقے سہراب گوٹھ اور خلجی گوٹھ میں مشترکہ کارروائیاں کرتے ہوئے 2 ملزمان کو گرفتار کرلیا۔
کراچی کے علاقے گڈاپ ٹاؤن میں رینجرز اور پولیس نے انٹیلی جنس معلومات پر کارروائی کرتے ہوئے بدنام زمانہ ڈکیت افغان گروپ کے 2ملزمان کو گرفتار کرلیا۔
ترجمان رینجرز کے مطابق گرفتار ملزمان منشیات فروشی میں ملوث ہیں۔
رینجرز کے ترجمان کا کہنا ہے کہ ملزمان سے 400 گرام چرس، 240 گرام ہیروئن، 3 موبائل فون اور نقدی برآمد ہوئی ہے۔
گرفتار ملزمان کو بمعہ منشیات اور مسروقہ سامان مزید قانونی کارروائی کے لیے پولیس کے حوالے کر دیا گیا ہے۔
انسانی دماغ کے ایک حیرت انگیز راز کا انکشاف