یومِ شہداء پولیس: آئی جی پنجاب ڈاکٹر عثمان انور کا پولیس شہداء کو خراجِ عقیدت
اشاعت کی تاریخ: 4th, August 2025 GMT
لاہور:
ملک بھر کی طرح پنجاب بھر میں بھی یومِ شہداء پولیس 4 اگست کو انتہائی عقیدت و احترام سے منایا جا رہا ہے۔ اس موقع پر انسپکٹر جنرل (آئی جی) پنجاب ڈاکٹر عثمان انور نے پنجاب پولیس کے شہداء کو زبردست خراجِ عقیدت پیش کرتے ہوئے کہا ہے کہ وطن عزیز کی خاطر اپنی جانوں کا نذرانہ پیش کرنے والے پنجاب پولیس کے عظیم سپوت ہمارے ہیرو ہیں، جنہیں پوری قوم سلام پیش کرتی ہے۔
آئی جی پنجاب نے کہا کہ “اپنے لختِ جگر وطن پر قربان کرنے والی ماؤں کو بھی میرا سلام ہے، جنہوں نے اس قوم کو ایسے عظیم بیٹے دیے۔” انہوں نے مزید بتایا کہ پنجاب پولیس کے 1700 سے زائد بہادر افسران و جوانوں نے دہشت گردی کے خاتمے، امن و امان کے قیام اور جرائم کے خلاف جنگ میں اپنی قیمتی جانوں کا نذرانہ پیش کیا۔
ڈاکٹر عثمان انور نے کہا کہ یومِ شہداء پولیس، شہداء کے ساتھ تجدیدِ عہد کا دن ہے، اور زندہ قومیں کبھی اپنے ہیروز کو فراموش نہیں کرتیں۔ انہوں نے عزم ظاہر کیا کہ شہداء کے اہلخانہ کی بہترین فلاح و بہبود اور دیکھ بھال ان کی اولین ترجیح ہے۔
اس موقع پر ترجمان پنجاب پولیس کے مطابق، شہداء کی قبروں پر گارڈ آف آنر پیش کیا جائے گا، ان کے درجات کی بلندی کے لیے فاتحہ خوانی اور خصوصی دعائیں کی جائیں گی۔ صوبے بھر کی مساجد میں قرآن خوانی کا اہتمام کیا گیا ہے، جبکہ سینئر پولیس افسران شہداء کے اہلخانہ سے ملاقاتیں کریں گے اور ان کی لازوال قربانیوں کو خراجِ تحسین پیش کریں گے۔
.
ذریعہ: Express News
کلیدی لفظ: پنجاب پولیس کے
پڑھیں:
ایرانی صدر مسعودپز شکیان کی وزیراعلیٰ مریم نواز کے ہمراہ مزاراقبال پر حاضری، شاعر مشرق کوخراجِ عقیدت پیش کیا
سٹی 42 : اسلامی جمہوریہ ایران کے صدر مسعودپز شکیان نے پنجاب کی وزیراعلیٰ مریم نواز کے ہمراہ مزاراقبال پر حاضری دی۔
حضوری باغ آمد پر ایرانی صدر مسعود پز شکیان، ایرانی وزیر خارجہ عباس عراقچی اور وفد کا پر تپاک استقبال کیا گیا۔ اس موقع پر لاہورائیر پورٹ سے مزار اقبال تک اہم شاہراہوں کو خیرمقدمی بینرز سے سجایا گیا تھا۔
مزارِ اقبال پہنچنے پر صوبائی وزیر اطلاعات و ثقافت عظمی زاہد بخاری،صوبائی وزیر ملک صہیب احمد بھرت اور مولانا عبدالخبیر آزاد نے ایرانی صدر کا استقبال کیا۔ اس موقع پر پنجاب رینجرز کے چاق و چوبند دستے کی طرف سے سلامی پیش کی گئی ۔ مہمان صدر مسعود پز شکیان پنجاب رینجرز کی معیت میں مزار اقبال میں داخل ہوئے ۔
راولپنڈی ایکسپریس ٹرین کو حادثہ
مہمان صدر مسعودپز شکیان نے مزار اقبال پر حاضری دی اور پھول رکھے۔ انہوں نے شاعر مشرق کوخراج عقیدت پیش کیا ۔ اس موقع پر مولانا عبدالخبیر آزاد نے مزار اقبال پر دعا کرائی اور فاتحہ خوانی کی۔
ایران کے صدر مسعود پزشکیان نے مہمانوں کی کتاب میں ا پنے تاثرات درج کئے ۔ مہمان صدرمسعود پزشکیان اور وفد نے وزیراعلیٰ پنجاب مریم نوازشریف کے ہمراہ گروپ فوٹو بھی بنایا گیا ۔
رنگ روڈ بند کرنے کا فیصلہ
کسی غیر آئینی اور غیر قانونی عمل کو تسلیم نہیں کرتے: علی امین گنڈاپور