’اسے بہت سنبھال کر رکھنا‘، فہد مصطفیٰ کا ثمر جعفری کو سالگرہ پر انوکھا تحفہ
اشاعت کی تاریخ: 5th, August 2025 GMT
معروف پاکستانی اداکار، پروڈیوسر اور میزبان فہد مصطفیٰ نے نوجوان اداکار ثمر جعفری کو ان کی سالگرہ پر ایک منفرد اور یادگار تحفہ دے کر سب کی توجہ حاصل کر لی۔
فہد مصطفیٰ نے اپنے پروڈکشن ہاؤس بگ بینگ انٹرٹینمنٹ کے بینر تلے بننے والے ڈرامے پرورش کے مرکزی اداکار ثمر جعفری کی سالگرہ نہ صرف جوش و خروش سے منائی بلکہ اس موقع پر ایک مزاحیہ ویڈیو بھی سوشل میڈیا پر شیئر کی، جسے شائقین کی جانب سے خوب پسند کیا جا رہا ہے۔
یہ بھی پڑھیں: ’فہد مصطفیٰ نے نوکری سے نکلوایا‘، فوٹوگرافر کے اداکار پر سنگین الزامات
ثمر جعفری، جنہوں نے ڈرامہ مائی ری کے بعد اب پرورش میں اپنی شاندار اداکاری سے ناظرین کے دل جیت لیے ہیں، ان دنوں تیزی سے مقبولیت حاصل کر رہے ہیں۔ ان کی 22ویں سالگرہ کے موقع پر بگ بینگ پروڈکشنز کی جانب سے ایک تقریب کا اہتمام کیا گیا، جس میں فہد مصطفیٰ، ہدایت کار میثم نقوی اور ڈرامے میں سمیر کا کردار ادا کرنے والے اداکار ابوالحسن بھی شریک تھے۔
تقریب کا سب سے دلچسپ لمحہ وہ تھا جب فہد مصطفیٰ نے مذاقاً ثمر جعفری کو ’سر فہد مصطفیٰ‘ کہہ کر پکارا اور کہا یہ لیجنڈ ہیں، اب دیکھتے ہیں یہ کیک کاٹنے میں کتنے ماہر ہیں۔ پھر فہد مصطفیٰ 100 روپے مانگتے ہوئے دکھائی دیے لیکن ہدایتکار میثم نقوی نے کہا کہ ان کے پاس 50 روپے ہیں۔
View this post on Instagram
A post shared by Big Bang Entertainment (@bigbangentertainment2.
فہد مصطفیٰ نے میثم نقوی سے 50 روپے کا نوٹ لے کر تحفے میں ثمر جعفری کو دے دیا۔ ساتھ ہی انہوں نے ثمر کو تاکید کی ’اسے بہت سنبھال کر رکھنا‘۔
یہ ویڈیو سوشل میڈیا پر وائرل ہوئی تو مداحوں کی جانب سے اس پر دلچسپ تبصرے کیے گئے۔ ایک صارف نے لکھا انکل 50 روپے میں بےبی شارک سنا دیں۔ کئی صارفین نے کہا کہ 50 روپے کا یہ نوٹ انہیں بھی چاہیے۔ ایک صارف نے طنزاً کہا ’کم پیسے دیا کرو بھائی، ابھی چھوٹا ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی ڈرامے پرورش ثمر جعفری ثمر جعفری سالگرہ فہد مصطفیذریعہ: WE News
کلیدی لفظ: پاکستانی ڈرامے ثمر جعفری سالگرہ فہد مصطفی ثمر جعفری کو فہد مصطفی
پڑھیں:
ایم ڈبلیو ایم کی پہلوان گوٹھ کراچی میں شیعہ ٹارگٹ کلنگ کی شدید مذمت
اپنے مذمتی بیان میں صدر ایم ڈبلیو ایم کراچی نے مطالبہ کیا کہ واقعے میں ملوث دہشتگروں کی فوری گرفتار کیا جائے۔ اسلام ٹائمز۔ مجلس وحدت مسلمین کراچی کے صدر مولانا صادق جعفری نے پہلوان گوٹھ میں دو شیعہ مسلمانوں کو شہید اور تین کو زخمی کرنے کی شدید الفاظ میں مذمت کی۔ اپنے مذمتی بیان میں مولانا صادق جعفری نے کہا کہ فائرنگ کے واقعے میں معروف شیعہ عالم دین مولانا رجب علی بنگش کے صاحب زادے کو ٹارگٹ کلنگ کا نشانہ بنایا گیا۔ انہوں نے کہا کہ کراچی میں ٹارگٹ کلنگ کے واقعات میں اضافہ قانون نافذ کرنے والے اداروں کی کارکردگی پر سوالیہ نشان ہے، کراچی میں تکفیری دہشتگردوں کا نیٹ ورک دوبارہ فعال ہو رہا ہے۔ مولانا صادق جعفری نے مطالبہ کیا کہ واقعے میں ملوث دہشتگروں کی فوری گرفتار کیا جائے۔ صدر ایم ڈبلیو ایم کراچی نے واقعے میں شہید افراد کے لواحقین سے تعزیت، جبکہ زخمیوں کے اہل خانہ سے ہمدردی اور اُن کی جلد صحت یابی کیلئے نیک خواہشات کا اظہار کیا۔
اپوزیشن لیڈر پنجاب اسمبلی احمد خان بھچر سمیت 51 ملزمان کے وارنٹ گرفتاری جاری