لاکھوں دلوں پر راج کرنیوالی اداکارہ نادرہ کو دنیا سے رخصت ہوئے 30 برس بیت گئے
اشاعت کی تاریخ: 6th, August 2025 GMT
پنجابی فلموں کی خوبصورت اور لاکھوں دلوں پر راج کرنے والی اداکارہ نادرہ کو دنیا سے رخصت ہوئے 30برس بیت گئے۔1968ء کو لاہور میں پیدا ہونے والی نادرہ کا فلمی سفر صرف 8 برسوں پرمحیط رہا، نادرہ نے درجنوں فلموں میں کام کیا اور ہر فلم میں ان کے رقص کو خوب پذیرائی ملی، انہوں نے سلطان راہی اور اظہار قاضی سمیت کئی ہیروز کے ساتھ کام کیا مگر اسماعیل شاہ کے ساتھ ان کی جوڑی سب سے زیادہ پسند کی گئی۔نادرہ کوسب سے پہلے ہدایت کار یونس ملک نے 1986ء میں اپنی فلم’’آخری جنگ‘‘ میں متعارف کرایا مگر فلم ’’نشان‘‘ پہلے ریلیز ہوگئی یوں یہ ان کی پہلی فلم بن گئی، اداکارہ شمی کے بعد نادرہ پاکستان فلم انڈسٹری کی دوسری اداکارہ تھیں جنہوں نے اپنے ہی نام پر بننے والی فلم میں ہیروئن کا کردار ادا کیا۔نادرہ نے اس وقت کی سپرسٹارز صائمہ، انجمن اور نیلی کی موجودگی میں اداکاری کا اپنا انداز اپنایا جس میں وہ کامیاب بھی رہیں، نادرہ کی مقبول فلموں میں لاہوری بدمعاش، گاڈ فادر، جوشیلے، محمدخان، شیرجنگ، یارانہ، ظلم دا سورج، دولت دے پجاری، جادوگرنی، ناچے ناگن، کمانڈو ایکشن، حکومت، تحفہ اور مس اللہ رکھی شامل ہیں۔نادرہ نے 1993ء میں سونے کے تاجر ملک اعجاز حسین سے شادی کی، شادی کے بعد انہوں نے شوبز کو خیرباد کہہ دیا تھا۔نادرہ کی ابھی کئی فلموں کی نمائش ہونا تھی کہ 6 اگست 1995ء کو انہیں گلبرگ لاہورمیں ایک ریسٹورنٹ کے باہر فائرنگ کرکے قتل کر دیا گیا، وہ میانی صاحب قبرستان میں آسودہ خاک ہیں۔
.ذریعہ: Nawaiwaqt
پڑھیں:
اداکارہ دیشا پٹانی کے گھر پر فائرنگ، واقعے کی سی سی ٹی وی فوٹیج سامنے آگئی
معروف بالی ووڈ اداکارہ دیشا پٹانی کے آبائی گھر کے باہر فائرنگ کے واقعے کی نئی سی سی ٹی وی فوٹیج منظر عام پر آئی ہے۔ ویڈیو میں دیکھا جا سکتا ہے کہ موٹر سائیکل سوار حملہ آوروں نے اداکارہ کے گھر پر فائرنگ کی۔
ویڈیو میں دو افراد کو موٹر سائیکل پر آتے ہوئے اور گھر کے باہر کئی فائر کرتے دیکھا جا سکتا ہے۔ فائرنگ کے دوران ایک کتے کے بھونکنے کی آوازیں بھی سنی جا سکتی ہیں۔
WATCH: Video Footage of the shooting at Disha Patani's home in Bareilly on September 12! pic.twitter.com/C2VRJALmgK
— Sensei Kraken Zero (@YearOfTheKraken) September 17, 2025
فائرنگ کے فوراً بعد کوٹوالی پولیس اسٹیشن بریلی میں مقدمہ درج کیا گیا، اور وزیر اعلیٰ یوگی آدتیہ ناتھ نے فوری طور پر سخت کارروائی اور تفتیش کا حکم دیا۔
یہ بھی پڑھیں: اداکارہ دیشا پٹانی کے گھر کے باہر فائرنگ، مشہور گینگسٹر نے ذمہ داری قبول کرکے وجہ بیان کردی
وزیر اعلیٰ کے احکامات کے بعد تحقیقاتی اداروں نے بڑے پیمانے پر آپریشن کا آغاز کیا۔ انہوں نے سی سی ٹی وی فوٹیج کا جائزہ لیا جس کے بعد حملہ آوروں کی شناخت ہوئی۔ حکام کا کہنا ہے کہ اس حملے کے پیچھے ممکنہ سازش اور مجرمانہ نیٹ ورک کو بے نقاب کرنے کے لیے تفتیش جاری ہے۔
ان دونوں افراد کو، جو دیشا پٹانی کے گھر پر فائرنگ میں ملوث تھے، ریاست اتر پردیش کے غازی آباد میں پولیس انکاؤنٹر میں ہلاک کر دیا گیا۔ ملزمان کی شناخت رویندر (روہتک) اور ارون (سونی پت) کے طور پر ہوئی، جن کا تعلق کینیڈا میں مقیم گینگسٹر گولڈی برار کے معروف بین الاقوامی گینگ سے بتایا گیا ہے۔ کارروائی کے دوران دہلی پولیس کا ایک اہلکار زخمی بھی ہوا، جس کی حالت اب خطرے سے باہر ہے۔
یہ بھی پڑھیں: فائرنگ واقعہ کے بعد سلمان خان گلیکسی اپارٹمنٹ چھوڑ رہے ہیں؟
ذرائع کے مطابق، اتر پردیش اسپیشل ٹاسک فورس (ایس ٹی ایف) اور دہلی پولیس کی کرائم انٹیلی جنس یونٹ نے مشترکہ طور پر انکاؤنٹر کیا۔ جب پولیس نے دونوں ملزمان کو روکنے کی کوشش کی تو انہوں نے فائرنگ شروع کر دی۔ جوابی کارروائی میں دونوں حملہ آور شدید زخمی ہو گئے اور اسپتال لے جانے پر دم توڑ گئے۔
حکام نے اس انکاؤنٹر کو گولڈی برار کے نیٹ ورک کے خلاف ایک بڑی کامیابی قرار دیا ہے، جو اتر پردیش میں اپنے قدم جمانے کی کوشش کر رہا تھا۔ دیشا پٹانی کے بریلی والے گھر کی سیکیورٹی میں مزید اضافہ کر دیا گیا ہے جبکہ تحقیقاتی ادارے گینگ کے دیگر روابط کی تفتیش جاری رکھے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دشا پٹانی دشا پٹانی حملہ دشا پٹانی فائرنگ گولڈی برار
ٹک ٹاکر ثنا یوسف قتل کیس میں بڑی پیشرفت