شاہ رخ خان کے ایوارڈ پر جاری تنازع، کس بات پر شور مچ رہا ہے؟
اشاعت کی تاریخ: 7th, August 2025 GMT
بالی ووڈ کنگ شاہ رخ خان کو ان کی فلم ’جوان‘ پر قومی فلم ایوارڈ سے نوازا گیا، جو ان کے 33 سالہ طویل اور متاثر کن فلمی کیریئر کے بعد ایک بڑا اعزاز تھا۔ شاہ رخ خان کو یہ ایوارڈ ملنے پر سوشل میڈیا صارفین کی جانب سے ملا جلا ردعمل سامنے آیا۔ متعدد افراد نے شاہ رخ خان کے نیشنل ایوارڈ ملنے کی تعریف کی تھی لیکن چند افراد نے جیوری کے فیصلے پر سوالات بھی اٹھائے تھے۔
اس ایوارڈ پر تنازع اس وقت شدت اختیار کر گیا جب ساؤتھ انڈین اداکارہ اروشی نے بالواسطہ طور پر شاہ رخ کے ایوارڈ پر سوالات اٹھائے۔ انہوں نے فلم ’اکوزکو‘ میں بہترین معاون اداکارہ کا ایوارڈ قبول کیا، لیکن اپنے بیان میں انہوں نے ججوں کے فیصلے کی شفافیت پر خدشات ظاہر کیے۔
یہ بھی پڑھیں: ’آپ کمل ہاسن کے قدموں کی خاک بھی نہیں‘ بالی ووڈ کے للی پٹ شاہ رخ خان پر کیوں برسے؟
اگرچہ انہوں نے شاہ رخ کا نام نہیں لیا، مگر اشارہ دیا کہ فلم ’جوان‘ کو بہترین اداکار کا ایوارڈ کیسے ملا، جبکہ ملیالم سینما کے تجربہ کار اداکار وجیاراگھون کی زبردست اداکاری کو مرکزی زمرے میں شامل تک نہیں کیا گیا۔ ان کے اس بیان سے سوشل میڈیا پر ایک نئی بحث چھڑ گئی۔
اب فلم ساز امتیاز علی نے بھی اس بحث پر اپنی رائے ظاہر کیا ہے۔ ممبئی میں ایک تقریب کے دوران انہوں نے بھارتیم یڈیا سے گفتگو کرتے ہوئے کہا کہ اگر ملک نے انہیں یہ اعزاز دیا ہے تو یہ یقیناً ایک بڑی بات ہے۔ میں شاہ رخ خان اور تمام انعام یافتگان کو دل سے مبارکباد دینا چاہتا ہوں۔
ایسے میں جب شاہ رخ خان کو ایوارڈ ملنے پر تنقید بڑھنے لگی، تو تجربہ کار اداکار مکیش کھنہ نے ان کی حمایت میں آواز بلند کی۔ انہوں نے کہا کہ ’جو لوگ کہہ رہے ہیں کہ شاہ رخ خان کو یہ ایوارڈ ’جوان‘ پر نہیں بلکہ ’سوادیس‘ پر ملنا چاہیے تھا، اُنہیں یاد رکھنا چاہیے کہ اے آر رحمان کو آسکر ایوارڈ ’جے ہو‘ پر ملا تھا، نہ کہ ان کے پہلے سے بنائے ہوئے خوبصورت گانوں پر۔ شاہ رخ خان گزشتہ 40 سالوں سے محنت کر رہے ہیں تو اگر انہیں قومی ایوارڈ ملا ہے تو اس میں کیا غلط ہے؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ شاہ رخ خان شاہ رخ خان ایوارڈ مکیش کھنہ.ذریعہ: WE News
کلیدی لفظ: بالی ووڈ شاہ رخ خان شاہ رخ خان ایوارڈ مکیش کھنہ شاہ رخ خان کو انہوں نے
پڑھیں:
برسوں سے نیشنل ایوارڈ نہ ملنے پر افسوس تھا، شاہ رخ کا اعتراف
کئی برس نیشنل ایوارڈ نہ ملنے پر افسوس تھا، شاہ رخ کا اعتراف
بالی ووڈ کے کنگ شاہ رخ خان کو 2025ء میں فلم ’جوان‘ کےلیے کیرئیر کا پہلا نیشنل ایوارڈ برائے بہترین اداکار ملا ہے۔
شاہ رخ خان کی زندگی کے 60 سال اور فلمی کیرئیر کے 33 سال مکمل ہوئے ہیں اور اس کے ساتھ ہی یہ سال یاد گار بن گیا ہے۔
جان سینا نے شاہ رخ سے ملاقات کو زندگی بدل دینے والا لمحہ قرار دیدیا
بالی ووڈ کے بادشاہ نے اپنے فلمی کیرئیر میں بے شمار کامیابیاں حاصل کیں لیکن انہوں نے اعتراف کیا کہ وہ کئی برس نیشنل ایوارڈنہ ملنے پر افسوس کرتے تھے۔
انہوں نے مزید کہا کہ 10 سے 15 سال پہلے تک مجھے کبھی کبھی برا لگتا تھا کہ مجھے ایوارڈ نہیں ملا جبکہ میں ہر بار اچھی ایکٹنگ کرتا ہوں، جب آپ کی محنت کی قدر نہ کی جائے تو دل تو دکھتا ہے۔
شاہ رخ خان نے یہ بھی کہا کہ میں ہر کردار میں بہترین کارکردگی دکھانے کی کوشش کرتا ہوں، اب مجھے صرف ایوارڈز نہیں بلکہ اپنے چاہنے والوں کی محبت ہی خوشی دیتی ہے۔
نیشنل ایوارڈ برائے بہترین اداکار ملنے پر شاہ رخ خان کی اہلیہ گوری خان نے فخر کا اظہار کیا اور کہا کہ یہ ان کی برسوں کی محنت کا ثمر ہے۔
شاہ رخ خان نے 14 فلم فیئر ایوارڈ، پدم شری اور فرانسیسی حکومت کے بین الاقوامی اعزازت حاصل کررکھے ہیں، وہ اپنی اگلی فلم کنگ میں بیٹی سہانا خان اور دیپیکا پڈوکون کے ساتھ پردے پر نظرآئیں گے۔
گرین شرٹس پروٹیز پر پلٹ کر وار کرنے کے لیے تیار