قومی کرکٹر حیدر علی مانچسٹر میں گرفتاری کے بعد ضمانت پر رہا
اشاعت کی تاریخ: 8th, August 2025 GMT
پاکستانی کرکٹر حیدر علی کو حالیہ دورہ انگلینڈ کے دوران مانچسٹر میں گرفتاری کے بعد ضمانت پر رہا کردیا گیا ہے، تاہم وہ اب بھی سفری پابندیوں کا سامنا کررہے ہیں جبکہ معاملے کی تحقیقات جاری ہیں۔
قومی کرکٹر پر خاتون سے مبینہ زیادتی کا الزام ہے، انگلینڈ کی پولیس نے کرکٹر کو 2 ہفتے بعد دوبارہ طلب کرلیا ہے، اس دوران ان پر برطانیہ چھوڑنے پر پابندی ہے۔
یہ بھی پڑھیں: پاکستان کرکٹ بورڈ نے کرکٹر حیدر علی کو معطل کردیا، وجہ کیا بنی؟
میڈیا رپورٹس کے مطابق 24 سالہ حیدر علی جو پاکستان کی جانب سے 35 ٹی20 انٹرنیشنل میچز کھیل چکے ہیں، کو تین دن حراست میں رکھا گیا۔
پاکستان کرکٹ بورڈ (پی سی بی) نے حیدر علی کو عبوری طور پر معطل کردیا ہے۔
بورڈ کی جانب سے جاری بیان میں کہا گیا ہے کہ پی سی بی کو گریٹر مانچسٹر پولیس کی جانب سے حیدر علی کے خلاف جاری فوجداری تحقیقات کے بارے میں آگاہ کیا گیا ہے۔ یہ تحقیقات حالیہ دورہ انگلینڈ کے دوران پیش آنے والے ایک واقعے سے متعلق ہیں۔
پی سی بی نے مزید کہا کہ بورڈ نے کھلاڑی کے قانونی حقوق کی حفاظت کے لیے ضروری اقدامات کیے ہیں۔
’پی سی بی اپنی ذمہ داری کے تحت تمام کھلاڑیوں کی فلاح و بہبود اور قانونی حقوق کے تحفظ کو یقینی بناتا ہے، اور اسی سلسلے میں حیدر علی کو مناسب قانونی معاونت فراہم کی گئی ہے۔‘
بیان میں مزید کہا گیا کہ پی سی بی برطانیہ کے قانونی نظام اور تفتیشی عمل کا مکمل احترام کرتا ہے اور اس کی شفاف تکمیل کو ضروری سمجھتا ہے۔
یہ بھی پڑھیں: برطانیہ میں پاکستانی کرکٹرز کے تنازعات، حیدر علی تک کی طویل کہانی
واضح رہے کہ پاکستان شاہینز نے دورہ برطانیہ میں تین ایک روزہ میچز اور دو تین روزہ میچز کھیلے تھے۔ حیدر علی اس دورے کے دوران ٹیم کے اہم کھلاڑی رہے اور تمام میچز میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حیدر علی خاتون سے مبینہ زیادتی دورہ انگلینڈ ضمانت پر رہا قومی کرکٹر مانچسٹر پولیس وی نیوز.ذریعہ: WE News
کلیدی لفظ: حیدر علی خاتون سے مبینہ زیادتی دورہ انگلینڈ ضمانت پر رہا قومی کرکٹر مانچسٹر پولیس وی نیوز حیدر علی کو پی سی بی
پڑھیں:
ایف آئی ایچ پرو لیگ کا شیڈول جاری، پاکستان اور بھارت کا ٹاکرا ہوگا؟
انٹرنیشنل ہاکی فیڈریشن (FIH) نے پرو لیگ کے نئے سیزن کا باضابطہ شیڈول جاری کردیا ہے، جس میں روایتی حریف پاکستان اور بھارت کے درمیان ہائی وولٹیج مقابلہ جون 2026 میں لندن میں ہوگا۔
پاکستان نے یہ موقع اس وقت حاصل کیا جب 2024-25 نیشنز کپ کی فاتح نیوزی لینڈ نے پرو لیگ کھیلنے سے معذرت کرلی۔ ایونٹ کے رنر اپ پاکستان کو فیڈریشن کی جانب سے دعوت دی گئی، جسے حکومت کی مالی معاونت کے بعد قبول کر لیا گیا۔
یہ بھی پڑھیں: حکومت نے پاکستان ہاکی ٹیم کے لیے 25 کروڑ روپے کی گرانٹ منظور کرلی
ایف آئی ایچ نے اپنے بیان میں کہا کہ گرین شرٹ نے آئندہ سیزن کی ایف آئی ایچ ہاکی پرو لیگ میں شرکت کی دعوت قبول کرلی ہے۔
پرو لیگ کے 7ویں ایڈیشن میں مجموعی طور پر 9 ٹیمیں شامل ہوں گی جن میں ارجنٹائن، آسٹریلیا، بیلجیئم، انگلینڈ، جرمنی، بھارت، نیدرلینڈز، اسپین اور پاکستان شامل ہیں۔ گزشتہ سیزن میں آخری نمبر پر آنے والی آئرلینڈ کی ٹیم ایونٹ سے باہر ہوگئی ہے۔
پاکستان اپنا سفر دسمبر 2025 میں ارجنٹائن کے شہر روزاریو سے شروع کرے گا، جہاں 10 دسمبر کو نیدرلینڈز کے خلاف پہلا میچ کھیلے گا۔ گرین شرٹس مجموعی طور پر 16 میچز کھیلیں گے جنہیں چار انٹرنیشنل لیگز میں تقسیم کیا گیا ہے۔
یہ بھی پڑھیں: پاکستان ہاکی ٹیم کی جانب سے ملائیشیا میں ہوٹل بلز کی عدم ادائیگی کا انکشاف
یورپی مرحلے میں پاکستان بیلجیئم اور اسپین کے خلاف واورے میں میدان میں اترے گا جبکہ سب سے بڑا مقابلہ 23 اور 26 جون 2026 کو لندن میں بھارت کے خلاف ہوگا۔ اس کے علاوہ پاکستان انگلینڈ سے بھی 2 میچز کھیلے گا۔
پاکستان کا شیڈولدسمبر 2025 – روزاریو، ارجنٹائن
10 دسمبر: نیدرلینڈز بمقابلہ پاکستان (03:00)
12 دسمبر: ارجنٹائن بمقابلہ پاکستان (03:00)
13 دسمبر: پاکستان بمقابلہ نیدرلینڈز (03:00)
15 دسمبر: ارجنٹائن بمقابلہ پاکستان (03:00)
فروری 2026 – ہوبارٹ، آسٹریلیا10 فروری: آسٹریلیا بمقابلہ پاکستان (11:00)
11 فروری: پاکستان بمقابلہ جرمنی (13:30)
13 فروری: آسٹریلیا بمقابلہ پاکستان (11:00)
14 فروری: جرمنی بمقابلہ پاکستان (10:00)
جون 2026 – واورے، بیلجیئم13 جون: بیلجیئم بمقابلہ پاکستان (18:30)
14 جون: پاکستان بمقابلہ اسپین (18:30)
19 جون: بیلجیئم بمقابلہ پاکستان (00:00)
20 جون: اسپین بمقابلہ پاکستان (18:30)
جون 2026 – لندن، برطانیہ23 جون: پاکستان بمقابلہ بھارت (18:30)
24 جون: انگلینڈ بمقابلہ پاکستان (17:30)
26 جون: بھارت بمقابلہ پاکستان (22:00)
27 جون: انگلینڈ بمقابلہ پاکستان (20:00)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارجنٹائن آسٹریلیا انٹرنیشنل ہاکی فیڈریشن انگلینڈ بھارت پاکستان شیڈول
تربت میں نجی کیش وین پر ڈکیتی، 22 کروڑ روپے لوٹ لیے گئے