صدر ٹرمپ کا انٹیل سی ای او سے استعفے کا مطالبہ، لپ بو تان کا دوٹوک جواب
اشاعت کی تاریخ: 9th, August 2025 GMT
امریکا کی ایک بڑی عالمی ٹیکنالوجی اور سیمی کنڈکٹر ساز کمپنی انٹیل کے چیف ایگزیکٹو آفیسر لپ بو تان نے سابق امریکی صدر ڈونلڈ ٹرمپ کی جانب سے استعفے کے مطالبے کو مسترد کرتے ہوئے کہا ہے کہ وہ ہمیشہ اعلیٰ قانونی اور اخلاقی معیار کے تحت کام کرتے رہے ہیں۔
اپنے بیان میں انٹیل کے سی ای او کا کہنا تھا کہ ان کی شہرت اعتماد، وعدے کی پاسداری اور درست طریقے سے کام کرنے پر قائم ہے، اور اسی انداز میں وہ انٹیل کی قیادت کررہے ہیں۔
یہ بھی پڑھیں: صدر ٹرمپ نے کمپیوٹر چپس پر 100 فیصد ٹیرف لگانے کا اعلان کر دیا
صدر ٹرمپ نے سوشل میڈیا پلیٹ فارم ’ٹروتھ سوشل‘ پر لکھا تھا کہ انٹیل کا سی ای او شدید مفادات کے ٹکراؤ کا شکار ہے اور اسے فوری طور پر استعفیٰ دینا چاہیے، تاہم انہوں نے اس بیان کی وجہ واضح نہیں کی۔
اس سے قبل ریپبلکن سینیٹر ٹام کاٹن نے انٹیل کے چیئرمین فرینک ییئری کو ایک خط میں لپ بو تان کے حوالے سے امریکی قومی سلامتی پر ممکنہ اثرات اور کمپنی کے آپریشنز کی شفافیت پرتشویش کا اظہار کیا تھا۔
مزید پڑھیں: یوکرین اسلحہ کی فراہمی بحال، ٹرمپ کا ہنگامی امدادی پیکج جاری
دوسری جانب لپ بو تان نے اپنے بیان میں کہا کہ ان کے ماضی کے عہدوں خاص طور پر والڈن انٹرنیشنل اور کیڈنس ڈیزائن سسٹمز کے بارے میں کئی غلط فہمیاں پھیلائی جا رہی ہیں، وہ 2009 سے 2021 تک کیڈنس ڈیزائن سسٹمز کے سی ای او رہے۔
’جس پر امریکی محکمہ انصاف نے رواں سال جولائی میں برآمداتی قوانین کی خلاف ورزی کے الزام میں مقدمہ دائر کیا، یہ الزامات فروری 2015 سے اپریل 2021 کے دوران پیش آنے والے واقعات سے متعلق ہیں۔‘
مزید پڑھیں: ‘یوکرین کے بارے میں بکواس کر رہا ہے‘، ٹرمپ روسی صدر پر برہم، مزید ہتھیار بھیجنے کا اعلان
لپ بو تان نے کہا کہ ہم حکومت کے ساتھ رابطے میں ہیں تاکہ تمام حقائق ان تک پہنچ سکیں۔ ’میں صدر کی امریکی قومی و معاشی سلامتی کو فروغ دینے کی وابستگی کا شریک ہوں اور اس پر فخر ہے کہ میں ایسی کمپنی کی قیادت کر رہا ہوں جو ان مقاصد کے لیے مرکزی کردار ادا کر رہی ہے۔‘
انٹیل کی جانب سے بدھ کو جاری ایک الگ بیان میں کہا گیا کہ کمپنی، بورڈ آف ڈائریکٹرز اور لپ بو تان امریکی قومی و معاشی سلامتی کے تحفظ کے لیے پُرعزم ہیں اور صدر کے ’امریکا فرسٹ‘ ایجنڈے کے مطابق بڑے پیمانے پر سرمایہ کاری کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا فرسٹ انٹیل ٹروتھ سوشل ٹیکنالوجی کمپنی سرمایہ کاری سی ای او سیمی کنڈکٹر سینیٹر ٹام کاٹن صدر ٹرمپ کیڈنس ڈیزائن سسٹمز لپ بو تان معاشی سلامتی والڈن انٹرنیشنل.ذریعہ: WE News
کلیدی لفظ: امریکا فرسٹ انٹیل ٹروتھ سوشل ٹیکنالوجی کمپنی سرمایہ کاری سی ای او سیمی کنڈکٹر کیڈنس ڈیزائن سسٹمز لپ بو تان معاشی سلامتی والڈن انٹرنیشنل سی ای او
پڑھیں:
غزہ میں استحکام کے لیے بین الاقوامی فورس بہت جلد تعینات کی جائے گی، امریکی صدر
غزہ میں استحکام کے لیے بین الاقوامی فورس بہت جلد تعینات کی جائے گی، امریکی صدر WhatsAppFacebookTwitter 0 7 November, 2025 سب نیوز
واشنگٹن (آئی پی ایس) امریکی صدر ڈونلڈ ٹرمپ نے کہا ہے کہ غزہ میں استحکام کے لیے بین الاقوامی فورس بہت جلد تعینات کی جائے گی۔العربیہ اردو کے مطابق واشنگٹن میں وسطی ایشیائی ممالک کے رہنماؤں کے ساتھ عشائیے کے دوران ڈونلڈ ٹرمپ نے کہا کہ یہ تعیناتی بہت جلد ہونے والی ہے، اور غزہ میں حالات اطمینان بخش ہیں۔
انہوں نے کہا کہ غزہ میں زیادہ مسائل پیش نہیں آئےاور اگر فلسطین کی عسکری تنظیم کے ساتھ کوئی نئی مشکل پیدا ہوئی تو کئی ممالک نے مدد کی پیشکش کی ہے۔ساتھ ہی امریکی صدر نےفلسطین کی عسکری تنظیم کو خبردار کیا کہ اگر تنظیم نے دانش مندی سے کام نہ لیا تو اسے سنگین نتائج کا سامنا کرنا پڑے گا۔ یہ بیان ایسے وقت سامنے آیا ہے جب امریکا نےاقوام متحدہ کی سلامتی کونسل میں ایک قرارداد کا مسودہ پیش کیا، جس کا مقصد ڈونلڈ ٹرمپ کے امن منصوبے کی حمایت اور بین الاقوامی فورس کی تعیناتی کے لیے منظوری حاصل کرنا ہے۔امریکی مشن کے ترجمان کے مطابق اقوام متحدہ میں امریکی سفیر مائیک والٹز نے یہ مسودہ سلامتی کونسل کے دس منتخب رکن ممالک کے علاوہ خطے کے کئی اہم شراکت داروں سعودی عرب، مصر، قطر، متحدہ عرب امارات اور ترکیہ کے سامنے بھی پیش کیا، تاہم ابھی اس پر رائے شماری کی تاریخ مقرر نہیں کی گئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراقوام متحدہ نے شامی صدر احمد الشرع پر عائد پابندیاں ختم کر دیں اقوام متحدہ نے شامی صدر احمد الشرع پر عائد پابندیاں ختم کر دیں ایلون مسک ایک ٹریلین ڈالر معاوضہ لینے والے دنیا کے پہلے سی ای او بن گئے سی ڈی اے کا بڑا انتظامی اقدام ،متعدد افسران کو فوری طور پر ایچ آر ڈی میں رپورٹ کرنے کی ہدایت،نوٹیفکیشن سب نیوز پر استنبول مذاکرات: افغان سرزمین سے دہشت گردی کسی صورت قبول نہیں، پاکستان سنی اتحاد کونسل کے مرکزی رہنما صاحبزادہ حامد رضا گرفتار، جیل منتقل ستائیسویں ترمیم پر مشاورت کیلئے آج طلب کیا گیا وفاقی کابینہ کا اجلاس ملتویCopyright © 2025, All Rights Reserved
رابطہ کریں ہماری ٹیم
پاکستان سے اب تک 8لاکھ 28 ہزار سے زائد افغان مہاجرین وطن واپس چلے گئے