ٹوکیو میں فائٹ کے دوران دماغی چوٹیں، 2 باکسرز جان سے گئے
اشاعت کی تاریخ: 10th, August 2025 GMT
ٹوکیو میں ہونے والے ایک باکسنگ ایونٹ کے دوران 2 جاپانی باکسرز سر پر شدید چوٹ لگنے کے باعث جان کی بازی ہار گئے۔
2 اگست کو 28 سالہ ہیروماسا اوراکاوا یو جی سائٹو کے خلاف آٹھویں راؤنڈ میں ناک آؤٹ ہونے کے بعد بیہوش ہو گئے تھے اور اسپتال منتقل کیے گئے، جہاں ایک ہفتے علاج کے باوجود وہ ہفتے کے روز انتقال کر گئے۔
یہ بھی پڑھیں: آئرش باکسر جان کونی مقابلے کے دوران دماغ میں چوٹ لگنے سے جاں بحق
اس سے ایک روز قبل، 28 سالہ شیگیتوشی کوٹاری بھی اسی تاریخ کو لڑی گئی فائٹ کے بعد سر پر چوٹ لگنے کے نتیجے میں انتقال کر گئے تھے۔
دونوں باکسرز کے دماغ میں خون جمنے کے باعث فوری آپریشن کیا گیا مگر وہ جانبر نہ ہوسکے۔
ورلڈ باکسنگ آرگنائزیشن نے دونوں کھلاڑیوں کی موت پر افسوس کا اظہار کیا، جبکہ جاپان باکسنگ کمیشن نے حفاظتی اقدامات کے تحت اورینٹل اینڈ پیسفک باکسنگ فیڈریشن ٹائٹل فائٹس کے راؤنڈز 12 سے کم کرکے 10 کرنے کا اعلان کیا ہے۔
یہ بھی پڑھیں: سلیپ فائٹنگ: چہرے پر تھپڑوں کی بوچھاڑ والا جان لیوا کھیل
جاپانی میڈیا کے مطابق کمیشن نے واقعے کی تحقیقات شروع کر دی ہیں اور ستمبر میں خصوصی اجلاس بلا کر مزید اقدامات پر غور کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news باکسرز ٹوکیو جاپان شیگیتوشی کوٹاری فائٹنگ ہیروماسا اوراکاوا ورلڈ باکسنگ آرگنائزیشن.ذریعہ: WE News
کلیدی لفظ: باکسرز ٹوکیو جاپان فائٹنگ ورلڈ باکسنگ آرگنائزیشن
پڑھیں:
قومی کرکٹر حیدر علی مانچسٹر میں گرفتاری کے بعد ضمانت پر رہا
پاکستانی کرکٹر حیدر علی کو حالیہ دورہ انگلینڈ کے دوران مانچسٹر میں گرفتاری کے بعد ضمانت پر رہا کردیا گیا ہے، تاہم وہ اب بھی سفری پابندیوں کا سامنا کررہے ہیں جبکہ معاملے کی تحقیقات جاری ہیں۔
قومی کرکٹر پر خاتون سے مبینہ زیادتی کا الزام ہے، انگلینڈ کی پولیس نے کرکٹر کو 2 ہفتے بعد دوبارہ طلب کرلیا ہے، اس دوران ان پر برطانیہ چھوڑنے پر پابندی ہے۔
یہ بھی پڑھیں: پاکستان کرکٹ بورڈ نے کرکٹر حیدر علی کو معطل کردیا، وجہ کیا بنی؟
میڈیا رپورٹس کے مطابق 24 سالہ حیدر علی جو پاکستان کی جانب سے 35 ٹی20 انٹرنیشنل میچز کھیل چکے ہیں، کو تین دن حراست میں رکھا گیا۔
پاکستان کرکٹ بورڈ (پی سی بی) نے حیدر علی کو عبوری طور پر معطل کردیا ہے۔
بورڈ کی جانب سے جاری بیان میں کہا گیا ہے کہ پی سی بی کو گریٹر مانچسٹر پولیس کی جانب سے حیدر علی کے خلاف جاری فوجداری تحقیقات کے بارے میں آگاہ کیا گیا ہے۔ یہ تحقیقات حالیہ دورہ انگلینڈ کے دوران پیش آنے والے ایک واقعے سے متعلق ہیں۔
پی سی بی نے مزید کہا کہ بورڈ نے کھلاڑی کے قانونی حقوق کی حفاظت کے لیے ضروری اقدامات کیے ہیں۔
’پی سی بی اپنی ذمہ داری کے تحت تمام کھلاڑیوں کی فلاح و بہبود اور قانونی حقوق کے تحفظ کو یقینی بناتا ہے، اور اسی سلسلے میں حیدر علی کو مناسب قانونی معاونت فراہم کی گئی ہے۔‘
بیان میں مزید کہا گیا کہ پی سی بی برطانیہ کے قانونی نظام اور تفتیشی عمل کا مکمل احترام کرتا ہے اور اس کی شفاف تکمیل کو ضروری سمجھتا ہے۔
یہ بھی پڑھیں: برطانیہ میں پاکستانی کرکٹرز کے تنازعات، حیدر علی تک کی طویل کہانی
واضح رہے کہ پاکستان شاہینز نے دورہ برطانیہ میں تین ایک روزہ میچز اور دو تین روزہ میچز کھیلے تھے۔ حیدر علی اس دورے کے دوران ٹیم کے اہم کھلاڑی رہے اور تمام میچز میں شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حیدر علی خاتون سے مبینہ زیادتی دورہ انگلینڈ ضمانت پر رہا قومی کرکٹر مانچسٹر پولیس وی نیوز
قاسم اور سلمان اگر انتشار پھیلانے آتے ہیں تو اسکی اجازت نہیں ملے گی‘ عظمیٰ بخاری