نیلم کلچرل فیسٹیول میں رنگا رنگ تقریبات؛ معرکہ حق کی جیت اور آزادی کا جشن
اشاعت کی تاریخ: 11th, August 2025 GMT
وادی نیلم کے علاقے کیل میں معرکہ حق اور جشن آزادی کی تقریبات کے تحت نیلم کلچرل فیسٹیول کا انعقاد کیا گیا۔ یہ فیسٹیول پاک فوج اور آزاد کشمیر کلچرل اکیڈمی کے اشتراک سے منعقد ہوا اور اس ثقافتی میلے میں مقامی افراد کی بڑی تعداد نے بھرپور شرکت کی۔
میلے میں اسکول کے بچوں کے ٹیبلو، کالج طلبہ کا شینہ گیت اور روایتی رقص گٹکا پیش کیا گیا۔ جشن آزادی اور معرکہ حق میں کامیابی کے موضوع پر تقاریر کی گئیں اور ماحولیاتی تحفظ اور سیاحت کے فروغ پر بات چیت اور عوام کو ترغیب دی گئی۔
اس موقع پر مہمان خصوصی چیف سیکرٹری خوشحال خان نے شرکا میں انعامات اور سونیئر تقسیم کیے۔ مقامی عوام نے ثقافتی میلے کو اتحاد، یکجہتی اور ثقافتی ورثے کے فروغ کا ذریعہ قرار دیا۔ عوام نے معرکہ حق میں تاریخی فتح پر افواج پاکستان کو زبردست خراج تحسین پیش کیا۔
منتظمین کی کاوشوں کو سراہتے ہوئے عوام نے فیسٹیول کے انعقاد پر خوشی کا اظہار کیا۔
.
ذریعہ: Express News
کلیدی لفظ: معرکہ حق
پڑھیں:
معرکہ حق: حصولِ آزادی سے تحفظِ آزادی تک کا سنہری سفر
یوم آزادی کے پرمسرت موقع پر پاکستان کی مسلح افواج ایک بار پھر ملک کی حفاظت اور بقاء کے لیے اپنے عزم و حوصلے کو تازہ کر رہی ہیں۔ یہ معرکہ حق ہے، جو ہمارے بہادر سپاہیوں، فضائیہ، بحریہ اور رینجرز کے جذبے، قربانی اور غیرمتزلزل عزم کی داستان ہے۔
پاک فوج کہتی ہے کہ ہماری سانس، خون، جذبہ اور جنون سب تیری حفاظت کے نام ہے۔ یہ وردی صرف لباس نہیں، بلکہ ہمارے عشق کی پہچان ہے۔
پاک فضائیہ کے جوان فخر سے کہتے ہیں کہ ہماری ہر پرواز اور ہر اڑان پاکستان کے وقار و سربلندی کے لیے ہے۔ پاک بحریہ کا حوصلہ ہے کہ ہم ہر لہر کے سامنے حفاظتی دیوار بن کر کھڑے ہیں۔
مزید پڑھیں: ’جان سے پیارا پاکستان‘ یومِ آزادی پر معرکہ حق کی مناسبت سے آئی ایس پی آر کا ملی نغمہ جاری
پاک رینجرز کا عزم ہے کہ پہاڑ ہو یا میدان، طوفان ہو یا کٹھن راہ، وطن کی حفاظت ہمارا ایمان ہے۔ ہم ہر لمحہ وطن کے امن کے لیے تیار ہیں۔
معرکہ حق وہ معرکہ ہے جس میں حق کی جیت ہوئی، اور جس کا فخر آج ہر پاکستانی کے سینے میں ہے۔ ہمیں فخر ہے کہ ہم اس معرکے کا حصہ ہیں۔ یوم آزادی کے اس مقدس دن پر، مسلح افواج پاکستان ایک بار پھر ملک کی حفاظت کرنے اور امن قائم رکھنے کے لیے اپنا تجدیدِ عہد کرتی ہیں۔
پاکستان زندہ باد، ہم سب کا عزم ہے، ہمارا پاکستان سلامت رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بحریہ پاک فضائیہ پاک فوج معرکہ حق یومِ آزادی
وزیراعظم شہباز شریف ایرانی صدر کے اعزازمیں ظہرانہ دیں گے