بحریہ ٹاؤن کے رہائشیوں کوجائیداد اور سرمائے سے متعلق نیب نے یقین دہانی کرادی
اشاعت کی تاریخ: 11th, August 2025 GMT
قومی احتساب بیورو (نیب) اسلام آباد نے بحریہ ٹاؤن کے رہائشیوں اور جائیداد مالکان کو یقین دلایا ہے کہ ان کے تمام قانونی حقوق، جائیدادیں اور سرمایہ کاری مکمل طور پر محفوظ ہیں۔
نیب کے مطابق چند مخصوص عناصر کی جانب سے پھیلائی جانے والی منفی خبریں دراصل ایک گہری سازش کا حصہ ہیں، جس کا مقصد متاثرہ افراد کو خوفزدہ کر کے ان کی جائیدادیں کم قیمت پر خریدنا ہے۔
یہ بھی پڑھیں: نیب راولپنڈی نے بحریہ ٹاؤن کی کمرشل پراپرٹیز کی نیلامی کا آغاز کردیا
ترجمان نیب نے واضح کیا کہ بحریہ ٹاؤن کے رہائشی اور مالکان خود نیب کی نظر میں متاثرین ہیں، جن کے ساتھ دھوکہ دہی اور فراڈ ہوا ہے اور بیورو ان کے حقوق کے تحفظ میں کوئی کسر نہیں چھوڑے گا۔
نیب کے مطابق بحریہ ٹاؤن کے خلاف جاری کارروائیاں صرف مالکان اور ان کی جائیدادوں تک محدود ہیں، اور جب تک وہ قانون کے سامنے پیش ہو کر لوٹی گئی رقوم واپس نہیں کرتے، کارروائیاں بلا تعطل جاری رہیں گی۔
مزید پڑھیں: نیب راولپنڈی نے بحریہ ٹاؤن کی کمرشل پراپرٹیز کی نیلامی کا آغاز کردیا
نیب نے تمام رہائشیوں اور جائیداد مالکان کو ہدایت کی ہے کہ وہ کسی بھی منفی یا شرانگیز خبر پر توجہ نہ دیں، اطمینان سے اپنی روزمرہ زندگی جاری رکھیں، اور کسی بھی مشکوک سرگرمی کے بارے میں فوراً نیب کو اطلاع دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بحریہ ٹاؤن ترجمان جائیداد دھوکہ دہی فراڈ گہری سازش مالکانہ حقوق نیب.ذریعہ: WE News
کلیدی لفظ: بحریہ ٹاؤن دھوکہ دہی فراڈ گہری سازش مالکانہ حقوق بحریہ ٹاؤن کے
پڑھیں:
پاک بحریہ کا جہاز پی این ایس سیف خیرسگالی دورے پر چٹاگانگ پہنچ گیا
پاک بحریہ کا جہاز پی این ایس سیف خیرسگالی دورے پر چٹاگانگ پہنچ گیا ہے۔
ہفتے کے روز پاک بحریہ کا جہاز پی این ایس سیف 4 روزہ خیرسگالی دورے پر بنگلادیش کے بندرگاہی شہر چٹاگانگ پہنچا، جہاز کی آمد پر بنگلادیش نیوی کی جانب سے چیف اسٹاف آفیسر، کمانڈر چٹاگانگ نیول ایریا نے عملے کا پرتپاک استقبال کیا، جبکہ بحری بینڈ نے روایتی دھنیں پیش کر کے خوش آمدید کہا۔
یہ بھی پڑھیں: بنگلہ دیش نیوی کا جہاز کراچی میں ’انٹرنیشنل فلیٹ ریویو‘ میں حصہ لے گا
ڈھاکا میں پاکستانی ہائی کمیشن کے حکام اور بنگلادیش بحریہ کے سینیئر افسران بھی استقبالیہ تقریب میں موجود تھے۔ اس سے قبل جب پی این ایس سیف بنگلادیشی حدود میں داخل ہوا تو بنگلادیش نیوی کے جہاز بی این ایس شادینوتا نے سمندر میں اس کا خیرمقدم کیا۔
Pakistan Navy ship PNS SAIF commanded by Captain Shujaat Abbas Raja, arrived at Chattogram Port. The ship was warmly received on behalf of Commander Chattogram Naval Area.
This goodwill visit is expected to further strengthen the friendly relations between Bangladesh & Pakistan. pic.twitter.com/ajqCerieRP
— Defense Technology of Bangladesh-DTB (@DefenseDtb) November 8, 2025
دورے کے دوران پی این ایس سیف کے کمانڈنگ آفیسر اور وفد کے ارکان کمانڈر چٹاگانگ نیول ایریا، کمانڈر بی این فلیٹ اور ایریا سپرنٹنڈنٹ ڈاک یارڈ سے ملاقاتیں کریں گے۔
جہاز کے افسران، سیلرز اور تربیت پانے والے ارکان چٹاگانگ کے تاریخی و تفریحی مقامات کے علاوہ بنگلادیش بحریہ کے جہازوں اور تنصیبات کا بھی دورہ کریں گے، جبکہ بنگلادیش نیوی کے اہلکار پاکستانی بحری جہاز کا معائنہ کریں گے۔
یہ بھی پڑھیں: پاکستان بنگلہ دیش تعلقات میں بہتری کا عمل سبوتاژ کرنے کی کوششیں ناکام ہوں گی، دفتر خارجہ
یہ خیرسگالی دورہ پاکستان اور بنگلادیش کی بحری افواج کے درمیان دیرینہ دوستانہ اور دوطرفہ تعلقات کو مزید مضبوط بنانے میں مددگار ثابت ہوگا۔ پی این ایس سیف 12 نومبر 2025 کو بنگلادیش سے روانہ ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بحریہ بنگلہ دیش پاک نیوی پاکستان پی این ایس سیف
اسلام آباد: پارلیمنٹ لاجز کا 13 برس سے زیر التواء نیا بلاک تکمیل کے قریب