لاہور‘ بزرگ خاتون کی بالیاں نوچنے والا ملزم ساتھی سمیت پولیس مقابلے میں ہلاک
اشاعت کی تاریخ: 12th, August 2025 GMT
لاہور(اُردو پوائنٹ اخبارتازہ ترین - این این آئی۔ 12 اگست2025ء)لاہور کے علاقے غازی آباد میں بزرگ خاتون کی بالیاں نوچنے والا ملزم ساتھی سمیت پولیس مقابلے میں مارا گیا۔پولیس کے مطابق سی سی ڈی اہلکار اشتہاری ملزمان کی گرفتاری کیلئے تھانہ مناواں جارہے تھے۔
(جاری ہے)
اس دوران 2 موٹرسائیکل سوار ملزمان نے پولیس پارٹی پر فائرنگ کی جس کے بعد فائرنگ کے تبادلے میں دو ملزمان مارے گئے۔ہلاک ملزمان میں سے ایک وہ ملزم بھی شامل تھا جس نے بزرگ خاتون کے کانوں سے بالیاں نوچیں تھیں۔یاد رہے کہ غازی آباد میں بزرگ خاتون کے ساتھ واردات ہوئی تھی، وہ دکان پر بیٹھی تھیں کہ ایک شخص ان کے کانوں سے بالیاں نوچ کر فرار ہوگیا تھا۔اس واقعے کی سی سی ٹی وی ویڈیو بھی سامنے آئی تھی۔
.ذریعہ: UrduPoint
کلیدی لفظ: تلاش کیجئے بزرگ خاتون
پڑھیں:
’بھیا مت کرو‘، بھارت میں موٹرسائیکل رائیڈر جنسی بھیڑیے بن گئے
بھارتی شہر بینگلورو میں ایک ریپڈو بائیک ٹیکسی رائیڈر پر دورانِ سفر خاتون کے ساتھ بدتمیزی کی کوشش کا الزام عائد کیا گیا ہے، خاتون کے مطابق رائیڈر نے سفر کے دوران ان کی ٹانگ چھونے کی کوشش کی، جس پر انہوں نے ویڈیو ریکارڈ کر کے پولیس سے رجوع کیا۔
میڈیا رپورٹس کے مطابق مبینہ واقعے کی ولسن گارڈن پولیس اسٹیشن میں مقدمہ درج کر کے تحقیقات شروع کردی گئی ہیں۔
شکایت کنندہ خاتون نے انسٹاگرام پر اپنی روداد شیئر کرتے ہوئے بتایا کہ وہ چرچ اسٹریٹ سے اپنے پیئنگ گیسٹ ہاؤس واپس جارہی تھیں جب ریپڈو کے رائیڈر نے دورانِ سفر ان کی ٹانگ چھونے کی کوشش کی۔
خاتون کے مطابق ’یہ سب اتنی اچانک ہوا کہ میں کچھ سمجھ ہی نہ سکی، نہ ہی ریکارڈنگ کرپائی، جب اس نے دوبارہ ایسا کیا تو میں نے کہا، بھائیہ کیا کررہے ہو، مت کرو، لیکن وہ نہیں رکا۔‘
انہوں نے مزید بتایا کہ وہ چونکہ علاقے میں نئی تھیں اس لیے انہیں راستے کا علم نہیں تھا اور وہ بائیک رکوانے سے بھی خوفزدہ تھیں۔
خاتون کے مطابق منزل پر پہنچنے کے بعد قریب موجود ایک شخص نے واقعہ دیکھا اور رائیڈر سے بازپرس کی۔ رائیڈر نے معافی مانگی مگر جاتے ہوئے ایسے انداز میں اشارہ کیا جس سے وہ مزید خوفزدہ ہوگئیں۔
انہوں نے کہا کہ وہ یہ واقعہ اس لیے عوام کے سامنے لارہی ہیں تاکہ کوئی اور خاتون ایسی صورتحال کا شکار نہ ہو۔
پولیس نے واقعے کی تحقیقات شروع کردی ہیں، جبکہ ریپڈو انتظامیہ کا مؤقف تاحال سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وفاقی محتسب نے بیوہ خاتون کو جائیداد کا حق دلوا دیا