شمالی کوریا کا امریکا اورجنوبی کوریا کی فوجی سرگرمیوں سے قبل طاقت کا مظاہرہ
اشاعت کی تاریخ: 13th, August 2025 GMT
امریکا اور جنوبی کوریا کی بڑے پیمانے پرمشترکہ فوجی مشقوں سے قبل، شمالی کوریا نے اپنی جنگی تیاری کو بہتر بنانے کے لیے توپ خانے کی مشقیں کی ہیں، سرکاری میڈیا کے مطابق یہ مشقیں کورین پیپلز آرمی کے جنرل اسٹاف کے جنگ لڑنے کی صلاحیت اور پوری فوج کی جنگی تیاری کو کامل بنانے کے منصوبے کے تحت منعقد کی گئیں۔
یہ بھی پڑھیں:شمالی کوریا نے جنوبی کوریا کی مفاہمت کی کوششیں مسترد کر دیں
سرکاری کورین سینٹرل نیوز ایجنسی کے مطابق شرکا نے اپنے اہداف تباہ کرتے ہوئے ’تیز نقل وحرکت اوراچانک کارروائیوں‘ پرمہارت حاصل کی اورٹیکٹیکل توپ خانے کی ذیلی یونٹوں کے درمیان فائرنگ کے مقابلوں کے ذریعے توپ خانے کے ہتھیاروں کے نظام کی کارکردگی کو بہتر بنایا گیا۔
???????? North Korea holds large-scale artillery drills to boost combat readiness ahead of US-South Korea exercises
◼️ Drills come a week before Aug.
— Anadolu English (@anadoluagency) August 12, 2025
سرکاری طور پر ان مشقوں کو سرحد سے متصل علاقے میں فوجی مداخلت کو مکمل طور پر قابو میں رکھنے کے عزم کا مظاہرہ کرنے کا موقع قرار دیا گیا۔
حکمراں جماعت کی مرکزی فوجی کمیشن کے نائب چیئرمین پاک جونگ چون نے اس مقابلے کی نگرانی کی۔ شمالی کوریا کے رہنما کم جونگ اُن، جو عام طور پر توپ خانے کی مشقوں کی براہِ راست نگرانی کرتے ہیں، اس بار شریک نہیں ہوئے۔
مزید پڑھیں: شمالی کوریا کے ہزاروں فوجی روس کیوں بھیجے گئے؟
یہ مشق ایسے وقت ہوئی ہے جب جنوبی کوریا اورامریکا 18 سے 28 اگست تک اپنی سالانہ موسم گرما کی مشترکہ فوجی مشق ’الچی فریڈم شیلڈ‘ شروع کرنے جا رہے ہیں، جسے جنوبی کوریا اکثر حملے کی تیاری قرار دیتا ہے۔
شمالی کوریا کے وزیر دفاع نو کوانگ چوئی نے پیر کو اس مشق کی مذمت کرتے ہوئے منفی نتائج کی وارننگ دی اور کہا کہ شمال کسی بھی اشتعال انگیزی کی صورت میں ڈی پی آر کے کے خودمختار حق کو مکمل طور پر استعمال کرے گا۔
مزید پڑھیں:روس میں شمالی کوریائی مزدور غلامانہ حالات کے شکار کیوں؟
امریکا اور جنوبی کوریا بارہا واضح کر چکے ہیں کہ ان کی مشقیں دفاعی نوعیت کی ہیں، جنوبی کوریا-امریکا مشترکہ افواج کے ایک نمائندے نے کہا کہ اس بار شمالی کوریا کا ردعمل ’ماضی کے مقابلے میں نسبتاً نرم‘ ہے۔
دونوں ممالک کے تعلقات میں بہتری کے لیے جنوبی کوریا کے صدرلی جے میونگ کی حکومت اقدامات کررہی ہے، گزشتہ ہفتے جنوبی کوریا نے سرحد پر نصب لاؤڈ اسپیکر ہٹا دیے تھے جو شمالی کوریا مخالف پیغامات نشر کرتے تھے، جس کے جواب میں شمال نے بھی کچھ علاقوں میں اپنے اسپیکر ہٹانا شروع کر دیے۔
مزید پڑھیں:شمالی اور جنوبی کوریا کے درمیان جاری ’آڈیو جنگ‘ کا خاتمہ، دونوں ممالک میں مذاکرات کا امکان
واضح رہے کہ ’الچی فریڈم شیلڈ‘ کی 44 فیلڈ ٹریننگ مشقوں میں سے نصف کو اگلے مہینے کے لیے مؤخرکردیا گیا ہے، فوجی حکام کے مطابق یہ فیصلہ شدید گرمی اور سیلاب سے تربیتی علاقوں کو پہنچنے والے نقصان کی وجہ سے کیا گیا، مقامی میڈیا کا کہنا ہے کہ یہ اقدام شمال کے ساتھ تعلقات بہتر بنانے کی کوشش کا حصہ بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پاک جونگ چون توپ خانے جنوبی کوریا شمالی کوریا فیلڈ ٹریننگ مشقوںذریعہ: WE News
کلیدی لفظ: اسپیکر پاک جونگ چون توپ خانے جنوبی کوریا شمالی کوریا فیلڈ ٹریننگ مشقوں جنوبی کوریا شمالی کوریا توپ خانے کوریا کے کے لیے
پڑھیں:
ملازمین کا سپیشل جوڈیشنل الاؤنسز ختم کرنے کیخلاف احتجاجی مظاہرہ
شاہین عتیق: وفاقی عدالتوں کے ملازمین کا سپیشل جوڈیشنل الاؤنسز ختم کرنے کیخلاف احتجاجی مظاہرہ، ملازمین نے احتجاجی مظاہرہ لاہور کی بنکنگ کورٹ کے احاطہ میں کیا۔
ملازمین نے 24 گھنٹوں میں سپیشل جوڈیشنل الاؤنسز بحال کرنیکا مطالبہ کیا، وفاقی عدالتوں کے ملازمین کے احتجاج میں وکلاء کے نمائندے بھی شریک ہیں، ٹیکس بار ایسوسی ایشن کے صدر ،کسٹم بار کے صدر ودیگر بار کے نمائندے بھی شریک ہیں۔
مشترکہ پارلیمانی کمیٹی کی منظوری کے بعد مجوزہ آئینی ترمیم کا مسودہ آج سینیٹ میں پیش ہوگا
متنازع ٹوئٹ کیس: ایمان مزاری اور انکے شوہرکے ناقابل ضمانت وارنٹ جاری