’ذہنی سکون خاندانی امیج سے زیادہ اہم ہے‘ ٹریشالا دت
اشاعت کی تاریخ: 26th, August 2025 GMT
ممبئی (نیوز ڈیسک) بالی ووڈ اداکار سنجے دت کی بیٹی ٹریشالا دت نے سوشل میڈیا پر ایک جذباتی نوٹ شیئر کیا ہے، جس میں انہوں نے اشاروں میں اپنے ذاتی تجربات بیان کیے۔
انسٹاگرام اسٹوری میں ٹریشالا نے لکھا کہ ہر رشتہ خون کا ہونے کے باوجود زندگی میں جگہ پانے کا اہل نہیں ہوتا۔ ان کے مطابق بعض اوقات سب سے زیادہ تھکانے والے اور نظرانداز کرنے والے افراد وہی ہوتے ہیں جو فیملی کہلاتے ہیں۔
انہوں نے کہا کہ بچوں کو یہ حق حاصل ہے کہ وہ ایسے والدین سے دوری اختیار کریں جو انہیں تکلیف دیتے یا احساسِ جرم میں مبتلا کرتے ہیں۔ فیملی ہونا کسی کو یہ اجازت نہیں دیتا کہ وہ بار بار بدسلوکی کرے یا ذہنی دباؤ ڈالے۔
ٹریشالا نے مزید لکھا کہ اگر کوئی مسلسل نقصان پہنچا رہا ہو تو آپ اس تک رسائی کے پابند نہیں، چاہے وہ آپ کا پرورش کرنے والا ہی کیوں نہ ہو۔ جب والدین اپنی ساکھ کو بچوں کی خوشی اور سکون پر ترجیح دیں، تو یہ ایک سنگین مسئلہ ہے۔
ٹریشالا دت سنجے دت کی پہلی اہلیہ رچا شرما کی بیٹی ہیں۔ وہ 1988 میں پیدا ہوئیں اور والدہ کے انتقال (1996، دماغی ٹیومر) کے بعد امریکا میں اپنے نانا نانی کے ساتھ رہیں۔
دلچسپ امر یہ ہے کہ حال ہی میں 10 اگست کو سنجے دت نے بیٹی کی سالگرہ پر ایک تصویر شیئر کرتے ہوئے لکھا تھا: “Happy birthday @trishaladutt, Always proud of you, always love you۔”
اداکار کی نجی زندگی پر نظر ڈالی جائے تو رچا شرما کے انتقال کے بعد سنجے دت نے 1998 میں ریا پلئی سے شادی کی، جو 2008 میں طلاق پر ختم ہوئی۔ بعدازاں انہوں نے مانیتا دت سے شادی کی جن سے ان کے جڑواں بچے شہران اور اقرا ہیں۔
اداکاری کے میدان میں سنجے دت حال ہی میں فلم “Housefull 5” میں نظر آئے اور ان کی آئندہ فلموں میں کناڑہ فلم “KD: The Devil”، تیلگو فلمیں “The Raja Saab” اور “Akhanda 2″، جبکہ ہندی فلمیں “Baaghi 4” اور “Dhurandhar” شامل ہیں۔
Post Views: 9.ذریعہ: Daily Mumtaz
پڑھیں:
تارا محمود نے سیاستدان کی بیٹی ہونے کا راز کیوں چھپایا؟ اداکارہ نے بتادیا
پاکستانی ڈرامہ انڈسٹری کی باصلاحیت اداکارہ تارا محمود کے نجی زندگی سے متعلق حالیہ انکشاف نے مداحوں کو حیرت میں ڈال دیا۔
تارا کے اداکاری سفر کا آغاز امریکہ میں تعلیم مکمل کرنے اور کئی سال وہاں کام کرنے کے بعد ہوا اور جب وہ پاکستان واپس آئیں تو انہوں نے اداکاری کو بحیثیت کیریئر فل ٹائم جاب اختیار کرنے کا ارادہ کیا اور دیکھتے ہی دیکھتے بڑے اور کامیاب ڈراموں کا نمایاں کردار بننے لگیں۔
شائقین تارا محمود کی بے ساختہ، قدرتی اور جاندار اداکاری کے پہلے ہی سے مداح تھے، مگر انہیں اس وقت واقعی حیرت کا جھٹکا لگا جب برسوں بعد یہ انکشاف ہوا کہ وہ کسی عام گھرانے کی چشم و چراغ نہیں بلکہ پاکستان کے ایک نہایت بااثر سیاسی شخصیت کی صاحبزادی ہیں ۔
اس انکشاف نے نہ صرف ان کے مداحوں کو چونکا دیا بلکہ شوبز انڈسٹری میں بھی ہلچل مچا دی، کیونکہ تارا نے ہمیشہ اپنی پہچان صرف اور صرف اپنے فن کے ذریعے بنائی تھی، نہ کہ خاندانی پس منظر کے سہارے۔
تارا محمود کے والد شفیق و تعلیم دوست سیاستدان شفقت محمود ہیں، جو پاکستان تحریک انصاف کے سینئر رہنما اور سابق وفاقی وزیر تعلیم رہ چکے ہیں۔ وفاقی وزیر تعلیم کی حیثیت سے انہیں کووِڈ کے دوران تعلیمی شعبے میں طلبہ کے حق میں کیے گئے فیصلوں بالخصوص امتحانات منسوخ کرنے، آن لائن کلاسز شروع کرنے اور نئی تعلیمی پالیسی لانے کی وجہ سے نوجوانوں میں بے حد مقبولیت حاصل ہوئی۔
ان کی شفاف اور سنجیدہ شخصیت کی وجہ سے انہیں سیاست کے ساتھ ساتھ تعلیم، ثقافت اور سماجی ترقی کے شعبوں میں بھی ایک وژنری شخصیت سمجھا جاتا ہے۔
جب سوشل میڈیا پر تارا اور ان کے والد کی مشترکہ تصاویر وائرل ہوئیں تو مداح یہ جان کر حیران رہ گئے کہ وہ ایک سیاستدان کی بیٹی ہیں۔
احمد علی بٹ کے پوڈکاسٹ میں بطور مہمان شرکت کے دوران تارا محمود نے بتایا کہ ان کے چند قریبی دوستوں کو ان کے والد کے بارے میں علم تھا، لیکن کراچی میں یا شوبز انڈسٹری کے کسی اور شخص کو ان کے سیاسی پس منظر کا علم نہیں تھا۔
تارا کا کہنا تھا کہ۔ یہ فیصلہ میرا اپنا تھا کیونکہ یہ میرے لیے سیکیورٹی کے لحاظ سے بھی بہتر تھا۔ میں نے کبھی اپنے والد کے اثر و رسوخ یا شہرت کا فائدہ نہیں اٹھایا۔
یہ انکشاف کیسے ہوا؟ تارا نے بتایا کہ جب وہ ڈرامہ چُپکے چُپکے کی شوٹنگ میں مصروف تھیں۔ ڈائریکٹر دانش نواز نے ان سے حیرت کا اظہار کرتے ہوئے کہا کہ وہ ایک وزیر کی بیٹی ہیں اور سیکیورٹی کے ساتھ کیوں نہیں آتیں اور ایک عام سیلیبریٹی کی طرح نظر آرہی ہیں اس پر تارا نے مسکراتے ہوئے جواب دیا کہ انہوں نے ہمیشہ اپنی پہچان صرف بطور اداکارہ ہی بنانا چاہی۔
تارا کا کہنا تھا کہ اس خبر اور والد کے ساتھ تصاویر وائرل ہونے کے بعد سوشل میڈیا پر ایک بھونچال سا آگیا تھا جس سے میں کافی پریشان ہو گئی تھی اور یہی وجہ تھی کہ انہوں نے اپنے اپنی خاندانی اور سیاسی شناخت لوگوں میں ظاہر نہیں کی تھی۔
آج تارا محمود اپنے فن، پیشہ ورانہ رویے اور خوداعتمادی کی بدولت ڈرامہ انڈسٹری میں نمایاں مقام رکھتی ہیں اور ان کی یہ عاجزی ان کے مداحوں کے دل جیت رہی ہے۔
Post Views: 6
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام