’ذہنی سکون خاندانی امیج سے زیادہ اہم ہے‘ ٹریشالا دت
اشاعت کی تاریخ: 26th, August 2025 GMT
بالی وُڈ اداکار سنجے دت کی بیٹی ٹریشالا دت نے سوشل میڈیا پر ایک معنی خیز نوٹ شیئر کیا جس میں انہوں نے اشاروں کنایوں میں اپنے ذاتی تجربات بیان کیے۔
انسٹاگرام اسٹوری پر لکھے گئے پیغام میں ٹریشالا نے کہا کہ ہر وہ شخص جو آپ کا خون کا رشتہ دار ہے، ضروری نہیں کہ وہ آپ کی زندگی میں جگہ پانے کے قابل ہو۔ بعض اوقات سب سے زیادہ تھکانے والے اور نظرانداز کرنے والے لوگ وہی ہوتے ہیں جو ’فیملی‘ کہلاتے ہیں۔
مزید پڑھیں: بالی ووڈ میں کام، سنجے دت نے اداکارہ کائنات اروڑا کو فیصلے پر نظرثانی کرنے کو کیوں کہا؟
انہوں نے مزید کہا کہ بچوں کو یہ حق حاصل ہے کہ وہ ایسے والدین سے فاصلہ اختیار کریں جو انہیں تکلیف پہنچاتے یا احساسِ جرم میں مبتلا کرتے ہیں۔ فیملی ہونا کسی کو یہ حق نہیں دیتا کہ وہ آپ کے ساتھ بدسلوکی کرے یا آپ کو بار بار احساسِ جرم میں ڈالے۔
ٹریشالا نے یہ بھی لکھا کہ آپ کسی کے بھی مسلسل نقصان پہنچانے کے باوجود اس تک رسائی کے پابند نہیں ہیں، چاہے اس نے آپ کی پرورش ہی کیوں نہ کی ہو۔ جب والدین خاندان کی بیرونی امیج بچانے کو بچوں کی اصل خوشی اور سکون سے زیادہ اہمیت دیں، تو یہ ایک سنگین مسئلہ ہے۔
ٹریشالا دت سنجے دت کی پہلی شادی (1987) سے ہیں، جو انہوں نے اداکارہ رچا شرما سے کی تھی۔ 1988 میں پیدا ہونے والی ٹریشالا اپنی والدہ کے انتقال (1996، دماغی ٹیومر کے باعث) کے بعد امریکا میں اپنے نانا نانی کے ساتھ رہیں۔
مزید پڑھیں: سلمان خان اور سنجے دت کس ہالی ووڈ فلم میں کام کرنے والے ہیں؟
حال ہی میں، 10 اگست کو سنجے دت نے بیٹی کے ساتھ ایک پیاری سی تصویر شیئر کرتے ہوئے ان کی سالگرہ پر لکھا:
’’Happy birthday @trishaladutt, Always proud of you, always love you‘‘۔
رچا شرما کے انتقال کے بعد سنجے دت نے 1998 میں ریا پلّئی سے شادی کی، تاہم 2008 میں ان کا طلاق ہوگیا۔ اس کے بعد انہوں نے مانیتا دت سے شادی کی جن سے ان کے جڑواں بچے ہیں بیٹا شہران اور بیٹی اقرا۔
اداکاری کے محاذ پر سنجے دت حال ہی میں Housefull 5 میں نظر آئے تھے اور جلد ہی وہ کناڑہ فلم KD: The Devil، تیلگو فلمیں The Raja Saab اور Akhanda 2 کے علاوہ ہندی فلموں Baaghi 4 اور Dhurandhar میں بھی دکھائی دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسٹاگرام اسٹوری ٹریشالا دت سنجے دت.
ذریعہ
ذریعہ: WE News
کلیدی لفظ: انسٹاگرام اسٹوری ٹریشالا دت ٹریشالا دت انہوں نے
پڑھیں:
کراچی: میاں بیوی پر بہیمانہ تشدد کرنے والے 2 ملزمان مبینہ پولیس مقابلے کے بعد گرفتار
ایس ایس پی ویسٹ طارق الٰہی مستوئی نے کہا ہے کہ کراچی میں میاں بیوی پر بہیمانہ تشدد کرنے والے دو ملزمان کو اقبال مارکیٹ پولیس نے مبینہ پولیس مقابلے کے بعد گرفتار کر لیا۔
دو روز قبل ولایت علی کالونی میں گھر کے اندر میاں بیوی پر تیز دھار آلے اور پتھر سے حملہ کیا گیا تھا، جس کے نتیجے میں 45 سالہ فیروزہ زوجہ مرشد اور 50 سالہ مرشد ولد جلال خان شدید زخمی ہو گئے تھے۔
پولیس نے رات گئے کارروائی کے دوران ملزم سہیل عرف اسلم کو زخمی حالت میں جبکہ اکرم عرف لنگڑا کو بغیر زخمی کیے گرفتار کر لیا۔
پولیس کے مطابق ملزمان عادی جرائم پیشہ ہیں اور ان کے خلاف ڈکیتی، اسلحہ اور موٹرسائیکل چوری کے مقدمات پہلے سے درج ہیں، جبکہ ان کے زیر استعمال برآمد ہونے والا موبائل فون اور موٹرسائیکل بھی اسلحے کے زور پر چھینی گئی تھی۔
تفتیش کے مطابق مضروبہ نے کچھ عرصہ قبل اپنا مکان ملزم اکرم کو کرائے پر دیا تھا، تاہم کرائے اور یوٹیلیٹی بلوں کی ادائیگی پر دونوں فریقین کے درمیان تنازع چل رہا تھا، خاتون نے مکان خالی کروانے اور بقایا جات کی وصولی تک کرائے دار کا سامان گھر میں تالا لگا کر روک رکھا تھا، جس پر ملزم اکرم مشتعل ہو گیا اور اپنے بہنوئی سہیل عرف اسلم کے ساتھ مل کر میاں بیوی پر حملہ کر دیا۔
ملزمان نے تیز دھار آلے اور پتھر کے وار کرکے دونوں میاں بیوی کو تشدد کا نشانہ بنایا، جو تاحال زیر علاج ہیں، پولیس نے ملزمان کی نشاندہی پر جائے وقوعہ سے تشدد میں استعمال ہونے والا پتھر بھی برآمد کر لیا ہے۔
واقعے کا مقدمہ زخمیوں کے بیٹے محمد شکیل کی مدعیت میں تھانہ اقبال مارکیٹ میں درج ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ