اسٹاک ایکسچینج میں تیزی کا رجحان برقرار، 100 انڈیکس میں 1000 پوائنٹس سے زائد اضافہ
اشاعت کی تاریخ: 2nd, September 2025 GMT
پاکستان اسٹاک ایکسچینج میں منگل کو بھی تیزی کا رجحان برقرار رہا، جہاں بینچ مارک کے ایس ای 100 انڈیکس دورانِ کاروبار ایک ہزار سے زائد پوائنٹس بڑھ گیا۔
منگل کی دوپہر 1 بج کر 10 منٹ پر بینچ مارک انڈیکس 150,982.62 پوائنٹس کی سطح پر تھا، جو کہ 1,011.50 پوائنٹس یا 0.67 فیصد اضافے کو ظاہر کرتا ہے۔
کاروباری دن میں آٹوموبائل، کمرشل بینک، آئل اینڈ ایکسپلوریشن کمپنیز، او ایم سی، فارماسیوٹیکل، پاور جنریشن اور ریفائنری سمیت اہم شعبوں میں سرمایہ کاروں کی دلچسپی دیکھنے میں آئی۔
یہ بھی پڑھیں: اسٹاک ایکسچینج میں تاریخ رقم، 100 انڈیکس پہلی بار 150,000 کی سطح عبور کرگیا
حبکو، اے آر ایل، این آر ایل، ماری، او جی ڈی سی، پی پی ایل، پی ایس او، ایس این جی پی ایل، ایس ایس جی سی، ایچ بی ایل، میبل، این بی پی اور یو بی ایل جیسے بڑے اسٹاکس سبز نشانات میں ٹریڈ ہوئے۔
ماہرین کے مطابق معاشی محاذ پر بہتری اور توقع سے زیادہ بہتر کارپوریٹ نتائج نے مارکیٹ میں مثبت رجحان پیدا کیا جبکہ مزید کارپوریٹ منافع کی توقعات بھی سرمایہ کاروں کے اعتماد کو بڑھا رہی ہیں۔
گزشتہ روز یعنی پیر کو پاکستان اسٹاک ایکسچینج نے نئے مہینے کا شاندار آغاز سے کیا یہی وجہ ہے کہ کے ایس ای 100 انڈیکس 1,353 پوائنٹس یعنی 0.
مزید پڑھیں: پاکستان اسٹاک ایکسچینج نئی بلندیوں پر، تیزی کا طوفان مسلسل جاری
بین الاقوامی سطح پر بھی ایشیائی مارکیٹس میں بہتری دیکھی گئی، امریکی ڈالر 5 ہفتوں کی کم ترین سطح کے قریب رہا جبکہ سونا ریکارڈ سطح پر پہنچ گیا، سرمایہ کار اس ہفتے کے معاشی اعداد و شمار، بالخصوص جمعہ کو آنے والی امریکی لیبر رپورٹ کا انتظار کر رہے ہیں۔
مارکیٹ میں توقع ہے کہ فیڈرل ریزرو اس ماہ شرح سود میں کمی کرے گا، اور 25 بیسس پوائنٹس کٹوتی کے امکانات 89 فیصد تک ہیں، تاہم یہ بھی دیکھا جا رہا ہے کہ آیا امریکی سینٹرل بینک بڑا فیصلہ لے سکتا ہے کہ نہیں۔
ایم ایس سی آئی ایشیا پیسیفک انڈیکس منگل کو 0.2 فیصد بڑھا اسی طرح جاپان کا نکی 0.39 فیصد اوپر گیا جبکہ ہانگ کانگ کا ہینگ سینگ انڈیکس معمولی کمی کے بعد بھی گزشتہ روز کی مضبوط ریلی کے اثرات میں رہا۔ چین کی مارکیٹوں میں بھی مسلسل تیزی رہی اور سی ایس آئی 300 انڈیکس 3 سال کی بلند ترین سطح پر پہنچ گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
100 انڈیکس آٹوموبائل امریکی لیبر رپورٹ ایشیائی مارکیٹس بینچ مارک پاکستان اسٹاک ایکسچینج سونا کمرشل بینک کے ایس سیذریعہ: WE News
کلیدی لفظ: 100 انڈیکس آٹوموبائل امریکی لیبر رپورٹ ایشیائی مارکیٹس پاکستان اسٹاک ایکسچینج کے ایس سی
پڑھیں:
ای چالان سسٹم کے مثبت اثرات، شہریوں میں قانون کی پاسداری کا رجحان بڑھ گیا
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر قائد میں شاہراہوں پر نصب جدید کیمروں کے ذریعے متعارف کرایا گیا ای چالان سسٹم ٹریفک کے نظم و ضبط میں انقلابی بہتری لانے لگا ہے۔ شارع فیصل، کلفٹن، میٹروپول اور دیگر مرکزی شاہراہوں پر نصب کیمروں سے موصول مناظر میں دیکھا گیا ہے کہ شہری اب خالی سڑکوں اور بند دکانوں کے باوجود بھی سگنل پر رکنے لگے ہیں، جس سے ٹریفک قوانین کی پاسداری کا رجحان نمایاں طور پر بڑھا ہے۔ٹریفک پولیس ذرائع کے مطابق ای چالان سسٹم کے نفاذ کے بعد کار سوار شہریوں میں قوانین کی پابندی سب سے زیادہ دیکھی جا رہی ہے، جبکہ موٹرسائیکل سواروں کے رویے میں بھی مثبت تبدیلی ریکارڈ کی گئی ہے۔ ذرائع نے بتایا کہ کیمروں کے ذریعے خودکار نگرانی اور جرمانوں کے اندیشے کے باعث شہری اب احتیاط برتنے لگے ہیں، جس کے نتیجے میں حادثات کی شرح میں کمی سامنے آئی ہے۔اعداد و شمار کے مطابق، ای چالان نظام کے نفاذ کے بعد صرف پانچ روز میں 22 ہزار 869 الیکٹرانک چالان جاری کیے گئے، جن میں سے 4 ہزار 136 چالان صرف پانچویں روز کے دوران ہوئے۔ سب سے زیادہ 2 ہزار 737 چالان سیٹ بیلٹ نہ باندھنے پر، 812 ہیلمٹ نہ پہننے، 116 اوور اسپیڈنگ،169 سگنل توڑنے، اور 157 موبائل فون کے استعمال پر جاری کیے گئے۔اس کے علاوہ، 56 چالان ٹنٹڈ گلاسز، 24 نو پارکنگ، 20 اسٹاپ لائن کی خلاف ورزی، 20 مسافروں کو چھت پر بٹھانے، 15 لین لائن کی خلاف ورزی، 8 رانگ وے، اور11 اوور لوڈنگ کے معاملات پر کیے گئے۔
کنسرٹ تو دور اسرائیل اور نیتن یاہو کے قریب سے بھی نہیں گزرنا چاہتا؛ برطانوی گلوکار