عید میلاد النبیﷺ، اسلام آباد پولیس نے فول پروف سیکیورٹی پلان مرتب کرلیا
اشاعت کی تاریخ: 5th, September 2025 GMT
اسلام آباد پولیس نے عید میلاد النبیﷺ کے موقع پر فول پروف سیکیورٹی انتظامات کیے ہیں۔
ترجمان اسلام آباد پولیس کے مطابق 12 ربیع الاول، عید میلاد النبی صلی اللہ علیہ وآلہ وسلم کے موقع پر جلوسوں کی فول پروف سیکیورٹی کے لیے بھرپور انتظامات مکمل کر لیے گئے ہیں۔
یہ بھی پڑھیں: اسلام آباد ٹریفک پولیس نے 12 ربیع الاول جلوس کے لیے پلان جاری کردیا
ڈی آئی جی اسلام آباد محمد جواد طارق کے مطابق جلوسوں کی سیکیورٹی کے لیے 3 ہزار سے زائد پولیس افسران و اہلکار تعینات ہوں گے جبکہ ٹریفک کے موثر انتظامات کے لیے 400 سے زائد افسران فرائض انجام دیں گے۔
شرکاء کو صرف مختص انٹری پوائنٹس سے داخلے کی اجازت ہوگی، جہاں واک تھرو گیٹس نصب کیے جائیں گے اور مکمل باڈی سرچ کے بعد ہی جلوس میں شمولیت دی جائے گی۔
سیکیورٹی اقدامات کے تحت سیف سٹی کیمروں سے مانیٹرنگ کی جائے گی، جلوس کے راستوں پر چھتوں پر سنائپرز تعینات ہوں گے، جبکہ گلیوں اور دیگر متبادل راستوں کو سیل کر دیا جائے گا۔
یہ بھی پڑھیں: عید میلاد النبیؐ پر کراچی میں بھاری ٹریفک کے داخلے پر پابندی
پولیس کے مطابق تھانوں کی موبائلز، کمانڈوز کی خصوصی ٹیمیں اور ڈولفن اسکواڈ اپنے اپنے علاقوں میں سیکیورٹی اور گشت کے فرائض انجام دیں گے۔
ڈی آئی جی اسلام آباد نے کہا کہ عید میلاد النبی صلی اللہ علیہ وآلہ وسلم کے موقع پر فول پروف سیکیورٹی یقینی بنانے کے لیے تمام وسائل بروئے کار لائے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام آباد پولیس پاکستان جلوس سیکیورٹی عید میلاد النبیﷺ.ذریعہ: WE News
کلیدی لفظ: اسلام ا باد پولیس پاکستان جلوس سیکیورٹی عید میلاد النبیﷺ فول پروف سیکیورٹی اسلام آباد عید میلاد کے لیے
پڑھیں:
شمالی وزیرستان: پاک افغان سرحد کے قریب سیکیورٹی فورسز کی کارروائی، 2 خوارج ہلاک، 5 زخمی
شمالی وزیرستان میں پاکستان،افغانستان سرحد کے قریب سیکیورٹی فورسز نے اہم کارروائی کرتے ہوئے 2 خوارج کو ہلاک کر دیا ہے۔سیکیورٹی ذرائع نے بتایا کہ خوارج کے خلاف کارروائی خفیہ معلومات کی بنیاد پر عمل میں لائی گئی، اس دوران فائرنگ کے تبادلے میں 2 خوارج ہلاک ہوئے۔سیکیورٹی ذرائع کے مطابق ہلاک ہونے والے خوارج میں سے ایک کا تعلق افغان طالبان سے ہے۔مزید بتایا گیا کہ کامیاب کارروائی میں مزید 2 خوارج کے ہلاک اور 4 سے 5 کے زخمی ہونے کی بھی اطلاعات ہیں، جب کہ سیکیورٹی فورسز کی جانب سے علاقے میں سرچ اور سینیٹائزیشن آپریشن جاری ہے۔
قبل ازیں خیبرپختونخوا کے ضلع ہنگو کے علاقے دوآبہ میں پولیس قافلے پر آئی ای ڈی حملے کے نتیجے میں ایس ایچ او سمیت 3 اہلکار زخمی ہوگئے۔ دوآبہ میں پولیس قافلے کو آئی ای ڈی حملے کا نشانہ اس وقت بنایا گیا جب پولیس افسران سرچ آپریشن سے واپس آ رہے تھے۔پولیس نے بتایا کہ دھماکے کے نتیجے میں ایس ایچ او تھانہ دوآبہ عمران الدین سمیت زخمی اہلکاروں کو فوری طور پر ڈی ایچ کیو ہسپتال ہنگو منتقل کر دیا گیا۔واقعے کے فورا بعد پولیس کی بھاری نفری موقع پر پہنچ گئی.علاقے کو گھیرے میں لے کر سرچ آپریشن شروع کر دیا گیا ہے، سیکیورٹی فورسز نے واقعےکی تحقیقات شروع کر دی ہیں جب کہ ضلع بھر میں سیکیورٹی کو ہائی الرٹ کر دیا گیا ہے۔
واضح رہے کہ خیبرپختونخوا اور بلوچستان میں خاص طور پر دہشت گردی کی سرگرمیوں اس وقت نمایاں طور پر اضافہ دیکھا گیا جب کالعدم تحریک طالبان پاکستان (ٹی ٹی پی) نے نومبر 2022 میں حکومت کے ساتھ ہونے والا جنگ بندی معاہدہ ختم کر دیا تھا۔معاہدہ ختم کرتے ہوئے کالعدم ٹی ٹی پی نے اعلان کیا تھا کہ وہ سیکورٹی فورسز، پولیس اور دیگر قانون نافذ کرنے والے اداروں پر حملوں میں تیزی لائے گی۔
ڈی جی این سی سی آئی اے وقار الدین سید کو عہدے سے ہٹا دیا گیا