چقندر خون بڑھانے اور دل کو مضبوط بنانے والی قدرتی سبزی
اشاعت کی تاریخ: 19th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی: طبی ماہرین نے چقندر کو انسانی صحت کے لیے نہایت مفید قرار دیتے ہوئے کہا ہے کہ اس سبزی کا باقاعدہ استعمال خون کی کمی دور کرنے، دل کو صحت مند رکھنے اور قوتِ مدافعت بڑھانے میں اہم کردار ادا کرتا ہے۔
میڈیا رپورٹس کےمطابق ماہرین صحت کاکہنا ہےکہ چقندر میں وافر مقدار میں آئرن، فولک ایسڈ، فائبر، پوٹاشیم اور وٹامن سی موجود ہوتے ہیں جو جسم کو توانائی فراہم کرنے کے ساتھ ساتھ خون بنانے میں مددگار ثابت ہوتے ہیں۔ غذائی ماہرین کا کہنا ہے کہ روزانہ چقندر کا استعمال ان افراد کے لیے زیادہ فائدہ مند ہے جو خون کی کمی یا آئرن کی کمی کا شکار ہوں۔
ماہرین صحت کا کہنا تھا کہ چقندر کا جوس دل کے امراض کے خطرات کو کم کرتا ہے، بلڈ پریشر کو قابو میں رکھتا ہے اور دورانِ خون کو بہتر بناتا ہے۔ اس کے ساتھ ساتھ یہ سبزی جسم میں زہریلے مادوں کو خارج کرنے اور جگر کی صحت کو بہتر بنانے میں بھی مدد دیتی ہے۔
جدید تحقیق کے مطابق چقندر میں موجود نائٹریٹ پٹھوں میں آکسیجن کی مقدار کو بڑھاتے ہیں جس کی وجہ سے جسمانی کارکردگی میں اضافہ ہوتا ہے اور تھکن کم ہوتی ہے، یہی وجہ ہے کہ کھلاڑیوں اور ورزش کرنے والوں کو چقندر کا جوس پینے کا مشورہ دیا جاتا ہے۔
ماہرین صحت نے مزید کہا کہ چقندر کا استعمال وزن کم کرنے میں بھی معاون ہے کیونکہ اس میں کیلوریز کم اور فائبر زیادہ ہوتے ہیں جو پیٹ کو دیر تک بھرا رکھتے ہیں۔ اسی طرح یہ سبزی ذہنی صحت پر بھی مثبت اثر ڈالتی ہے اور یادداشت بہتر کرنے میں مددگار ہو سکتی ہے۔
طبی ماہرین کا کہنا تھا کہ چقندر کو مختلف طریقوں سے کھایا جا سکتا ہے، مثلاً سلاد، جوس یا اُبال کر۔ تاہم ماہرین نے اس بات پر زور دیا ہے کہ اسے اعتدال میں استعمال کیا جائے تاکہ زیادہ مقدار سے ممکنہ طور پر مضر اثرات سے بچا جا سکے۔
غذائی ماہرین نے عوام کو مشورہ دیا ہے کہ چقندر کو اپنی روزمرہ غذا کا حصہ بنائیں تاکہ وہ نہ صرف بیماریوں سے محفوظ رہ سکیں بلکہ صحت مند اور توانائی سے بھرپور زندگی گزار سکیں۔
.ذریعہ: Jasarat News
پڑھیں:
پنجاب حکومت کا عارضی بنیادوں پر طبی ماہرین بھرتی کرنے کا فیصلہ
پنجاب حکومت نے صوبے میں صحت کے شعبے میں عملے کی کمی پورا کرنے کے لیے عارضی بنیادوں پر طبی ماہرین بھرتی کرنے کا فیصلہ کیا ہے۔ اس حوالے سے پنجاب لوکم ہائیرنگ ایکٹ 2025 پنجاب اسمبلی میں پیش کر دیا گیا ہے۔
بل کو حالیہ اجلاس میں ایوان کے سامنے رکھا گیا جسے مزید غور کے لیے متعلقہ کمیٹی کے سپرد کر دیا گیا ہے۔ کمیٹی دو ماہ میں اپنی رپورٹ اسمبلی میں پیش کرے گی۔
بل کے متن کے مطابق اس مقصد کے لیے ایک لوکم پالیسی کمیٹی قائم کی جائے گی جس کی چئیرپرسن صوبائی وزیر اسپیشلائزڈ ہیلتھ کیئر ہوں گے، جبکہ سیکریٹری اسپیشلائزڈ ہیلتھ کیئر وائس چئیرپرسن ہوں گے۔ اس کمیٹی میں تین فیلڈ ماہرین اور ایک ہیومن ریسورس نمائندہ بھی شامل ہوگا۔
مزید پڑھیں: پنجاب حکومت کی گرین ای ٹیکسی اسکیم کیا ہے، کون اپلائی کرسکتا ہے؟
کمیٹی صحت کے شعبے میں عملے کی کمی کی نشاندہی کرے گی اور عارضی بھرتیوں کے لیے طریقہ کار، مدت، تنخواہ، مراعات اور معاہدے کے خاتمے کی شقیں طے کرے گی۔
بل کے مطابق بھرتی کا عمل شفاف انداز میں ہوگا اور اس سے قبل کم از کم دو اخبارات میں اشتہار دینا لازمی ہوگا، جس میں بھرتی کے تمام طریقہ کار کی وضاحت کی جائے گی۔
متن میں مزید کہا گیا ہے کہ عارضی بنیادوں پر بھرتی ہونے والے افراد مستقبل میں مستقل ملازمت کے حقدار نہیں ہوں گے اور نہ ہی انہیں محکمہ صحت کے مستقل ملازمین جیسی مراعات دی جائیں گی۔
مزید پڑھیں: سیلاب متاثرین کو ایئر لفٹ کرنے کے لیے پنجاب حکومت کتنے ڈرون استعمال کررہی ہے؟
عارضی بھرتیوں کی مدت بڑھانے یا ختم کرنے کا اختیار بھی پالیسی کمیٹی کو حاصل ہوگا۔ بل کا بنیادی مقصد صوبے میں صحت کے شعبے کو درپیش عملے کی کمی کو دور کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت طبی ماہرین بھرتی
سیاسی دباؤ، اخلاقی حدود اور جمہوریت پر سوال، مرزا محمد آفریدی کا دوٹوک مؤقف