شہباز شریف جتنا مضبوط وزیراعظم 78 برس میں نہیں آیا، رانا ثنااللہ
اشاعت کی تاریخ: 20th, September 2025 GMT
وزیراعظم پاکستان کے مشیر برائے سیاسی امور سینیٹر رانا ثنااللہ نے کہا ہے کہ شہباز شریف جتنا مضبوط وزیراعظم 78 برس میں نہیں آیا، وہ جو بھی فیصلہ کرتے ہیں اس پر عمل ہوتا ہے۔ سیاسی اور عسکری قیادت کے درمیان اچھے تعلقات ہیں۔
نجی ٹی وی کو انٹرویو دیتے ہوئے انہوں نے کہاکہ پاکستان تحریک انصاف سے مذاکرات کے لیے ہمہ وقت تیار ہیں، لیکن ان سے گزارش ہے کہ ڈیڈلاک کی طرف نہ جائیں کیونکہ جمہوریت میں سسٹم صرف بات چیت سے آگے بڑھتا ہے۔
یہ بھی پڑھیں: حکومت مضبوط بنانے اور چلانے کے لیے آصف علی زرداری کو ایوان صدر میں بٹھایا، رانا ثنا اللہ
رانا ثنااللہ نے کہاکہ پی ٹی آئی کو بغیر کسی شرط کے مذاکرات کی میز پر آنا ہوگا۔ ہم نے بارہا کہا ہے کہ وہ دل سے معافی مانگ کر سیاسی معاملات درست کریں اور جمہوری انداز میں جدوجہد کو آگے بڑھائیں۔
انہوں نے واضح کیا کہ پی ٹی آئی کے قائمہ کمیٹیوں سے دیے گئے استعفے قبول نہیں کرنا چاہتے کیونکہ ہمارا مؤقف ہے کہ انہیں سسٹم کا حصہ رہنا چاہیے۔
رانا ثناءاللہ نے سعودی عرب کے ساتھ ہونے والے حالیہ دفاعی معاہدے کو تاریخی اور امت مسلمہ کے دیرینہ خواب کی تعبیر قرار دیا۔
انہوں نے کہاکہ معاہدے کے مطابق اگر پاکستان پر حملہ ہوگا تو وہ سعودی عرب پر حملہ تصور ہوگا، اور اگر سعودی عرب پر حملہ ہوگا تو وہ پاکستان پر حملہ سمجھا جائے گا۔ ان کے مطابق یہ امت مسلمہ کے لیے نیک شگون ہے۔
انہوں نے کہاکہ سعودی عرب ایک مضبوط معاشی طاقت ہے جبکہ پاکستان ایٹمی قوت ہے، جب یہ دونوں طاقتیں یکجا ہوتی ہیں تو دنیا میں ایک نئی سپر پاور کے طور پر سامنے آتی ہیں۔ یہ دیگر مسلم ممالک کے لیے بھی یہ اتحاد حوصلہ افزا پیغام ہے۔
رانا ثناءاللہ نے کہا کہ معاہدے میں دفاعی پیداوار بڑھانے کا بھی ذکر شامل ہے، سول و عسکری قیادت کی ہم آہنگی کے بغیر اس طرح کی کامیابیاں ممکن نہ ہوتیں۔ انہوں نے اس بات کا بھی اعتراف کیا کہ ان تمام فیصلوں میں نواز شریف کی مشاورت شامل ہے۔
رانا ثناءاللہ نے کہا کہ پلوامہ واقعے کے بعد جب ہمیں جیلوں میں ڈالا جا رہا تھا، تب پی ٹی آئی نے ہمیں بلایا اور ہم مذاکرات کے لیے گئے۔ آج بھی ہم میثاقِ استحکامِ پاکستان کی بات کر رہے ہیں، کیونکہ ہم ملک کی ترقی اور جمہوریت کی بقا چاہتے ہیں۔
ایک سوال کے جواب میں انہوں نے کہاکہ محسن نقوی بحیثیت وزیر داخلہ درست کام کررہے ہیں، میں ان کی جگہ نہیں لے رہا۔
یہ بھی پڑھیں: پاکستان اور قازقستان کا تعلقات مزید مضبوط بنانے کا عزم
آزاد کشمیر میں افراتفری سے متعلق پوچھے گئے سوال کے جواب میں ان کا کہنا تھا کہ آزاد کشمیر کی سیاسی جماعتیں ایک پیج پر ہیں۔ اگر سیاسی قیادت ایکشن کمیٹی کے ساتھ بات چیت کرے تو مسائل کا حل نکل سکتا ہے۔ ان کے مطالبات ایسے بھی نہیں جن کا حل نہ نکالا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایکشن کمیٹی شہباز شریف مضبوط وزیراعظم وزیراعظم پاکستان وی نیوز.ذریعہ: WE News
کلیدی لفظ: ایکشن کمیٹی شہباز شریف وزیراعظم پاکستان وی نیوز انہوں نے کہاکہ پر حملہ کے لیے
پڑھیں:
وسائل ہوں سعودی عرب اور طاقت پاکستان کی ہو تو دنیا میں کس میں جرأت ہے ہمارے مقابلے کی، رانا ثنااللہ کا دفاعی معاہدے پر ردعمل
اسلام آباد(ڈیلی پاکستان آن لائن)مسلم لیگ ن کے سینیٹررانا ثنا اللہ نے پاکستان اور سعودی عرب کے درمیان دفاعی معاہدے پرردعمل دیتے ہوئے کہا ہے کہ پاکستان کیخلاف جارحیت کو سعودی عرب کیخلاف جارحیت سمجھنا ،میں سمجھتا ہوں کہ سعودی عرب کے حوالے سے اپنی جگہ لیکن پاکستان کے حوالے سے یہ بہت بڑی بات ہے،یہ بہت بڑا دن ہے،اس پر ہماری عسکری اور سیاسی قیادت اور پوری قوم مبارکباد کی مستحق ہے۔
صحافی وسیم بادامی کے سوال ’’یہ سلسلہ ہو سکتا ہے صرف نکتہ آغاز ہو اور مزید ممالک تک بھی پھیلے‘‘کے جواب میں رانا ثنا اللہ نے کہا کہ یقیناً اس میں متحدہ عرب امارات اور دوسرے ممالک بھی شامل ہو ں گے ، یہ شروعات ہیں ، قطرپر حملے کے بعد جو خطرہ ظاہر ہوا ہےاس کے بعد سبھی کے دل میں یہ بات ہے،سبھی کو اس طرف سوچ آئی ہو گی،یہ آغاز ہے اس میں باقی ممالک شامل ہوں گے۔
ویڈیو: Twins بھائی Twin Towers بنا رہے ہیں، لاہور کی سب سے بہترین لوکیشن پر لاہور کے سستے ترین اپارٹمنٹس
مسلم لیگ ن کے سینیٹر کاکہناتھا کہ یہ معاملہ ایسے تو نہیں ہے کہ پچھلے دو تین دن میں ہر چیز فائنل ہوکرسائن ہو گئے ہیں، یہ بات پہلے سے چل رہی تھی،آپ آگے جا کر دیکھیں گے کہ مسلم امہ کے جس اتحاد کی ہم گفتگو کرتے ہیں،یہ اس طرف ایک پیش رفت ہے، جو اتحاد ہمارے خوابوں،خیالوں اور ہمارے تجزیوں میں تھا یہ اس کی شروعات ہیں،یہ پوری قوم کیلئے مقام شکر ہے اللہ تعالیٰ نے ہمیں ایک ایسے مقام پر لاکھڑا کیا ہے۔
رانا ثناا للہ نے کہاکہ ایسے عناصر جو ہر وقت اپنی ذاتی معاملات میں الجھے رہتے ہیں ،ایسا ہونا ہی نہیں چاہئے،وہ پاکستان کی بات کریں، وہ قومی سطح کی بات کریں،ان کاکہناتھا کہ وسائل ہوں سعودی عرب اور طاقت ہو پاکستان کی ،دنیا میں کس میں جرأت ہے کہ ہمارے مقابلے میں ہے کون ۔
وزیراعظم شہباز شریف دورہ سعودی عرب مکمل کرکے لندن روانہ
ان کاکہناتھا کہ ایک معاشی طاقت اور دوسری عسکری قوت جس نے اپنے آپ کو منوایا ہے،سعودی عرب کی معاشی طاقت پوری دنیا جانتی ہے،دونوں ممالک کا یہ اعلان کرناپوری دنیا کو واضح پیغام دینا ہے کہ ہم ایک ہیں،ایک کیخلاف جارحیت دونوں کیخلاف جارحیت تصور کی جائے گی،یہ نئی ورلڈ پاور کا اعلان ہوا ہے،جو ویٹو پاور ممالک ہیں یہ اس کے برابر کی بات ہےیہ اس سے چھوٹی بات نہیں ہے۔
پاکستان کے لیے بہت بڑا دن ہے۔
یہ نکتہ آغاز ہے اس میں باقی عرب ممالک بھی شامل ہوں گے۔
یہ بات دو تین دن کی نہیں یہ بات چیت پہلے سے چل رہی تھی۔
مسلم امہ کا جو اتحاد ہمارے خوابوں خیالوں میں تھا یہ اس کی شروعات ہے۔
ایسے عناصر جو اپنے ذاتی معاملات میں الجھے رہتے ہیں ان کو بھی اب چاہیے… pic.twitter.com/dXEAxJYZLG
مزید :
دوحہ پر اسرائیل حملہ امن معاہدہ خطرے میں ڈال سکتا ہے، یورپی ممالک کا انتباہ