فیڈریشن آف خواجہ شیعہ جماعت کے تحت طلباء کی کائونسلنگ کیلیے تقریب
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
250922-2-2
بدین (نمائندہ جسارت)جیم خانہ ہال میں فیڈریشن آف خواجہ شیعہ اثنا عشری جماعت ضلع بدین کی جانب سے پیشہ ورانہ رہنمائی کی ایک اہم تقریب منعقد کی گئی، جس میں کراچی سے آئے ہوئے ماہرین نے طلبہ و طالبات کے ساتھ ساتھ والدین کی کاؤنسلنگ کی۔ تقریب کا مقصد نوجوان نسل کو تعلیم کے مختلف شعبہ جات کے بارے میں آگاہی فراہم کرنا اور ان کے بہتر مستقبل کے لیے رہنمائی کرنا تھا۔اس موقع پر طلبہ، طالبات، والدین اور منتظمین نے کہا کہ اس نوعیت کی تقریبات نہ صرف آگاہی کا ذریعہ ہیں بلکہ طلبہ و طالبات کو اپنے مستقبل کے حوالے سے درست سمت کا انتخاب کرنے میں بھی مدد فراہم کرتی ہیں، تقریب میں ضلع بدین کے شہروں کڈھن، نندو، تلہار، ٹنڈوباگو، بدین اور بٹھورو سے تعلق رکھنے والے طلبہ و طالبات اور ان کے والدین نے بڑی تعداد میں شرکت کی۔ اس کے علاوہ دی فیڈریشن آف خواجہ جماعت کراچی سے زاھد حسین وراثی، مزمل بوجانی، فیڈریشن آف خواجہ جماعت بدین کے صدر ڈاکٹر شفقت حسین جعفری، جنرل سیکریٹری فدا حسین خواجہ، ایجوکیشنل سیکریٹری ڈاکٹر مختیار جعفری، خواجہ شیعہ اثنا عشری جماعت بدین کے صدر شجاعت حیدری سمیت ضلع بدین کے مختلف شہروں سے آئے ہوئے خواجہ جماعتوں کے صدور، دلاور خواجہ، جوہر رضاودیگر بھی شریک ہوئے ۔
ذریعہ: Jasarat News
کلیدی لفظ: بدین کے
پڑھیں:
نظام ظلم سے متنفر جواں نسل ہی ملک کا روشن مستقبل ہے‘جاوداں فہیم
data-id="863a0a8" data-element_type="widget" data-widget_type="theme-post-content.default">
251104-08-5
کراچی (اسٹاف رپورٹر) جماعت اسلامی ویمن ونگ کراچی کی ناظمہ اور جے آئی یوتھ کراچی کی جنرل سیکرٹری جاوداں فہیم نے کہا ہے کہ ملک و ملت سے محبت کرنے والی جواں اور متحرک قیادت پاکستان کی امید ہے ۔آرٹس کونسل آف کراچی، ڈسٹرکٹ سینٹرل نیو کراچی میں ضلع شمالی یوتھ کے تحت منعقدہ پروگرام ‘‘صبح نو’’ میںخطاب کرتے ہوئے ان کا کہنا تھاکہ موجودہ نظام سے متنفر نظریے سے محبت کرنے والی یہ جواں نسل ہی ملک کا روشن مستقبل ہے، پاکستانی نوجوان مرد و زن باصلاحیت ہیں اور کچھ کر دکھانے کا جذبہ رکھتے ہیں انہوں نے شرکا کو اجتماع عام میں شرکت کی دعوت دیتے ہوئے کہا کہ محفوظ اور مضبوط پاکستان کی تعمیر کے لیے نوجوان جماعت اسلامی کے تحت نظام کی تبدیلی کے مشن میں شریک ہوں ۔ناظمہ ضلع شمالی سحر سلطانہ نے کہا کہ پاکستانی مسلمان نوجوان خواتین ہماری قوت اور ہمارا فخر ہیں اجتماع عام میں بھرپور شرکت کر کے ہم ایک متحرک قوت بن کر ابھریں گے اور ملک کی خواتین و بچیوں کی تعلیم، صحت اور تحفظ کے لیے سازگار ماحول پیدا کریں گے پروگرام میں ضلع شمالی یوتھ ونگ نے یونیورسٹیوں اور کالجز کی طالبات کے لیے تعمیری اور مثبت سرگرمیوں پر مبنی پروگرام پیش کیے،موٹیویشنل اسپیکر اور رسالہ ‘‘ساتھی’’ کے معروف قلمکار حماد ظہیر نے ‘‘Break the Mental Barriers’’ کے عنوان سے گفتگو کرتے ہوئے کہا کہ جب مشکلات آتی ہیں تو مواقع بھی جنم لیتے ہیں بڑے مقاصد پر مبنی خواب دیکھیں، وسائل اور افرادی قوت خود میسر آتی چلی جائے گی،طالبات کے لیے ‘‘تھنکر ٹینکس’’ کے تحت مقابلہ پریذینٹیشنز کا انعقاد کیا گیا، جس میں مختلف جامعات اور کالجز کی طالبات نے سماجی مسائل، ماحولیات، صحت و صفائی، خواتین ہراسانی جیسے موضوعات پر پریذینٹیشنز پیش کیں۔اس موقع پر نیو کراچی ٹاؤن چیئرمین محمد یوسف اور امیر ضلع شمالی طارق مجتبیٰ نے ججز کے فرائض انجام دیے اور فاتح طالبات کو شیلڈز پیش کیں۔مزید برآں عشرہ اقبال کے سلسلے میں ‘‘اقبالیات’’ پر بیت بازی کا بھی اہتمام کیا گیا۔ پروگرام میں مجیب النسا کالج، گورنمنٹ گرلز کالج الیون بی، الیون آئی، اور الیون ایف کی طالبات و پروفیسرز نے شرکت کی۔
تیسرا ٹی ٹوئنٹی: ویسٹ انڈیز نے بنگلادیش کو شکست دیکر وائٹ واش کردیا