طلبہ سیرت رسولؐ کو اپنائیں‘ شمس الرحمن سواتی
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
صدر نیشنل لیبر فیڈریشن پاکستان شمس الرحمن سواتی نے مرکزی سیکرٹری فنانس وحید حیدرشاہ اور جنرل سیکرٹری نیشنل لیبر فیڈریشن دکی عبدالمجید شاہ کے ہمراہ نجی امریکن لائسیٹف بورڈنگ اسکول واہ کیمپس کا دورہ کیا۔
اسکول کے پرنسپل اور ایڈمن آفیسر نے وفد کا پْرتپاک استقبال کیا، جبکہ ڈائریکٹر نے اسکول کے منصوبوں اور اہداف پر تفصیلی بریفنگ دی۔ بعد ازاں معزز مہمانوں نے مختلف کلاس رومز کا معائنہ کیا جہاں طلبہ اپنی تعلیم میں مصروف تھے۔ اساتذہ جدید تدریسی طریقوں اور تعلیمی چارٹس کے ذریعے نصاب کے اہم موضوعات پڑھا رہے تھے۔ طلبہ مکمل اسکول یونیفارم میں ملبوس تھے اور ان کے پاس تمام تعلیمی لوازمات موجود تھے۔ مہمانوں نے اسکول کی جانب سے فراہم کردہ اسٹیشنری اور تعلیمی ماحول کے اعلیٰ معیار کو سراہا۔
دورے کے دوران اساتذہ کرام سے ملاقات بھی کی گئی، جن کی تدریسی مہارت اور قابلیت کو بے حد سراہا گیا۔ ہاسٹل کے معائنے میں کمروں کی صفائی، ترتیب اور بچوں کی بنیادی ضروریات تک رسائی کو قابلِ تعریف قرار دیا گیا۔ مہمانوں نے کیمپس میں موجود طبی سہولیات، ڈسپنسری اور پینل اسپتالوں کے نظام کو بھی سراہا۔
اسمبلی ہال میں بچوں سے خطاب کرتے ہوئے شمس الرحمن سواتی نے کہا کہ تعلیم انسان کی کردار سازی اور مستقبل کے کیریئر میں بنیادی کردار ادا کرتی ہے۔ انہوں نے طلبہ کو تاکید کی کہ وہ سیرتِ رسول ؐ کو اپنا رول ماڈل بنائیں اور اعلیٰ اخلاق و کردار کو اپنی زندگی کا حصہ بنائیں۔ انہوں نے نصیحت کی کہ طلبہ ورکرز ویلفیئر فنڈ کے ذریعے فراہم کردہ اس شاندار موقع سے بھرپور فائدہ اٹھائیں، محنت کریں اور اپنے خاندانوں کو مایوس نہ کریں۔
انہوں نے کہا کہ ہمیں شکر ادا کرنا چاہیے کہ اللہ نے بہتر اسکول، عمدہ ماحول اور معیاری سہولیات فراہم کی ہیں، اور ہمیں اْن بچوں کو یاد رکھنا چاہیے جو آج بھی تعلیم سے محروم ہیں۔ انہوں نے اسکول انتظامیہ اور ورکرز ویلفیئر بورڈ کی کاوشوں کو سراہا جن کی بدولت بچوں کو خوشگوار اور آرام دہ تعلیمی ماحول میسر آیا ہے۔
اپنی گفتگو کے اختتام پر انہوں نے کہا:
آپ پاکستان کا مستقبل ہیں، ہمیں مل کر اپنے ملک کو ترقی اور خوشحالی کی راہ پر گامزن کرنا ہے۔ ہم ایک قوم نہیں بلکہ ایک امت ہیں، اس لیے ہمیں محبت، بھائی چارے اور اتحاد کے ساتھ رہنا چاہیے۔ تعلیم کے ساتھ ساتھ کھیل اور غیر نصابی سرگرمیوں میں بھی بھرپور حصہ لینا چاہیے تاکہ ہم صحت مند اور مضبوط معاشرہ تشکیل دے سکیں۔
اسکول انتظامیہ نے صدر نیشنل لیبر فیڈریشن پاکستان کی آمد پر ان کا شکریہ ادا کیا اور یقین دلایا کہ تعلیمی معیار، ہم نصابی سرگرمیوں اور انتظامی امور میں مزید بہتری کے لیے کوششیں جاری رہیں گی۔
.
ذریعہ
ذریعہ: Jasarat News
کلیدی لفظ: انہوں نے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان