اکشے کمار نے کپل شرما کے کیفے پر فائرنگ کو بھی مزاق بنا دیا
اشاعت کی تاریخ: 22nd, September 2025 GMT
اکشے کمار اور کپل شرما کے مقبول شو ’دی گریٹ انڈین کپل شو‘ میں ایک ایسا لمحہ آیا جس نے سب کی توجہ حاصل کر لی۔ اکشے کمار نے مذاق میں کپل کے کینیڈین کیفے پر ہونے والے حالیہ حملوں کا ذکر کیا، جو اس سنجیدہ معاملے کو دوبارہ خبروں میں لے آیا۔
اکشے کمار نے شو کے دوران مذاق کرتے ہوئے کہا کہ کپل شرما نے کلرز اور سونی پر کامیابیاں سمیٹنے کے بعد اب نیٹ فلکس پر بھی تین سیزن مکمل کر لیے ہیں۔ اس کے ساتھ وہ دو فلموں کی شوٹنگ میں مصروف ہیں اور بیرون ملک اپنا ریسٹورنٹ بھی کھول چکے ہیں۔ اکشے نے ہنستے ہوئے کہا، ’اتنی آمدنی ہے وہاں کہ گولیاں بھی چلنے لگ گئی ہیں۔‘ ان کے اس جملے پر محفل قہقہوں سے گونج اٹھی، جبکہ کپل شرما صرف مسکرا کر رہ گئے۔
یاد رہے کہ کپل شرما نے اپنی اہلیہ کے ساتھ جولائی 2025 کو کینیڈا کے شہر سرے میں ’کپس کیفے‘ کا آغاز کیا تھا۔ ابتدا سے ہی کیفے کو عوام کی بھرپور پذیرائی ملی اور روزانہ طویل قطاریں کیفے کے باہر دکھائی دیتی تھیں۔ مگر بدقسمتی سے، افتتاح کے صرف چھ دن بعد علی الصبح نامعلوم افراد نے کیفے پر فائرنگ کر دی۔ اس سے بھی زیادہ افسوسناک بات یہ ہے کہ 8 اگست کو دوبارہ کیفے کو فائرنگ کا نشانہ بنایا گیا، جس میں تقریباً 25 گولیاں چلائی گئیں۔
ان واقعات کے بعد کپس کیفے کے آفیشل انسٹاگرام اکاؤنٹ پر ایک بیان جاری کیا گیا جس میں کہا گیا کہ یہ کیفے محبت اور کمیونٹی کے جذبے کے ساتھ شروع کیا گیا تھا، مگر تشدد نے ان خوابوں کو جھنجھوڑ کر رکھ دیا۔ انہوں نے عوام کی دعاؤں اور تعاون پر شکریہ ادا کیا اور مقامی پولیس فورسز، سرے پولیس اور ڈیلٹا پولیس ڈیپارٹمنٹ کا بروقت مدد پر خصوصی طور پر شکریہ ادا کیا۔
کپل کے اس ریسٹورنٹ پر گولی باری کے واقعات ہو چکے ہیں، اور اس کی وجہ مبینہ طور پر گینگسٹر لارنس بشنوئی سے جڑا ایک گینگسٹر ہیری باکسر ہے۔ اس کا ایک آڈیو پیغام بھی وائرل ہوا ہے، جس میں وہ نہ صرف کپل کو دھمکیاں دے رہا ہے بلکہ سلمان خان کے ساتھ کام کرنے والوں کو بھی نشانہ بنانے کی بات کر رہا ہے۔
Post Views: 1.ذریعہ: Daily Mumtaz
کلیدی لفظ: اکشے کمار کپل شرما کے ساتھ
پڑھیں:
کراچی، ایف بی ایریا میں شہری کی فائرنگ سے ڈاکو شدید زخمی، اسپتال منتقل
کراچی:شہر قائد میں ایف بی ایریا بلاک 16 میں واقع الائیڈ بینک کے قریب ایک شہری نے فائرنگ کر کے ایک ڈاکو کو شدید زخمی کر دیا۔
چھیپا ذرائع کے مطابق ڈاکو کی شناخت محمد ساجد ولد محمد دین، عمر 28 سال کے طور پر ہوئی ہے۔
شدید زخمی ہونے والے ڈاکو کو فوری طور پر چھیپا ایمبولینس کے ذریعے عباسی اسپتال منتقل کیا گیا جہاں اس کی حالت نازک بتائی جا رہی ہے۔ پولیس نے واقعے کی تحقیقات شروع کر دی ہیں۔
اسرائیلی پابندیوں سے فلسطینیوں کو خوراک و پانی کی شدید کمی کا سامنا ہے، انروا