نینسی پلوسی کا امریکی سیاست میں ڈیموکریٹک پارٹی کو چھوڑنے کا اعلان
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی ایوانِ نمائندگان کی سابق اسپیکر اور ڈیموکریٹ رہنما نینسی پلوسی نے تقریباً 40 سالہ سیاسی سفر کے بعد کانگریس سے ریٹائرمنٹ کا اعلان کردیا ہے۔
بین الاقوامی میڈیا رپورٹس کےمطابق نینسی پلوسی نے اپنے آبائی شہر سان فرانسسکو کے عوام کے نام جاری ایک ویڈیو پیغام میں کہا کہ وہ آئندہ مدت کے بعد دوبارہ الیکشن میں حصہ نہیں لیں گی۔
85 سالہ پلوسی نے کہاکہ میں آپ سب کو یہ بتانا چاہتی ہوں کہ میں آئندہ کانگریس کے انتخابات میں حصہ نہیں لوں گی۔ سان فرانسسکو کے عوام کی نمائندگی میرے لیے سب سے بڑا اعزاز رہا ہے، پلوسی 1987 میں پہلی بار ایک خصوصی انتخاب میں کانگریس کی رکن منتخب ہوئیں اور تب سے وہ مسلسل سان فرانسسکو کی نمائندگی کرتی آرہی ہیں، وہ ایوان نمائندگان کی پہلی خاتون اسپیکر رہ چکی ہیں، جنہوں نے دو ادوار (2007 تا 2011 اور 2019 تا 2023) میں اسپیکر کی حیثیت سے خدمات انجام دیں۔
انہوں نے کہا کہ آپ کے اعتماد کی بدولت میں نے اپنی سٹی اور اپنے ملک کی نمائندگی دنیا بھر میں فخر کے ساتھ کی، وہ اپنی آئندہ اور آخری پارلیمانی مدت میں بھی عوامی خدمت کا سلسلہ جاری رکھیں گی اور اپنے کیریئر کے اختتامی سال کو ’’باعزت اختتام دینے کی کوشش کریں گی۔
ذرائع کے مطابق پلوسی کے فیصلے کو امریکی سیاست کے ایک تاریخی باب کے اختتام کے طور پر دیکھا جارہا ہے، جہاں انہوں نے کئی دہائیوں تک ڈیموکریٹک پارٹی کی قیادت میں اہم کردار ادا کیا۔
ذریعہ
ذریعہ: Jasarat News
پڑھیں:
آزاد کشمیر انتخابات: استحکام پارٹی‘ مرکزی مسلم لیگ‘ جموں کشمیر یونائیٹڈ موومنٹ کا اتحاد
مظفر آباد (نوائے وقت رپورٹ) آئی پی پی نے مرکزی مسلم لیگ‘ جموں کشمیر یونائیٹڈ موومنٹ سے اتحاد کر لیا اور آزاد کشمیر میں مشترکہ طور پر انتخابات لڑنے کا اعلان کیا ہے۔ آئی پی پی رہنما عون چودھری نے کہا ہے کہ کشمیر کے تحفظ و ترقی کیلئے اتحاد ضروری ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی