3 سال تک فائبر نیٹ کو 60 فیصد تک لے جائیں گے: شزا فاطمہ
اشاعت کی تاریخ: 22nd, September 2025 GMT
اسکرین گریب
وفاقی وزیر برائے آئی ٹی شِزا فاطمہ نے کہا کہ ہماری کوشش ہے پاکستان کو ڈیجیٹل حب پر پہنچائیں، اگلے 3 سال تک فائبر نیٹ کو 60 فیصد تک لے جائیں گے۔
حیدر آباد میں نیشنل انکوبیشن سینٹر میں تقریب سے خطاب کے دوران شزا فاطمہ نے کہا کہ آئی ٹی کے شعبے میں نوجوانوں کو زیادہ سے زیادہ سہولتیں فراہم کر رہے ہیں، اسٹارٹ اپس اور نوجوانوں کے لیے فنڈ ریزنگ سے متعلق وزیرِاعظم کی خصوصی ہدایات ہیں، آئی ٹی کے فروغ کے لیے ہیومن ریسورسز کو بڑھایا جارہا ہے، انفرا اسٹرکچر کے لیے کئی اقدامات کیے ہیں۔
انہوں مزید کہا کہ ملک بھر میں 8 انکیوبیشن سینٹرز کام کر رہے ہیں، صرف حیدر آباد سے ایک ارب سے زائد کے اسٹارٹ اَپس ہوئے، سالانہ تین لاکھ سے زائد نوجوان تربیت حاصل کر کے اسٹارٹ اَپس شروع کر رہے ہیں، مختلف یونیورسٹیز سے الحاق اور آئی کلاؤڈ پر کام ہوا ہے۔
وفاقی وزیر برائے انفارمیشن ٹیکنالوجی کا کہنا تھا کہ ڈیجیٹل ایکٹ کی منظوری کا مقصد ڈیجیٹل سسٹم کی جانب بڑھنا ہے، ڈیجیٹل سسٹم سے عام عوام کی زندگی میں تبدیلی لانی ہے، زندگی کا ہر شعبہ ڈیجیٹل ہو رہا ہے، نادرا سے مل کر ڈیجیٹل ڈیٹا جمع کر رہے ہیں، ہر شخص کا ڈیٹا محفوظ ہوگا، ڈیجیٹل انقلاب سے ہر معلومات حاصل ہوں گی۔
شزا فاطمہ نے یہ بھی کہا کہ خریداری کرنے والے کسی بھی شخص کا ڈیٹا ریوینیو میں نہیں جاتا، آنے والے وقت میں گرین انیشیٹو کے تحت زراعت میں بھی ڈیجیٹلائزیشن ہوگی۔
.ذریعہ: Jang News
کلیدی لفظ: کر رہے ہیں کہا کہ
پڑھیں:
پنجاب میں ضمنی انتخابات کی تیاریاں تیز، ووٹر میپنگ اور ڈیٹا کلیکشن کا عمل جاری
سٹی42:پنجاب حکومت نے ضمنی انتخابات کی تیاریوں میں شدت پیدا کر دی ہے اور انتظامی اداروں کو متحرک کر دیا ہے۔ سپیشل مانیٹرنگ یونٹ کو الیکشن کی نگرانی اور رپورٹنگ کا نیا ٹاسک سونپا گیا ہے.
ذرائع کے مطابق مختلف اضلاع میں ووٹر میپنگ اور ڈیٹا اپڈیٹ کا عمل جاری ہے۔
حکومت کے فلاحی اور ترقیاتی منصوبوں جیسے اپنی چھت اپنا گھر، راشن کارڈ، آسان کاروبار کارڈ، کسان کارڈ، دھی رانی پروگرام اور ہمت کارڈ کے مستفید شہریوں کا ڈیٹا بھی جمع کیا جا رہا ہے۔ ووٹر میپنگ مکمل ہونے کے بعد عوام سے ووٹ کے حصول کے لیے رابطے کیے جائیں گے۔
وزیر اعلیٰ پنجاب مریم نواز کل سرکاری دورے پر برازیل روانہ ہوں گی
لاہور، فیصل آباد، وزیرآباد، ساہیوال، سرگودھا اور مظفرگڑھ میں ہونے والے ضمنی انتخابات کے لیے انتخابی حلقوں میں عوامی رابطہ، آگاہی اور ڈیٹا کلیکشن کے لیے ٹیمیں تشکیل دی جا رہی ہیں۔ جدید ایپلیکیشنز کے ذریعے ووٹر معلومات اور فیلڈ ڈیٹا کی مانیٹرنگ کا نظام بھی تیار کیا جا رہا ہے۔ کال سنٹرز اور ڈور ٹو ڈور سروے مہم کی تجویز بھی زیر غور ہے۔
بلوچستان کی ترقی کے بغیر ملک آگے نہیں بڑھ سکتا: حافظ نعیم الرحمن