آزادی صحافت کیلئے راہ ہموار کرنا حکومت کی اہم ذمہ دار ہے، رفیق احمد نایک
اشاعت کی تاریخ: 6th, November 2025 GMT
پیپلز ڈیموکریٹک پارٹی کے لیڈر نے کہا کہ صحافت کسی بھی سماج کی تعمیر و ترقی میں اہم کردار ادا کرتی ہے اور سیاست سے لیکر سماج کے ہر طبقے کیلئے صحافت مرکزی کردار ادا کرتی ہے۔ اسلام ٹائمز۔ جموں وکشمیر میں صحافیوں کو اپنی پیشہ ورانہ تفصیلات فراہم کرنے پر ردعمل ظاہر کرتے ہوئے پیپلز ڈیموکریٹک پارٹی کے لیڈر و ممبر اسمبلی ترال رفیق احمد نایک نے بتایا ہے کہ صحافت پر کسی بھی طرح کی پابندی ناقابل قبول ہے تاہم یہ بات ایک حقیقت ہے کہ جموں وکشمیر میں بھی صحافتی اقدار کا گرتا معیار دیکھ کر توازن برقرار رکھنے کے لئے اقدامات کوئی غلط بات نہیں ہے۔ انہوں نے کہا کہ جموں و کشمیر میں گزشتہ تیس برسوں کے اندر صحافیوں نے جو خدمات انجام دی ہیں وہ اپنی مثال آپ ہیں۔ رفیق احمد نایک نے بتایا کہ صحافت کسی بھی سماج کی تعمیر و ترقی میں اہم کردار ادا کرتی ہے اور سیاست سے لیکر سماج کے ہر طبقے کے لئے صحافت مرکزی کردار ادا کرتی ہے، اس لئے ایک بے باک صحافت کو پروان چڑھانے کے لیے اقدامات کرنا حکومت کی ذمہ داری ہوتی ہے۔
انہوں نے کہا کہ اس لئے پیپلز ڈیموکریٹک پارٹی کا موقف یہ ہے کہ جموں و کشمیر میں صحافت اور صحافتی اداروں کو ایک مناسب ماحول فراہم کیا جانا چاہیئے اور ساتھ میں ہی اشتہارات کو بھی بغیر کسی امتیاز کے فراہم کرنا چاہیئے تاکہ وہ بغیر کسی رکاوٹ کے اپنا کام کاج کر سکیں۔ واضح رہے کہ جموں و کشمیر انتظامیہ نے کشمیر صوبے کے صحافیوں کو اپنی شناخت اور پیشہ ورانہ تفصیلات مقررہ مدت کے اندر اپنے متعلقہ ضلعی اطلاعات دفاتر میں جمع کرانے کی ہدایت دی ہے۔ حکام کا کہنا ہے کہ یہ اقدام میڈیا شناختی کارڈز کے غلط استعمال کو روکنے، جعلی نمائندگی اور مستند صحافت کے وقار کو برقرار رکھنے کے لئے اٹھایا گیا ہے۔
ذریعہ
ذریعہ: Islam Times
کلیدی لفظ: کردار ادا کرتی ہے کہ جموں
پڑھیں:
آزاد کشمیر انتخابات: استحکام پارٹی‘ مرکزی مسلم لیگ‘ جموں کشمیر یونائیٹڈ موومنٹ کا اتحاد
مظفر آباد (نوائے وقت رپورٹ) آئی پی پی نے مرکزی مسلم لیگ‘ جموں کشمیر یونائیٹڈ موومنٹ سے اتحاد کر لیا اور آزاد کشمیر میں مشترکہ طور پر انتخابات لڑنے کا اعلان کیا ہے۔ آئی پی پی رہنما عون چودھری نے کہا ہے کہ کشمیر کے تحفظ و ترقی کیلئے اتحاد ضروری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار