امریکا میں سفارتی آداب کی کھلی خلاف ورزی
اشاعت کی تاریخ: 23rd, September 2025 GMT
نیویارک (اُردو پوائنٹ اخبارتازہ ترین۔ 23 ستمبر2025ء) امریکا میں سفارتی آداب کی کھلی خلاف ورزی، نیویارک میں فرانسیسی صدر کو امریکی پولیس نے سرعام سڑک پر روک لیا۔ تفصیلات کے مطابق فرانس کے صدر ایمانوئل میکرون کو اقوام متحدہ کی جنرل اسمبلی کے اجلاس سے جاتے ہوئے راستے میں پولیس نے روک لیا جس پر انھیں پیدل ہی جانا پڑا۔ عالمی خبر رساں ادارے کے مطابق یہ غیر معمولی واقعہ اُس وقت پیش آیا جب فرانس کے صدر ایمانوئل میکرون کا قافلہ اپنے ملک کے مشن دفتر کی جانب بڑھ رہا تھا۔
نیویارک پولیس نے فرانسیسی صدر سے معذرت کرتے ہوئے بتایا کہ فی الحال سڑک امریکی صدر ڈونلڈ ٹرمپ کے قافلے کے لیے حفاظتی طور پر بند کی گئی ہے۔ پولیس اہلکار نے کہا کہ سر، معاف کیجیے، ابھی سب کچھ بند ہے، صدر ٹرمپ کا موٹرکیڈ آنے ہی والا ہے۔(جاری ہے)
آپ کو کچھ دیر رکنا ہوگا۔ جس پر فرانسیسی صدر نے مزاحیہ انداز اپناتے ہوئے سڑک پر کھڑے کھڑے اپنا فون نکالا اور صدر ٹرمپ کو کال کر کے کہا کہ اندازہ لگائیں، میں سڑک پر انتظار کر رہا ہوں کیونکہ سب کچھ آپ کے لیے بند ہے۔
اس کے چند منٹ بعد ہی سڑک کو پیدل چلنے والوں کے لئے کھول دیا گیا لیکن گاڑیوں کو پھر بھی جانے نہیں دیا گیا۔ جس کی وجہ سے صدر ایمانوئل میکرون پیدل چلتے ہوئے فرانس کے سفارتی مشن کی طرف چلے گئے۔ یاد رہے کہ اس واقعے سے قبل ہی ایمانوئل میکرون نے اقوام متحدہ میں فلسطینی ریاست کو باضابطہ طور پر تسلیم کرنے کا اعلان کیا تھا۔.
ذریعہ: UrduPoint
کلیدی لفظ: تلاش کیجئے ایمانوئل میکرون
پڑھیں:
نیو یارک میں امریکی صدر ٹرمپ کی وجہ سے فرانسیسی صدر کی گاڑی روک دی گئی، دلچسپ ویڈیو وائرل
فرانسیسی صدر ایمانویل میکرون کو نیویارک میں اس وقت ایک غیر معمولی صورتحال کا سامنا کرنا پڑا جب وہ اقوام متحدہ کے ہیڈکوارٹر سے نکلے۔ نیویارک پولیس ڈیپارٹمنٹ کے افسران نے میکرون کے قافلے کو، جو فرانسیسی سفارت خانے کی جانب جا رہا تھا، روک دیا کیونکہ علاقے کی سڑکیں بند تھیں۔ اقوام متحدہ کے ہیڈکوارٹر سے فرانسیسی سفارت خانے تک فاصلہ تقریباً 1 میل تھا۔
سڑک کی بندش کا مظاہروں یا کسی احتجاج سے کوئی تعلق نہیں تھا۔ بلکہ اس کی وجہ امریکہ کے صدر ڈونلڈ ٹرمپ تھے۔ ٹرمپ کا صدارتی قافلہ اس علاقے سے گزر رہا تھا جس کی وجہ سے نیویارک پولیس نے فرانسیسی صدر کا قافلہ روک دیا۔
New York police stopped French President Macron’s motorcade because the road was closed for Trump.
Macron got out, called Trump, and jokingly asked him to “clear the road.” pic.twitter.com/7ZtstXmtKj
— Clash Report (@clashreport) September 23, 2025
جب میکرون کی گاڑی روکی گئی تو انہوں نے گاڑی سے اتر کر ایک پولیس افسر سے بات کی۔ افسر نے کہا معذرت، جناب صدر، میں معذرت خواہ ہوں۔ اس وقت سب کچھ بند ہے، اور ساتھ ہی اشارہ کیا کہ ٹرمپ کا قافلہ گزر رہا ہے۔
میکرون نے فوراً اپنا فون نکالا اور ٹرمپ کو فون کیا تاکہ انہیں اس غیر معمولی رکاوٹ کے بارے میں آگاہ کر سکیں۔ انہوں نے مسکراتے ہوئے ٹرمپ سے کہا ’آپ کیسے ہیں؟ اندازہ لگائیں، میں ابھی سڑک پر کھڑا ہوں کیونکہ آپ کے لیے سب کچھ بند ہے‘۔ انہوں نے مذاق میں ٹرمپ سے کہا کہ ’راستہ صاف کروائیں‘۔
ٹرمپ نے میکرون کو کیا جواب دیا، یہ ظاہر نہیں کیا گیا، لیکن چند منٹوں بعد رکاوٹیں ہٹا دی گئیں اور پیدل چلنے والوں کو راستہ مل گیا۔ اس کے بعد میکرون اور ان کے ساتھی پیدل چلنے لگے۔ فرانسیسی صدر نے وہاں موجود لوگوں کے ساتھ تصاویر بھی کھنچوائیں۔
نیویارک میں پولیس نے ڈونلڈ ٹرمپ کے قافلے کی آمد کے باعث سڑکیں بند کر دی تھیں، جس کے دوران فرانسیسی صدر ایمانوئیل میکرون کی گاڑی بھی روک دی گئی۔ میکرون نے ٹرمپ کو فون کیا اور صورتحال بتائی، جس کے بعد انہوں نے چند منٹ پیدل چلتے ہوئے اپنا سفر جاری رکھا۔ pic.twitter.com/KY70ZPHJGz
— Ovais Mangalwala (@ovaismangalwala) September 23, 2025
واضح رہے کہ فرانسیسی صدر ایمانویل میکرون اقوام متحدہ کے ہیڈکوارٹر سے اس وقت نکلے تھے جب انہوں نے باضابطہ طور پر فلسطینی ریاست کو تسلیم کرنے کا اعلان کیا، جس پر اسرائیل نے شدید ناراضگی کا اظہار کیا۔
حالیہ دنوں میں فلسطین کو تسلیم کرنے والے دیگر بڑے ممالک میں برطانیہ، کینیڈا، آسٹریلیا اور پرتگال شامل ہیں۔ اب تک 156 ممالک فلسطینی ریاست کو سرکاری طور پر تسلیم کر چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ ڈونلڈ ٹرمپ فرانسیسی صدر ایمانویل میکرون فلسطین فلسطینی ریاست میکرون گاڑی نیو یارک
گزرا یوم آزادی اور تجدید عہد