پاک۔سعودی دفاعی معاہدے میں ایران کی شمولیت ضروری ہے: حافظ نعیم الرحمٰن
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
لاہور: جماعت اسلامی پاکستان حافظ نعیم الرحمان نے کہا کہ پاکستان، سعودی عرب دفاعی معاہدے میں ایران سمیت دیگر اسلامی ممالک کو بھی شامل کیا جائے تاکہ مسلم دنیا متحد ہو۔
مرکزی مجلس شوریٰ کے اجلاس سے خطاب کرتے ہوئے امیر جماعت اسلامی پاکستان حافظ نعیم الرحمان نے کہا کہ اسرائیل کے پس پشت امریکا کھڑا ہے اور جنگ بندی کی قرارداد کو ویٹو کرنا اس کی واضح مثال ہے، قطر پر حملے کے بعد مسلمان ممالک میں اتحاد کے لیے سنجیدہ سوچ بچار کا عمل تیز ہوا ہے۔
امیر جماعت اسلامی نے کہا ہے کہ پاکستان اور سعودی عرب کے درمیان دفاعی معاہدہ مسلم دنیا میں اتحاد کی سمت ایک مثبت پیش رفت ہے، اس معاہدے میں دیگر اسلامی ممالک بالخصوص ایران کو بھی شامل کیا جانا چاہیے تاکہ خطے میں مضبوط اور متحد موقف سامنے آئے۔
امیر جماعت اسلامی نے زور دیا کہ افغانستان کے ساتھ تعلقات کو معمول پر لایا جائے اور تحریک طالبان کا مسئلہ باہمی تعاون اور پرامن بات چیت کے ذریعے حل کیا جائے۔ ان کے بقول، یہی دونوں ممالک کے مفاد میں ہے۔
حافظ نعیم الرحمان نے کہا کہ وادی تیرہ جیسے واقعات غیر یقینی صورتحال کو جنم دیتے ہیں، جس سے نہ صرف عوام اور اداروں کے درمیان فاصلے بڑھتے ہیں بلکہ بے گناہ جانوں کا ضیاع بھی ہوتا ہے۔ ان کے مطابق ایسے حالات پر قابو پانے کے لیے ٹارگٹڈ آپریشنز مؤثر ثابت ہو سکتے ہیں۔
انہوں نے مزید کہا کہ نظام کی تبدیلی کے بغیر ملک میں حقیقی تبدیلی ممکن نہیں۔ حافظ نعیم الرحمان نے اعلان کیا کہ نومبر میں مینار پاکستان کے سائے تلے منعقد ہونے والا اجتماع عام تبدیلی کی بنیاد ثابت ہوگا۔
ذریعہ: Jasarat News
کلیدی لفظ: حافظ نعیم الرحمان نے جماعت اسلامی نے کہا کہا کہ
پڑھیں:
27 ویں ترمیم 26 ویںکا تسلسل، گرفت مضبوط کرنے کی کوشش: حافظ نعیم الرحمن
لاہور (خصوصی نامہ نگار) امیر جماعت اسلامی حافظ نعیم الرحمن نے واضح کیا مجوزہ ستائیسویں آئینی ترمیم 26ویں ترمیم کا تسلسل اور نظام پر گرفت مضبوط کرنے کی کاوشوں کا حصہ ہے۔ جماعت اسلامی ایسے کسی بندوبست کا حصہ نہیں بنے گی اور نہ ہی غزہ میں پاکستانی فوج بھیجنے کے اقدام کی حمایت کرے گی۔ منصورہ میں ملک گیر ڈیجیٹل اجتماع کارکنان سے خطاب کرتے انہوں نے کہا بدل دو نظام کے نعرہ کے تحت مینار پاکستان پر عظیم الشان اجتماع عام انقلاب کا پیش خیمہ ثابت ہو گا۔ نائب امیر لیاقت بلوچ، سیکرٹری جنرل امیرالعظیم‘ نائب امراء‘ ڈپٹی سیکرٹری جنرل وقاص جعفری، ضیاء الدین انصاری و دیگر موجود تھے۔ حافظ نعیم الرحمن نے کہاجماعت اسلامی انتخابات اور جمہوری جد وجہد سے عادلانہ نظام کے قیام کیلئے جد وجہد کر رہی ہے۔ قبل ازیں حافظ نعیم الرحمن نے سینئر صحافی اور مصنف الطاف حسین قریشی کی کتاب ’’پیارے مولانا‘‘کی تقریب رونمائی میں بطور مہمان خصوصی خطاب کیا۔ بانی جماعت اسلامی کے انٹرویوز اور ان کی شخصیت اور افکار سے متعلق کتاب کی تقریب رونمائی ذیلدار پارک اچھرہ میں ہوئی۔ اہم مقررین اور شرکاء میں نائب امیر لیاقت بلوچ، لیگی رہنما خواجہ سعد رفیق، جماعت اسلامی کے دیگر سینئر رہنما، صحافی حضرات شامل تھے۔ امیر جماعت اسلامی نے کہا کہ انہیں یقین ہے کہ جماعت اسلامی باقی شعبوں کی طرح انتخابی سیاست میں بھی کامیاب ہو گی۔ انہوں نے شرکاء کو اجتماع عام میں شرکت کی دعوت دی۔
وزیراعظم نے27 ویں ترمیم کی منظوری کیلئے پیپلزپارٹی کی حمایت مانگی ہے، بلاول بھٹو