وژن پاکستان 2030 سیلاب متاثرہ نوجوانوں کے لیے امید کی کرن ہے، شاہد آفریدی
اشاعت کی تاریخ: 24th, September 2025 GMT
پاکستان کرکٹ ٹیم کے سابق کپتان اور معروف سماجی شخصیت شاہد خان آفریدی نے نیشنل پریس کلب اسلام آباد میں منعقدہ پریس کانفرنس میں ’وژن پاکستان 2030‘ منصوبے کو ملک کے نوجوانوں اور سیلاب متاثرین کے لیے امید کی کرن قرار دیا۔
شاہد آفریدی نے کہا کہ پاکستان اس وقت مشکل حالات سے گزر رہا ہے لیکن اگر حکومت، نجی شعبہ اور عوام ایک ٹیم کی طرح متحد ہو جائیں تو ترقی کی نئی راہیں کھولی جا سکتی ہیں۔
مزید پڑھیں: ’مرد کا بچہ ہے تو آمنے سامنے بات کرے‘ شاہد آفریدی کا عرفان پٹھان کو کرارا جواب
ان کا کہنا تھا کہ جب ہم کرکٹ میں ایک ٹیم بن کر کھیلتے ہیں تو دنیا کی مضبوط ترین ٹیموں کو بھی شکست دیتے ہیں۔ آج وہی جذبہ پاکستان کے نوجوانوں کے لیے دکھانے کا وقت ہے۔
شاہد آفریدی نے کہا کہ نوجوانوں کو تعلیم، ڈیجیٹل مہارتوں اور کاروباری مواقع فراہم کرنا اصل ترقی ہے۔ اس منصوبے کے ذریعے متاثرہ نوجوان نہ صرف خود کفیل ہوں گے بلکہ ملکی معیشت میں بھی کلیدی کردار ادا کریں گے۔
مزید پڑھیں: محمد یوسف کا شاہد آفریدی کیخلاف عرفان پٹھان کی غیرشائسہ زبان پر ردعمل، اپنے ایک بیان کی بھی وضاحت کردی
شاہد آفریدی کو وژن پاکستان 2030 کا برانڈ ایمبیسیڈر بھی مقرر کیا گیا ہے۔ اس موقع پر انہوں نے عزم ظاہر کیا کہ وہ ذاتی طور پر اس منصوبے کی کامیابی کے لیے ہر ممکن کردار ادا کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’وژن پاکستان 2030‘ پاکستان کرکٹ ٹیم سیلاب متاثرہ نوجوان شاہد آفریدی نیشنل پریس کلب اسلام آباد.
ذریعہ
ذریعہ: WE News
کلیدی لفظ: وژن پاکستان 2030 پاکستان کرکٹ ٹیم سیلاب متاثرہ نوجوان شاہد آفریدی نیشنل پریس کلب اسلام آباد وژن پاکستان 2030 شاہد آفریدی کے لیے
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا