نیویارک میں اسحاق ڈار کی بحرینی وزیر خارجہ سے ملاقات
اشاعت کی تاریخ: 25th, September 2025 GMT
نیویارک (اسپیشل رپورٹر) نائب وزیراعظم و وزیر خارجہ سینیٹر اسحاق ڈار نے اقوام متحدہ کی جنرل اسمبلی کے 80ویں اجلاس کے موقع پر بحرین کے وزیر خارجہ ڈاکٹر عبداللطیف بن راشد الزیانی سے ملاقات کی۔
یہ بھی پڑھیں:جی 77 اور چین وزارتی اجلاس: جنوبی ممالک کے مفادات کا ہر سطح پر تحفظ کریں گے، اسحاق ڈار
ملاقات میں دونوں رہنماؤں نے پاکستان اور بحرین کے مضبوط دوطرفہ تعلقات پر اطمینان کا اظہار کیا اور مختلف شعبوں میں تعاون بڑھانے پر اتفاق کیا۔
اس موقع پر اقتصادی تعاون، علاقائی روابط، کثیرالجہتی فورمز پر اشتراک عمل اور امن کے قیام کے مشترکہ عزم کو بھی دوہرایا گیا۔
گفتگو کے دوران غزہ کی صورت حال پر بھی تبادلہ خیال کیا گیا اور فوری فائر بندی کے ساتھ انسانی بنیادوں پر ریلیف فراہم کرنے کی ضرورت پر زور دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار بحرین بحرینی وزیرخارجہ ڈاکٹر عبداللطیف بن راشد الزیانی نائب وزیراعظم.ذریعہ: WE News
کلیدی لفظ: اسحاق ڈار اسحاق ڈار
پڑھیں:
اقوام متحدہ اجلاس کے دوران اسحاق ڈار کی ہنگری، جی سی سی اور کینیڈین وزرائے خارجہ سے اہم ملاقاتیں
نائب وزیراعظم اور وزیر خارجہ سینیٹر اسحاق ڈار نے اقوام متحدہ کی جنرل اسمبلی کے 80ویں اجلاس کے موقع پر ہنگری، جی سی سی اور کینیڈا کے وزرائے خارجہ سے علیحدہ علیحدہ ملاقاتیں کیں، جن میں باہمی دلچسپی کے امور اور دوطرفہ تعلقات کو مزید وسعت دینے پر تبادلہ خیال کیا گیا۔
نائب وزیراعظم اسحاق ڈار نے ہنگری کے وزیر خارجہ پیٹر سیجارٹو سے ملاقات کی، جو جنرل اسمبلی اجلاس کے سائیڈ لائنز پر ہوئی۔
دفتر خارجہ کے ترجمان کے مطابق دونوں رہنماؤں نے پاکستان اور ہنگری کے درمیان تعلقات کو مزید مضبوط بنانے پر اتفاق کیا۔
ملاقات میں تجارت، سرمایہ کاری اور اعلیٰ تعلیم کے شعبوں میں تعاون بڑھانے کے عزم کا اعادہ کیا گیا۔ دونوں وزرائے خارجہ نے تعلقات کو نئی جہت دینے اور دوطرفہ روابط کو وسعت دینے پر زور دیا۔
اس موقع پر اسحاق ڈار نے جی سی سی کے سیکریٹری جنرل جاسم محمد البُدایوی سے بھی ملاقات کی۔
انہوں نے پاکستان اور خلیجی ریاستوں کے درمیان گہرے تعلقات کی اہمیت اجاگر کرتے ہوئے کہا کہ پاکستان، جی سی سی کے رکن ممالک کے ساتھ تعاون کو مزید وسعت دینے کے لیے پُرعزم ہے۔
انہوں نے مشترکہ اقدامات کے ذریعے ادارہ جاتی روابط کو مستحکم کرنے اور کثیر الجہتی تعاون بڑھانے پر زور دیا۔
اسحاق ڈار نے کینیڈا کی وزیر خارجہ انیتا آنند سے بھی ملاقات کی، جس میں پاکستان اور کینیڈا کے درمیان تعلقات پر تفصیلی گفتگو ہوئی۔
دونوں رہنماؤں نے دوطرفہ تعلقات پر اطمینان کا اظہار کرتے ہوئے تجارت اور اقتصادی تعاون کو مزید فروغ دینے پر اتفاق کیا۔
بچے بھوک سے مر رہے ہیں، غزہ میں فوری غیرمشروط جنگ بندی ہونی چاہیے: عاصم افتخار