کم عمر صارفین کیلئے فیس بک کا استعمال مزید محدود ہوگا، میٹا کا اعلان
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
میٹا نے ایک بڑا فیصلہ کرتے ہوئے اعلان کیا ہے کہ فیس بک اور میسنجر پر موجود کروڑوں کم عمر صارفین کے اکاؤنٹس کو خودکار طور پر ٹین (Teen) اکاؤنٹس میں منتقل کیا جائے گا۔
کمپنی کے مطابق یہ اقدام بچوں کو آن لائن زیادہ تحفظ فراہم کرنے کے لیے کیا جا رہا ہے اور اس کے تحت 13 سے 15 سال کی عمر کے تمام صارفین کے اکاؤنٹس پرائیویٹ ہو جائیں گے۔ اس تبدیلی کے بعد والدین بھی یہ نگرانی کر سکیں گے کہ ان کے بچے میٹا کی ایپس کو کس طرح استعمال کر رہے ہیں، جبکہ کم عمر صارفین تک مختلف اقسام کے حساس یا غیر موزوں مواد کی رسائی بھی محدود ہو جائے گی۔
میٹا نے سب سے پہلے ستمبر 2024 میں انسٹاگرام پر ٹین اکاؤنٹس کا آغاز کیا تھا جس کے بعد امریکا، کینیڈا، برطانیہ اور آسٹریلیا میں فیس بک اور میسنجر پر بھی یہ سہولت متعارف کرائی گئی۔ اب کمپنی نے اعلان کیا ہے کہ یہ پالیسی دنیا بھر میں نافذ کی جا رہی ہے۔ اس مقصد کے لیے آرٹیفیشل انٹیلی جنس (AI) استعمال کی جائے گی تاکہ ایسے کم عمر صارفین کی درست نشاندہی کی جا سکے اور ان کے اکاؤنٹس کو خودکار طریقے سے اسٹیپ میں منتقل کیا جا سکے۔
یہ قدم اس وقت اٹھایا گیا ہے جب میٹا کو مختلف ممالک میں اس بات پر تنقید کا سامنا ہے کہ وہ کم عمر صارفین کے تحفظ کے لیے ناکافی اقدامات کر رہا ہے۔ ماضی میں بھی کمپنی نے انسٹاگرام اور فیس بک پر کئی سخت پالیسیز نافذ کی ہیں، جیسے 19 سال سے زائد افراد کو کم عمر صارفین کو بغیر فالو کے پیغام بھیجنے سے روک دینا، 18 سال سے کم عمر بچوں کو رات گئے ایپس کے استعمال سے باز رکھنے کے لیے خصوصی ٹولز، اور خودکشی، نقصان پہنچانے یا ایٹنگ ڈس آرڈرز جیسے خطرناک مواد تک ان کی رسائی محدود کرنا۔
اسی سلسلے کو آگے بڑھاتے ہوئے جنوری 2024 میں ایک اور میسجنگ پابندی نافذ کی گئی جس کے تحت بائی ڈیفالٹ سیٹنگز میں اجنبی افراد کو کم عمر صارفین کو میسج کرنے یا انہیں گروپ چیٹس میں شامل کرنے کی اجازت نہیں دی گئی۔ تازہ ترین اقدام کے بعد یہ واضح ہو گیا ہے کہ میٹا اپنی پالیسیوں میں بچوں اور نوجوان صارفین کے تحفظ کو مزید سخت بنانے کے لیے سنجیدہ ہے۔
ذریعہ
ذریعہ: Jasarat News
کلیدی لفظ: کم عمر صارفین صارفین کے فیس بک کے لیے
پڑھیں:
حکومت نے بجلی کی سبسڈی کو “ٹارگٹڈ” بنانے کیلئے نیا سسٹم متعارف کرادیا۔۔؟؟
حکومت نے بجلی کی سبسڈی کو “ٹارگٹڈ”(targeted subsidy) بنانے کے لیے نیا سسٹم متعارف کرا دیا ۔ جس کے تحت اب صارفین کو اپنی شناخت اور گھریلو معلومات کی تصدیق کرنا ہوگی۔
صارف جب کیو آر کوڈ اسکین کرتا ہے تو اسے ایک آن لائن پورٹل پر لے جایا جاتا ہے۔ اس پورٹل پر شناختی کارڈ ، موبائل نمبر اور بجلی کے میٹر کی تفصیلات درج کرنا ہوتی ہیں۔ اس کے بعد ون ٹائم پاس ورڈ کے ذریعے تصدیق مکمل کی جاتی ہے۔
حکام کے مطابق اس نظام کا مقصد ایک ہی خاندان کے مختلف افراد کے نام پر موجود متعدد میٹرز کو چیک کرنا ہے ۔ یہ بھی دیکھا جا سکے گا کہ کم یونٹس استعمال کرنے والا صارف واقعی مستحق ہے یا نہیں ۔
ذرائع کے مطابق اس عمل میں نادرا ، بجلی تقسیم کار کمپنیوں اور دیگر سرکاری ڈیٹا بیسز سے حاصل معلومات کو ملا کر صارف کی معاشی حیثیت کا جائزہ لیا جائے گا۔ یعنی اب سبسڈی صرف بجلی کے استعمال پر نہیں بلکہ گھرانے کی مجموعی صورتحال پر دی جائے گی۔
پاور ڈویژن کے مطابق اس وقت2 کروڑ 95 لاکھ 70 ہزار یعنی 86 فیصد گھریلو صارفین کو سبسڈی فراہم کی جارہی ہے۔ سبسڈی کا حجم 199 ارب سے بڑھ کر 423 ارب روپے تک پہنچ گیا۔ زرعی اور گھریلو شعبے کو 527 ارب روپے کی سبسڈی مل رہی ہے۔
حکام کے مطابق کیو آر کوڈ سسٹم کے ذریعے اہل صارفین کو بلاتعطل سبسڈی کی فراہمی جاری رہے گی۔دوسری طرف اس نئے نظام پر سوالات بھی اٹھ رہے ہیں کہ کیا صارفین کا ذاتی ڈیٹا محفوظ ہے؟ اور کیا تصدیق نہ کرنے کی صورت میں سبسڈی ختم ہو سکتی ہے؟
مزید پڑھیں:کسی کی برائی کرکے نہیں کارکردگی پر ووٹ مانگتے ہیں، نوازشریف
ادھر حکومت نے صارفین کو خبردار کیا ہے کہ جعلی کیو آر کوڈز اور لنکس سے محتاط رہیں ۔ کسی بھی غیر مصدقہ پلیٹ فارم پر اپنی ذاتی معلومات ہرگز شیئر نہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ