انسٹاگرام کے ماہانہ صارفین کی تعداد 3 ارب سے تجاوز کرگئی
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
میٹا کی زیرملکیت فوٹو اور ویڈیو شیئرنگ کی معروف ایپلیکیشن انسٹاگرام کے ماہانہ صارفین کی تعداد 3 ارب سے زیادہ ہوگئی ہے۔
غیر ملکی خبر ایجنسی کے مطابق ویڈیو شیئرنگ کی معروف ایپلیکیشن انسٹاگرام میٹا کی تیسری ایسی ایپ بن گئی ہے جسے ماہانہ بنیادوں پر استعمال کرنے والے صارفین کی تعداد 3 ارب سے تجاوز کرگئی ہے، اس سے قبل فیس بک اور واٹس ایپ یہ اہم سنگ میل عبور کر چکے ہیں۔
میٹا کے چیف ایگزیکٹو مارک زکربرگ نے اپنے انسٹاگرام چینل پر اس کامیابی کا اعلان کرتے ہوئے کہا کہ ہم یہاں ایک حیرت انگیز کمیونٹی تشکیل دے رہے ہیں، یہ نہ صرف فوٹو شیئرنگ پلیٹ فارم کے لیے ایک بڑی کامیابی ہے بلکہ میٹا کے لیے بھی ایک نمایاں پیش رفت ہے۔
انسٹاگرام کو میٹا نے 2012 میں ایک ارب ڈالر میں خریدا تھا، جب کہ اکتوبر 2022 میں اس کے صارفین کی تعداد 2 ارب تک پہنچی تھی۔ یعنی محض تین سال کے دوران ایک ارب نئے صارفین کا اضافہ ہوا۔
میٹا نے گزشتہ برس اعلان کیا تھا کہ اب فیس بک اور دیگر ایپس کے صارفین کی تعداد باقاعدگی سے ظاہر نہیں کی جائے گی، البتہ بڑے سنگ میل پر اعداد و شمار جاری کیے جائیں گے۔
اسی پالیسی کے تحت مارک زکربرگ نے جنوری 2025 میں بتایا تھا کہ فیس بک کے روزانہ استعمال کرنے والے صارفین کی تعداد بھی 3 ارب سے تجاوز کر چکی ہے، جب کہ اپریل میں یہ اعلان کیا گیا کہ واٹس ایپ کے صارفین کی تعداد دنیا بھر میں 3 ارب سے زیادہ ہو گئی ہے۔
دوسری جانب میٹا نے کم عمر نوجوانوں کے تحفظ اور والدین کے خدشات کو مدنظر رکھتے ہوئے (Teen Accounts) متعارف کروا دیے ہیں۔
کم عمر صارفین کے تحفظ کے لیے یہ خصوصی اکاؤنٹس ایک اہم پیش رفت قرار دی جا رہی ہے۔ میٹا کے مطابق اب تک دنیا بھر میں انسٹاگرام، فیس بک اور میسنجر پر کروڑوں نوجوانوں کو ٹین اکاؤنٹس میں منتقل کیا جا چکا ہے۔
ذریعہ: Jasarat News
کلیدی لفظ: صارفین کی تعداد فیس بک
پڑھیں:
ویمن ورلڈ کپ: ٹیموں کی تعداد 8 سے 10 کرنے کی منظوری
دبئی میں ہونے والی آئی سی سی بورڈ میٹنگ میں ویمن ورلڈ کپ میں ٹیموں کی تعداد 8 سے 10 کرنے کی منظوری دے دی گئی۔
اولمپکس 2028ء میں مینز اور ویمن کرکٹ ایونٹس میں 6 ٹیمیں حصہ لیں گی، ایسوسی ایٹ ممالک کے فنڈز میں 10 فیصد اضافے کی منظوری بھی دے دی گئی۔
اجلاس میں چیئرمین پی سی بی محسن نقوی نے بھی شرکت کی۔
انٹرنیشنل کرکٹ کونسل نے دبئی میں ہونے والی میٹنگز کے بعد اعلامیہ جاری کرتے ہوئے طویل المیعاد ترقیاتی منصوبوں کے لیے اسٹریٹجک اقدامات کی بھی منظوری دی۔
ویمن ورلڈ کپ میں ٹیموں کی تعداد 8 سے 10 کرنے کی منظوری دی گئی جبکہ ایسوسی ایٹ ممالک کے فنڈز میں 10 فیصد اضافہ کر دیا گیا۔
اجلاس میں کرکٹ کی اولمپک میں شمولیت سے متعلق معاملات کا جائزہ لیا گیا۔
آئی سی سی کے مطابق اولمپکس 2028ء میں مینز اور ویمن کرکٹ ایونٹس میں 6، 6 ٹیمیں حصہ لیں گی۔
آئی سی سی نے ویڈیو گیمز کے حقوق کے لیے ٹینڈر جاری کرنے کی منظوری بھی دی، فنڈز انفرااسٹرکچر میں بہتری اور کرکٹ کی ترقی پر خرچ ہوں گے۔
ذرائع کا کہنا ہے کہ آئی سی سی کے اجلاس میں ایشیاء کپ کی ٹرافی کا معاملہ نہیں اٹھایا گیا، بی سی سی آئی نے بھی اجلاس میں ایشیاء کپ کی ٹرافی کے حوالے سے کوئی بات نہیں کی ۔
اجلاس کے بعد کچھ بورڈ ممبران نے دونوں ممالک سے ایشیاء کپ ٹرافی کے ایشو کو حل کرنے پر بات کی، بورڈ ممبران نے کہا کہ دونوں ممالک کو افہام و تفہیم سے معاملہ حل کرنا چاہیے۔
ذرائع نے بتایا ہے کہ آئی سی سی بورڈ میٹنگ آج دبئی میں ہوئی جس میں چیئرمین بی سی بی محسن نقوی نے بھی شرکت کی۔
ذرائع کے مطابق پی سی بی کے چیئرمین محسن نقوی نے کہا کہ ایشیاء کپ ٹرافی کا معاملہ بالکل حل ہونا چاہیے۔
سماجی ترقی کا خواب غزہ میں نسل کشی کو نظرانداز کرکے پورا نہیں ہوسکتا، صدر مملکت کا دوحہ کانفرنس سے خطاب