’’ڈیجیٹل کریئیٹرز جہنمی ہیں؟‘‘ زاہد احمد کا ’’سافٹ ویئر اپڈیٹ‘‘
اشاعت کی تاریخ: 4th, November 2025 GMT
معروف اداکار زاہد احمد نے سوشل میڈیا پر اپنے متنازع بیان کے حوالے سے واضح وضاحت دیتے ہوئے اپنے الفاظ پر معذرت کی ہے۔ انہوں نے کہا کہ ان کے پوڈکاسٹ میں دیے گئے بیان کا مطلب غلط سمجھا گیا اور انہوں نے جذبات میں آکر کچھ ایسے الفاظ استعمال کیے جو درست نہیں تھے۔
زاہد احمد نے اپنے انسٹاگرام اکاؤنٹ پر جاری کی گئی ایک ویڈیو میں کہا کہ وہ پوڈکاسٹ میں سوشل میڈیا کے موجدین کے بارے میں بات کر رہے تھے نہ کہ ڈیجیٹل کریئیٹرز کے بارے میں۔ انہوں نے کہا ’’میں نے انہیں جہنمی کہا، جو میری غلطی تھی، مجھے افسوس ہے کیونکہ میں نے جذبات میں آکر بات کی۔‘‘
انہوں نے مزید وضاحت کرتے ہوئے کہا کہ انہیں کسی کے جنت یا جہنم کا فیصلہ کرنے کا حق نہیں ہے، کیونکہ یہ اللہ کا کام ہے۔ زاہد نے زور دے کر کہا کہ وہ اپنی بات درست کرنا چاہتے ہیں کیونکہ ان سے بہت سے نوجوان متاثر ہوتے ہیں اور وہ دین سے متعلق غلط پیغام نہیں دینا چاہتے۔
View this post on Instagramاداکار کی اس وضاحت پر سوشل میڈیا پر مختلف ردعمل سامنے آئے ہیں۔ کئی صارفین نے زاہد احمد کی تعریف کرتے ہوئے کہا کہ اپنی غلطی تسلیم کرنا ایک بہادرانہ عمل ہے اور انہوں نے عاجزی دکھا کر اپنی عظمت ثابت کی۔
دوسری طرف کچھ صارفین نے طنز کرتے ہوئے کہا کہ زاہد احمد کا ’’سافٹ ویئر اپڈیٹ‘‘ ہوگیا ہے، یعنی انہوں نے عوامی ردعمل کے بعد اپنا مؤقف بدل لیا۔ کچھ صارفین نے زاہد احمد اور ٹک ٹاکرز دونوں کو تنقید کا نشانہ بنایا، یہ کہتے ہوئے کہ دونوں فریق اپنی حد سے تجاوز کر رہے ہیں۔
یہ واقعہ اس وقت سامنے آیا جب زاہد احمد کے ایک پوڈکاسٹ میں دیے گئے بیان نے سوشل میڈیا پر ہلچل مچا دی تھی۔ ان کی اس وضاحت نے نہ صرف ان کے مداحوں بلکہ پوری ڈیجیٹل کمیونٹی کی توجہ اپنی طرف مبذول کر لی ہے۔
.ذریعہ: Express News
کلیدی لفظ: سوشل میڈیا زاہد احمد انہوں نے ہوئے کہ کہا کہ
پڑھیں:
’تیری خاطر بیوی کو قتل کر دیا‘، سرجن کا ڈیجیٹل پے منٹ ایپلیکیشن کے ذریعے محبوبہ کے نام پیغام
ایک بھارتی سرجن نے شادی کے ڈیڑھ سال بعد اپنی بیوی کو محبوبہ کی خاطر اینستھیٹک دوا زیادہ مقدار میں دے کر قتل کردیا۔ بعدازاں ڈیجیٹل پے منٹ ایپلیکیشن کے ذریعے محبوبہ کو بیوی کو ہلاک کرنے کی خبر بھی بھیج دی۔
ایک چونکا دینے والے انکشاف میں، ڈاکٹر مہندر ریڈی نامی سرجن، جو اپنی ڈرمٹولوجسٹ اہلیہ ڈاکٹر کرُتیکا ریڈی کے قتل کے الزام میں گرفتار ہیں، نے جرم کے فوراً بعد اپنی مبینہ محبوبہ کو ایک پیغام بھیجا جس میں لکھا تھا ’میں نے تمہارے لیے اپنی بیوی کو مار دیا۔‘
یہ بھی پڑھیے محبوب نے شادی کے اصرار پر خاتون کو قتل کر کے دفنا دیا
تحقیقاتی حکام کے مطابق، یہ پیغام ایک ڈیجیٹل پیمنٹ ایپلیکیشن کے ذریعے بھیجا گیا تھا۔ پولیس نے یہ پیغام ملزم کے موبائل فون کی فارنزک جانچ کے دوران دریافت کیا۔
پولیس کا کہنا ہے کہ مذکورہ خاتون سے پوچھ گچھ کی جا چکی ہے اور ان کا بیان ریکارڈ کر لیا گیا ہے، تاہم ان کی شناخت ظاہر نہیں کی گئی۔
قتل کا پس منظرواقعہ 21 اپریل کو پیش آیا، جب ڈاکٹر مہندر ریڈی نے مبینہ طور پر اپنی اہلیہ کو اینستھیٹک (بیہوشی دینے والی) دوا کی زیادہ مقدار دے کر قتل کیا۔
انہوں نے بیوی کی طبیعت خراب ہونے کا بہانہ کرتے ہوئے اسے قریبی اسپتال پہنچایا، جہاں ڈاکٹر کرتیکا ریڈی کو مردہ قرار دے دیا گیا۔
بعد ازاں فارنزک سائنس لیبارٹری (FSL) کی رپورٹ میں مقتولہ کے جسم میں پروپوفول (Propofol) نامی طاقتور دوا کے آثار پائے گئے، جو کہ ایک ممنوعہ انجکشن دوا ہے اور صرف ماہر ڈاکٹروں کے زیرِ استعمال آتی ہے۔
گھر کی تلاشی کے دوران پولیس نے کینولا سیٹ، انجکشن ٹیوب اور دیگر طبی سامان برآمد کیا، جس نے شبہ کو مزید مضبوط کیا۔
گرفتاری اور مقدمہمقتولہ کے والد نے رپورٹ کی بنیاد پر داماد کے خلاف قتل کا مقدمہ درج کرایا۔ اس کے بعد 15 اکتوبر کو ڈاکٹر مہندر ریڈی کو 6 ماہ بعد گرفتار کیا گیا۔
بنگلورو پولیس کمشنر سیمانتھ کمار سنگھ نے بتایا ’اب تک جمع ہونے والے شواہد سے ظاہر ہوتا ہے کہ شوہر ہی قتل میں ملوث ہے۔ وہ خود بیوی کو اسپتال لایا اور یہ ظاہر کیا کہ وہ پہلے سے بیمار تھی۔ لیکن فارنزک رپورٹ سے واضح ہوا کہ اسے غیر قانونی طور پر دوا کا انجکشن دیا گیا، جو بدنیتی پر مبنی عمل کی نشاندہی کرتا ہے۔‘
یہ بھی پڑھیں: محبت، بلیک میلنگ اور قتل، خوفناک واردات کی تفصیل سامنے آگئی
پولیس کو شبہ ہے کہ ملزم نے اپنی طبی مہارت کو استعمال کرتے ہوئے قتل کو فطری موت کا رنگ دینے کی کوشش کی۔
واضح رہے کہ ڈاکٹر مہندر ریڈی اور ڈاکٹر کرتیکا ریڈی کی شادی 26 مئی 2024 کو ہوئی تھی۔ دونوں وِکٹوریہ اسپتال بنگلورو میں ملازم تھے۔
پولیس ذرائع کے مطابق، تفتیش جاری ہے اور ڈیجیٹل شواہد کے علاوہ دوا کی خریداری اور مالی لین دین کے ریکارڈ کی بھی جانچ کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلورو بھارت بیوی کا قتل
سدرہ بی بی قتل کیس میں بڑی پیشرفت: گرفتار 2 ملزمان کی ضمانت منظور، فوری رہائی کا حکم