غزہ کے اسپتالوں میں خون کی بوتلوں اور لیبارٹری سازوسامان کی شدید قلت
اشاعت کی تاریخ: 26th, September 2025 GMT
غزہ کے ہسپتالوں میں خون کی بوتلوں اور لیبارٹری سازوسامان کی شدید قلت کے باعث بلڈ بینکوں کی خدمات مکمل طور پر بند ہونے کے دہانے پر پہنچ گئی ہیں۔فلسطینی وزارت صحت نے جاری بیان میں کہا کہ لیبارٹریز میں استعمال ہونے والی اشیا کی شدید کمی نے بحران کو مزید پیچیدہ بنا دیا ہے، جبکہ خون اور اس کے اجزا کی شدید قلت صورتحال کو نہایت سنگین بنا رہی ہے۔وزارت کے مطابق جب تک لیبارٹری کے ضروری آلات دستیاب نہیں ہوں گے خون یا اس کے اجزا کو وصول یا منتقل کرنا ممکن نہیں، جس کے باعث اسپتالوں کے اہم شعبوں میں ہنگامی ضرورت پوری نہیں ہو پا رہی اور زخمیوں کی بڑھتی ہوئی تعداد کے ساتھ لیبارٹری ٹیسٹ کرنے کی صلاحیت بری طرح متاثر ہو رہی ہے۔وزارت صحت پہلے ہی بتا چکی ہے کہ غزہ میں روزانہ 350 خون کی بوتلوں کی ضرورت ہوتی ہے، خاص طور پر ان زخمیوں کے لئے جو شدید نوعیت کے زخموں کے باعث فوری اور اضافی خون کی منتقلی کے محتاج ہوتے ہیں۔غزہ کا شعبہ صحت انتہائی ابتر حالات سے دوچار ہے۔ اسپتال زخمیوں سے بھرے ہوئے ہیں، ادویات اور ضروری سامان کی شدید قلت ہے، یہ سب کچھ قابض اسرائیل کی اس منظم جنگ کا حصہ ہے جس میں براہ راست طبی سہولیات کو نشانہ بنایا جا رہا ہے،اسپتالوں اور طبی مراکز پر بمباری کی جا رہی ہے اور آلات و ایندھن کی فراہمی روک دی گئی تاکہ طبی نظام مکمل طور پر مفلوج ہو جائے۔یہ تشویشناک انتباہ ایسے وقت میں سامنے آیا ہے جب قابض اسرائیل کا غزہ پر وحشیانہ حملہ قریب دو برس سے جاری ہے اور سخت ترین محاصرے کے ساتھ عالمی برادری مجرمانہ خاموشی اختیار کیے ہوئے ہے جو مظلوم فلسطینی عوام کے خلاف ڈھائے جانے والے جرائم اور انسانی حقوق کی بدترین پامالیوں پر چشم پوشی کے مترادف ہے۔
.
ذریعہ
ذریعہ: Nawaiwaqt
پڑھیں:
کراچی میں کئی ماہ سے جاری پانی کا شدید بحران ختم نہ ہو سکا
کراچی میں کئی ماہ سے جاری پانی کا شدید بحران ختم نہ ہو سکا۔
اتوار کو دھابیجی پمپنگ اسٹیشن پر کے الیکٹرک کے جبری شٹ ڈاؤن سے کراچی کو پانی کی فراہمی معطل ہوئی جبکہ پیر کو کے الیکٹرک کی مین کیبل میں فالٹ کے باعث حب پمپنگ اسٹیشن کی بجلی معطل ہونے سے پانی کی فراہمی مزید کم ہوگئی۔
موجودہ صورتحال میں بوند بوند کو ترستے شہری ٹینکرز مافیا کے ہاتھوں مہنگا پانی خریدنے پر مجبور ہیں۔
کراچی واٹر کارپوریشن کے ترجمان کا کہنا ہے کہ حب سے کراچی کو یومیہ 85 ملین گیلن پانی کی فراہمی متاثر ہے۔
دوسری جانب کے الیکٹرک کے ترجمان مطابق حب پمپنگ اسٹیشن پر بجلی کی فراہمی متبادل ذرائع سے جاری ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ