یہ حارث رؤف کس کا وژن ہیں؟
اشاعت کی تاریخ: 29th, September 2025 GMT
کہتے ہیں کہ ہار، جیت کھیل کا حصہ ہے اور شاید ٹھیک ہی کہتے ہیں، مگر قومی ٹیم کے سننے یا سمجھنے میں کچھ غلطی ہوئی ہے کیونکہ اب تو انہوں نے ہار، ہار کو بھی کھیل کا حصہ ہی سمجھ لیا ہے۔
گزشتہ روز ایشیا کپ میں جو مقابلہ ہوا اس میں بھارت نے ٹی20 کرکٹ میں پاکستان کے خلاف 9ویں مرتبہ ہدف کا تعاقب کیا، بلکہ کامیابی سے تعاقب کیا اور اس وقت بات 0-9 تک پہنچ چکی ہے اور اس صورتحال میں اگر بھارتی کپتان یہ کہیں کہ اب یہ کوئی برابری کا مقابلہ نہیں رہا تو اس میں غلط کیا ہے؟
ایک ہی ایونٹ میں 3 مقابلے ہوئے اور تینوں میں ہی ہمیں شکست کا مسخ شدہ چہرہ دیکھنا پڑا، یقین کریں یہ کام ہم ہی کرسکتے ہیں۔ کل کے میچ میں بھی باقی تمام میچوں کی طرح قومی ٹیم سے بے شمار غلطیاں ہوئیں، جیسے بیٹنگ کولیپس، کپتانی میں غلطیاں، سلو وکٹ ہونے کے باوجود صائم ایوب، محمد نواز اور خود کپتان سلمان علی آغا کے اوورز مکمل نہ ہونا شامل ہے، مگر آج ہم ان میں سے کسی بھی موضوع پر بات نہیں کریں گے بلکہ ہماری توجہ بڑے مجرم یعنی حارث رؤف پر رہے گی جنہوں نے میدان میں صرف جہاز گرانے کے اشارے ہی نہیں کیے بلکہ اپنی ہی ٹیم اور اس کے چاہنے والوں کے طوطے بھی اڑا دیے ہیں۔
147 رنز کے تعاقب میں اگر کوئی بولر 3.
جب 2 اوورز میں 17 رنز درکار تھے اور فہیم اشرف کو بولنگ کے لیے بلایا گیا تو خیال تھا کہ شاید اسی اوور میں میچ ختم ہوجائے مگر جس شاندار انداز میں فہیم نے 7 رنز پر اوور ختم کیا اس نے ایک بار پھر امید دلوا دی کہ میچ اب بھی جیتا جاسکتا ہے، مگر بات پھر وہی کہ ہمیں حارث رؤف کا چہرہ ایک بار پھر نظر آگیا اور یوں چراغوں میں روشنی نہ رہی۔
بھارت کے خلاف فائنل میں 50 رنز دیکر شکست کی جانب رخ موڑ دینا ان کا واحد کارنامہ نہیں ہے بلکہ ماضی میں کئی مرتبہ یہ ہمیں دُکھ اور تکلیف دے چکے ہیں۔
2022 کے ورلڈ کپ میں جب ہم سب کو یہ لگ رہا تھا کہ اس بار تو پاکستان بھارت کو شکست دے دے گا، تب عین اسی موقعے پر 19ویں اوور میں حارث رؤف ’دی گریٹ‘ نے 15 رنز کا اوور کیا اور میچ ہمارے ہاتھ سے نکل گیا۔
یہاں تو ہم نے اس لیے صبر کرلیا کہ چلو سامنے بھارتی ٹیم ہے جس کے خلاف اب ہم جیتنا ہی بھول گئے ہیں اور پھر رنز بنانے والے ویرات کوہلی ہیں، مگر اس غموں اور تکلیف پر نمک تو اس وقت چھڑکا گیا جب 2024 کے ورلڈ کپ میں امریکا کے خلاف میچ میں ہمیں بدترین اور تاریخی شکست ہوئی۔
2 اوورز میں امریکا کو 21 رنز درکار تھے اور محمد عامر نے شاندار 19واں اوور کروایا اور صرف 6 رنز دیے یعنی امریکا کو جیتنے کے لیے اب آخری اوور میں 15 رنز درکار تھے۔ ہم سے زیادہ پریشان وہ تھے کہ یہ کام کیسے ہوگا؟ مگر حارث رؤف کو دیکھ کر انہیں کچھ اطمینان ہوا اور وہ اپنے مقصد میں کامیاب ہوگئے کہ طیارہ کریش ماہر حارث رؤف سے آخری اوور میں یہ 15 رنز بھی نہ روکے جاسکے اور یوں میچ برابر ہوگیا مگر سپر اوور میں بھی ہمیں شکست ہی ہوئی۔ یہاں یہ بھی واضح رہے کہ اس میچ میں بھی پاکستان کے لیے حارث رؤف سب سے مہنگے بولر رہے تھے۔
جب میں یہ کہتا ہوں کہ حارث رؤف خوش نصیب ہیں کہ ان کے اوپر تک ’تعلقات‘ ہیں تو اس کی بھی وجہ ہے۔ 4 مارچ 2025 کو دورہ نیوزی لینڈ کے لیے قومی کرکٹ ٹیم کے اسکواڈ کا اعلان ہوا تھا جس میں سلمان علی آغا کو ٹی20 ٹیم کا کپتان بنانے کا فیصلہ ہوا تھا۔ اس دورے میں ٹی20 اور ایک روزہ سیریز کھیلی جانی تھی مگر حارث رؤف کو ایک روزہ سیریز سے ڈراپ کردیا گیا تھا جس کے 2 دن بعد فاسٹ بولر کی پارلیمنٹ میں خواجہ آصف سے ملاقات ہوئی جس پر بہت باتیں ہوئیں۔ یہ عام ملاقات بھی ہوسکتی تھی مگر جس موقع پر یہ سب ہوا اس نے معاملے کو متنازعہ بنایا۔
پھر جب بھارت کے خلاف میچ میں حارث ’دی پائلٹ‘ نے جہاز گرانے کے اشارے کیے تو کچھ ہی دیر بعد خواجہ آصف صاحب نے حوصلہ افزا ٹوئٹ بھی کی اور فاسٹ بولر کو پیغام دیا جس کا مفہوم یہ تھا کہ ’پتر، وکٹیں تو بعد میں بھی لیتے رہیں گے، ابھی تو جہاز ہی گرا‘۔ لیکن مجھے حارث رؤف کے لیے پریشانی ہورہی ہے کہ کیونکہ اب ان پر مشکل وقت آیا ہے، ہر طرف سے تنقید ہورہی ہے اور خواجہ صاحب اس مشکل وقت میں بھی حارث رؤف کے ساتھ کھڑے رہتے ہیں یا پھر ان سے لاتعلقی کا اعلان کردیتے ہیں یہ دیکھنا اہم رہے گا۔
باقی اگر آپ میں سے کوئی یہ سمجھ رہا ہے کہ حارث رؤف بار بار رسوائی کا سبب بننے کے بعد اب ٹیم سے باہر ہوجائیں گے تو ایسے تمام لوگوں سے معذرت۔ ہاں ممکن ہے آنے والی چند سیریز میں انہیں آرام دیا جائے مگر ایک بار پھر یہ اڑتا ہوا جہاز ورلڈ کپ کی ٹیم میں لینڈ ہوگا اور ہم سب کے لیے خطرے کی گھنٹی بجا دے گا، اور ایسا اس لیے ہوگا کہ وہ کسی نہ کسی کے وژن تو ہیں مگر سامنے آکری کوئی ’اون‘ کرنے کے لیے تیار نہیں ہورہا۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گزشتہ 15 سال سے صحافت کے شعبے سے وابستہ ہیں، اس وقت وی نیوز میں بطور نیوز ایڈیٹر منسلک ہیں۔
ذریعہ: WE News
کلیدی لفظ: کے خلاف ہیں کہ ہے اور
پڑھیں:
پنجاب حکومت نے کالعدم ٹی ایل پی کے خلاف دیگر صوبوں میں کارروائی کے لیے وفاق سے رجوع کرنے کا فیصلہ کر لیا
لاہور: پنجاب حکومت نے کالعدم جماعت تحریک لبیک پاکستان (ٹی ایل پی) کے خلاف دیگر صوبوں میں کارروائی کے لیے وفاق سے رابطے کا فیصلہ کیا ہے۔
نجی ٹی وی کی رپورٹ کے مطابق وزیر اعلیٰ پنجاب مریم نواز کی زیرصدارت امن و امان کی صورتحال پر اجلاس میں یہ فیصلہ کیا گیا، جس میں کومبنگ آپریشن مستقل جاری رکھنے کی ہدایت بھی دی گئی۔
پنجاب حکومت کے ترجمان کے مطابق انتہا پسندوں اور دہشت گردوں کے نیٹ ورک کا انفراسٹرکچر مکمل طور پر تباہ کیا جا چکا ہے۔ کالعدم جماعت کے ٹھکانوں سے جدید اسلحہ، گولیاں، بلٹ پروف جیکٹس اور دیگر سامان برآمد کیا گیا۔
ترجمان کے مطابق احتجاج کے نام پر نفرت اور فتنہ پھیلانے والی فنڈنگ روک دی گئی اور جماعت کے عہدے داروں کے 23 ارب 40 کروڑ روپے کے اثاثے منجمد کیے گئے ہیں، کالعدم جماعت کے 92 بینک اکاؤنٹس اور تمام ڈیجیٹل اکاؤنٹس بھی جام کر دیے گئے، جبکہ 9 فنانسرز کے خلاف مقدمات درج کیے گئے اور سوشل میڈیا پر ملکی سلامتی کے خلاف مواد پر 31 مقدمات چلائے جا رہے ہیں۔
اجلاس میں بتایا گیا کہ پنجاب میں مساجد اور آئمہ کرام کے لیے 61 ہزار سے زائد فارم تقسیم کیے گئے، جبکہ 50 ہزار سے زائد آئمہ کرام نے رجسٹریشن کروا کر امن و قانون کے ساتھ تعلق مضبوط کیا۔ صوبے میں آئمہ کرام کی رجسٹریشن کی شرح 82 فیصد تک پہنچ گئی، جس پر وزیر اعلیٰ نے اطمینان کا اظہار کیا۔ پ
انچ بڑے وفاق المدارس نے بھی مساجد اور آئمہ کرام کی رجسٹریشن پر اتفاق کیا۔ وزیر اعلیٰ نے آئمہ کرام کے احترام اور ان کی پریشانی سے بچاؤ کی ہدایات جاری کیں اور کہا کہ آئمہ کرام نماز پڑھاتے ہیں، ہم نہیں چاہتے کہ وہ چندے کے لیے ہاتھ پھیلائیں۔
وزیر اعلیٰ نے ڈپٹی کمشنرز کو ہدایت کی کہ پنجاب میں وال چاکنگ پر مکمل پابندی یقینی بنائی جائے اور اسلام آباد میں حالیہ دھماکے کے پیش نظر سرویلینس بڑھائی جائے۔ ہر ضلع میں ڈرون سرویلینس کے ذریعے نگرانی اور ہراسانی کے واقعات کی نگرانی کو بھی یقینی بنایا جائے گا۔
بزدلانہ حملے دہشتگردی کے خطرے سے نمٹنے کے عزم کو کمزور نہیں کرسکتے:اسحق ڈ ار