مخصوص نشستوں کے فیصلے کیخلاف حکومتی اپیل مسترد کرنے کا اختلافی نوٹ جاری
اشاعت کی تاریخ: 6th, October 2025 GMT
جسٹس عائشہ ملک اورجسٹس عقیل عباسی نے اختلافی نوٹ میں بینچ کی تشکیل کو عدالتی اصولوں کے منافی قرار دیا۔ فوٹوز سپریم کورٹ
سپریم کورٹ نے مخصوص نشستوں کے فیصلے کیخلاف حکومتی اپیل مسترد کرنے کا اختلافی نوٹ جاری کردیا۔
اختلافی نوٹ جسٹس عائشہ ملک اور جسٹس عقیل عباسی نے تحریر کیا ہے، جس میں کہا گیا ہے کہ ن لیگ، پیپلز پارٹی اور الیکشن کمیشن کی نظرثانی درخواستیں مسترد کی جاتی ہیں، تینوں نظر ثانی درخواستیں 9 جولائی 2024 کے مختصر فیصلے کے خلاف دائر کی گئی تھیں، صرف الیکشن کمیشن نے تفصیلی فیصلے کی بنیاد پر اضافی درخواستیں جمع کروائیں۔
اختلافی نوٹ میں کہا گیا کہ تمام دلائل تفصیلی فیصلے میں پہلے ہی نمٹائے جا چکے ہیں، وکلا نے مقدمہ دوبارہ دلائل کے ذریعے کھولنے کی کوشش کی، نظرثانی کا دائرہ محدود ہوتا ہے، نیا مقدمہ نہیں کھولا جا سکتا، صرف وہ فیصلے نظرثانی کے قابل ہوتے ہیں جن میں واضح قانونی غلطی ہو، معمولی بے ضابطگی یا اختلافِ رائے نظرثانی کی بنیاد نہیں بن سکتا۔
درخواست میں کہا گیا کہ جسٹس عائشہ ملک اور جسٹس عقیل عباسی کے دستخط 27 جون کے مختصر فیصلے میں موجود نہیں، یہ معاملہ بنیادی حقوق اور مفاد عامہ کا ہے۔
نوٹ میں کہا گیا کہ سپریم کورٹ کے فیصلے حتمی اور غور و فکر کے بعد دیے جاتے ہیں، نظرثانی اپیل کی طرح نہیں ہوتی، اسے معمول کی کارروائی نہیں بنایا جا سکتا، ہر فریق اگر عدم اطمینان پر نظرثانی لے آئے تو نظام عدل کا توازن بگڑ جائے گا، اکثر نظرثانی درخواستیں محض عدم اطمینان کی بنیاد پر دائر کر دی جاتی ہیں، موجودہ درخواستیں بھی ایسی ہی ہیں جن میں کوئی ٹھوس قانونی بنیاد پیش نہیں کی گئی۔
اختلافی نوٹ میں کہا گیا کہ ن لیگ اور پیپلز پارٹی نے تفصیلی فیصلے پر کوئی مخصوص اعتراض نہیں اٹھایا، ن لیگ اور پیپلز پارٹی نے صرف مختصر فیصلے کو چیلنج کیا، درخواستیں 13 جولائی 2024 کو دائر ہوئیں، جبکہ تفصیلی فیصلہ 23 ستمبر کو جاری ہوا، طویل وقفے کے باوجود کوئی نیا مؤقف پیش نہیں کیا گیا۔
خط میں کہا گیا کہ خیبر پختونخوا میں سینیٹ انتخابات کی تاریخ 21 جولائی 2025 مقرر کی گئی ہے، عدالتوں میں مقدمات اور تاخیر کے باعث حلف کا عمل مکمل نہیں ہو سکا۔
جسٹس عائشہ ملک اورجسٹس عقیل عباسی نے اختلافی نوٹ میں بینچ کی تشکیل کو عدالتی اصولوں کے منافی قرار دیتے ہوئے کہا کہ جب اصل مقدمہ 13 رکنی بینچ نے سنا تھا تو ان میں سے 5 ججز موجودہ بینچ میں شامل نہیں، موجودہ بینچ میں شامل نہ ہونے والے ججز میں فیصلے کے مصنف جج بھی شامل ہیں، بینچ کی یہ تبدیلی آئین کے آرٹیکل 191 اے کے تحت کی گئی، آرٹیکل 191 اے کو 26ویں آئینی ترمیم کے ذریعے آئین کا حصہ بنایا گیا، ترمیم کے بعد جوڈیشل کمیشن آف پاکستان آئینی بینچ کے ججز نامزد کرتا ہے، جوڈیشل کمیشن میں سینیٹ اور قومی اسمبلی کے اراکین بھی شامل کیے گئے ہیں، آئینی ترمیم کے نتیجے میں جوڈیشل کمیشن میں اکثریت حکومت اور سیاسی جماعتوں کی ہوگئی، جوڈیشل کمیشن میں سیاسی اکثریت نے عدالتی غیرجانبداری اور شفافیت پر سوال اٹھائے۔
آئینی بینچ کے ججز نے مخصوص نشستوں کے کیس کی سماعت.
اختلافی نوٹ میں کہا گیا کہ موجودہ بینچ کی تشکیل بظاہر مسلم لیگ ن اور پیپلز پارٹی کی اکثریت کی بنیاد پر کی گئی، ایسی تشکیل عدلیہ کی آزادی کے اصول کے خلاف ہے، آئین کے تحت جوڈیشل کمیشن اور اس کی کمیٹی کا فرض ہے وہ غیر جانبدار بینچ تشکیل دیں، عدالتی بینچز کا قیام آئینی تقاضوں اور شفافیت کے اصولوں کے مطابق ہونا چاہیے، اگر بینچ کی تشکیل، شفافیت پر سوال اٹھے تو پورا عدالتی عمل مشکوک ہو جاتا ہے۔
ذریعہ: Jang News
کلیدی لفظ: جسٹس عائشہ ملک اور جسٹس عقیل عباسی مخصوص نشستوں کے اختلافی نوٹ میں بینچ کی تشکیل جوڈیشل کمیشن پیپلز پارٹی کی بنیاد کی گئی
پڑھیں:
ایل ڈی اے ملازمین کو پنشن کی عدم ادائیگی ، وزیراعلیٰ پنجاب سے نوٹس کی اپیل
لاہور(نیوزڈیسک)بلدیہ عظمیٰ کے متعدد سابق ریٹائرڈ ملازمین گزشتہ 2 ماہ سے مبینہ طور پر پنشن نہ ملنے کے باعث شدید مشکلات کا شکار ہو گئے ہیں۔ستمبر سے تاحال پنشن کی ادائیگی نہیں کی گئی، بلدیہ حکام کی جانب سے انتظار کرنے کا کہا جارہا ہے ۔
رئٹائرڈ ملازمین کا کہناہے کہ بلدیاتی ملازمین کو چیف ایگزیکٹو ہیلتھ ڈسٹرکٹ اتھارٹیز کے ماتحت منتقل کیئے جانے کے بعد ان کی پنشن کا نظام متاثر ہواہے ، جس کے نتیجے میں بزرگ ملازمین میں دربدر کی ٹھوکریں کھانے پر مجبور ہو گئے ہیں، متعدد ریٹائرڈ ملازمین نے بتایا کہ انہیں مبینہ طور پر ستمبر 2025 سے تاحال انہیں پنشن کی ادائیگی نہیں کی گئی جبکہ بلدیہ حکام سے رابطہ کرنے پر انہیں حوصلہ افزا جواب نہیں دیا جارہاہے بس کہا جارہاہے کہ انتظار کریں جلد معاملات حل ہو جائیں گے ۔
ریٹائرڈ ملازمین کا کہناہے کہ ان کے پاس گھریلو اخراجات ، بچوں کی فیس اور کرایوں کی ادائیگی کیلئے بھی رقم نہیں ، جس کے باعث وہ مقروض زندگی گزار نے پر مجبور ہیں، متاثرہ پنشنرز نے حکومت پنجاب اور وزیراعلیٰ مریم نواز سے فوری نوٹس لینے کی اپیل کی ہے۔
اسلام آباد کو کیش لیس اور ڈیجیٹل شہر بنانے کیلئے ایک اور اہم سنگ میل عبور