سینیٹ اجلاس: سیدال خان ناصر اور سیف اللّٰہ ابڑو میں تلخ جملوں کا تبادلہ
اشاعت کی تاریخ: 6th, October 2025 GMT
قائم مقام چیئرمین سینیٹ سیدال خان ناصر اور پاکستان تحریک انصاف (پی ٹی آئی) کے سینیٹر سیف اللّٰہ ابڑو میں تلخ جملوں کا تبادلہ ہوا۔
پی ٹی آئی سینیٹر سیف اللّٰہ ابڑو نے سینیٹ اجلاس میں کورم کی نشاندہی کی، جس کے بعد سینیٹ میں پی ٹی آئی ارکان ایوان سے نکل گئے، قائم مقام چیئرمین سینیٹ نے سیف اللّٰہ ابڑو سے غصے میں مکالمہ کرتے ہوئے کہا کہ آپ ایوان کو ڈسٹرب کرتے ہیں۔
شیری رحمان نے کہا کہ بے نظیر انکم سپورٹ پروگرام (بی آئی ایس پی) غریبوں کو امداد پہنچانے کے لیے عالمی سطح پر تسلیم شدہ منصوبہ ہے، جنوبی پنجاب میں سیلاب کے بعد بہت بری صورتحال ہے۔
سیدال خان ناصر نے سیف اللّٰہ ابڑو کو غصے میں کہا کہ شٹ ڈاؤن، جس پر سیف اللّٰہ ابڑو نے انہیں جواب دیتے ہوئے کہا کہ آپ انگلی نیچے کریں۔
بعد ازاں سینیٹ میں تحریک انصاف کے ارکان واپس ایوان میں آ گئے، سیدال خان ناصر نے کہا کہ ایوان میں کورم پورا نکلا ہے، سیف اللّٰہ ابڑو نے دوبارہ سینٹ میں کورم کی نشاندہی کی، پی ٹی آئی ارکان سینیٹ سے دوبارہ واک آؤٹ کر گئے۔
.ذریعہ: Jang News
کلیدی لفظ: سیدال خان ناصر پی ٹی ا ئی سیف الل ہ ابڑو کہا کہ
پڑھیں:
محمود اچکزئی کو قومی اسمبلی میں قائدِ حزبِ اختلاف نامزد کر دیا گیا: سلمان اکرم راجا
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان تحریک انصاف (پی ٹی آئی) نے قومی اسمبلی میں محمود خان اچکزئی اور سینیٹ میں علامہ راجہ ناصر عباس جعفری کو اپوزیشن لیڈر نامزد کرنے کا باضابطہ اعلان کردیا۔
پارلیمنٹ ہاؤس کے باہر میڈیا سے گفتگو میں پی ٹی آئی کے سیکرٹری جنرل سلمان اکرم راجہ نے کہا کہ اپوزیشن لیڈر کے لیے محمود اچکزئی کے نام کی منظوری دے دی گئی ہے، جب کہ سینیٹ میں علامہ ناصر عباس اپوزیشن بینچز کی قیادت کریں گے، قومی اسمبلی میں عامر ڈوگر جلد اپوزیشن لیڈر کے کاغذات اسپیکر کے پاس جمع کرائیں گے۔
سلمان اکرم راجہ نے کہا کہ کل ہماری پارلیمانی سیاست کا نیا دن طلوع ہوگا، یہ بانی پاکستان تحریک انصاف عمران خان کا ایک دانشمندانہ اور سیاسی طور پر اہم فیصلہ ہے۔
پی ٹی آئی کے سیکرٹری جنرل کا کہنا تھا کہ رول 39 کے تحت کارروائی کا آغاز کردیا گیا ہے اور پی ٹی آئی کے اراکین قومی اسمبلی نے اس ضمن میں قرارداد پر دستخط بھی کردیے ہیں۔
دوسری جانب پی ٹی آئی کے چیئرمین بیرسٹر گوہر علی خان نے بھی دونوں ناموں کی تصدیق کرتے ہوئے کہا کہ انہیں آج بانی پی ٹی آئی کی جانب سے واضح ہدایات موصول ہوئیں، جس کے بعد مشترکہ پارلیمانی پارٹی نے متفقہ طور پر محمود اچکزئی اور علامہ ناصر عباس کو اپوزیشن لیڈر نامزد کیا۔
کرکٹ کی بہتری کیلیے گراس روٹ لیول پر کام کرناہوگا