حماس کو غیرمسلح کریں گے، ٹرمپ کا دو ٹوک اعلان
اشاعت کی تاریخ: 16th, October 2025 GMT
فلسطینی مزاحمتی تنظیم کو لازمی طور پر غیرمسلح ہونا ہوگا اگرایسا نہ کیا تو امریکایہ کام خود کرے گا
مشرق وسطیٰ میں امن کی بنیاد رکھی اور اب اسی تسلسل میں حماس غیرمسلح اعلان ناگزیر ہے
حماس کو غیرمسلح کرنے کے اعلان کے حوالے سے امریکی صدر ڈونلڈ ٹرمپ نے سخت مؤقف اپناتے ہوئے کہا ہے کہ فلسطینی مزاحمتی تنظیم حماس کو لازمی طور پر غیرمسلح ہونا ہوگا اور اگر اس نے خود ایسا نہ کیا تو امریکہ یہ کام خود کرے گا، جس کا عمل ممکنہ طور پر پُرتشدد ہو سکتا ہے۔ ان کے اس بیان نے خطے میں نئی بحث چھیڑ دی ہے۔ٹرمپ نے اپنے تازہ بیان میں کہا کہ مشرق وسطیٰ کا ان کا حالیہ دورہ انتہائی شاندار رہا اور وہاں انہیں پہلے کبھی نہ ملنے والی محبت اور پذیرائی ملی۔ ان کا کہنا تھا کہ انہوں نے مشرق وسطیٰ میں امن کی بنیاد رکھی اور اب اسی تسلسل میں حماس غیرمسلح اعلان ناگزیر ہے۔امریکی صدر نے مزید دعویٰ کیا کہ انہوں نے 7 بڑی جنگوں کو مکمل طور پر روکا اور مختلف ممالک میں امن کے لیے کام کیا۔ ان کے مطابق مشرق وسطیٰ کے لوگوں نے انہیں غیر معمولی عزت دی، جو اس بات کا اشارہ ہے کہ خطے میں امن کی خواہش شدید ہے۔ ٹرمپ کا کہنا تھا کہ ان کا دورہ مستقبل میں بڑے غیر معمولی نتائج دے گا، جو شاید اب تک ناقابلِ شناخت ہوں۔
.ذریعہ: Juraat
پڑھیں:
حماس غیرمسلح ہو جائے ورنہ ہم طاقت کے ذریعے کر دیں گے، ٹرمپ کی پھر وارننگ
امریکی صدر ڈونلڈ ٹرمپ نے ایک بار پھر فلسطینی مزاحمتی تنظیم حماس کو فوری طور پر غیر مسلح ہونے کا پیغام دیتے ہوئے واضح کیا ہے کہ اگر حماس نے ایسا نہ کیا تو امریکا خود کارروائی کرےگا۔
وائٹ ہاؤس میں ارجنٹائن کے صدر سے ملاقات کے بعد صحافیوں سے گفتگو کرتے ہوئے صدر ٹرمپ نے کہاکہ امریکی اعلیٰ حکام نے حماس کی قیادت سے رابطہ کیا ہے۔ حماس نے عندیہ دیا ہے کہ وہ ہتھیار ڈالنے پر آمادہ ہے، تاہم اگر ایسا نہ ہوا تو امریکا خود اس عمل کو یقینی بنائے گا۔
انہوں نے خبردار کیا کہ حماس کو غیر مسلح کرنے کا عمل تیزی سے اور بوقتِ ضرورت طاقت کے استعمال کے ذریعے مکمل کیا جائے گا۔
صدر ٹرمپ نے اس سے قبل بھی دھمکی دی تھی کہ اگر حماس نے اقتدار نہ چھوڑا تو اسے مکمل طور پر صفحہ ہستی سے مٹا دیا جائے گا۔
دوسری جانب اسرائیلی وزیراعظم بنیامین نیتن یاہو نے بھی غزہ میں جنگ بندی کے باوجود سخت مؤقف اپناتے ہوئے کہا ہے کہ اسرائیل کی فوجی کارروائی ابھی ختم نہیں ہوئی۔
قوم سے خطاب میں نیتن یاہو کا کہنا تھا کہ اسرائیل کو اب بھی سنگین سکیورٹی چیلنجز درپیش ہیں اور ملکی دفاع کے لیے تمام ضروری اقدامات جاری رہیں گے۔
واضح رہے کہ امریکا سمیت ثالثی ملکوں نے غزہ جنگ بندی معاہدے پر دستخط کردیے ہیں۔ دوسری جانب حماس نے اسرائیلی یرغمالیوں کو بھی رہا کردیا ہے، جس کے بدلے میں فلسطینی قیدیوں کی رہائی عمل میں لائی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر حماس ڈونلڈ ٹرمپ غزہ امن معاہدہ غیرمسلح وارننگ وی نیوز
سیز فائر، ٹی ایل پی غزہ میں امن ہونے پر فساد کرنا چاہتی ہے، طلال چوہدری