پاکستان اور افغانستان اپنے رویوں پر نظر ثانی کریں، فضل الرحمان
اشاعت کی تاریخ: 30th, November 2025 GMT
جامعہ اسلامیہ بابوزئی مردان میں خطاب کرتے ہوئے سربراہ جے یو آئی کا کہنا تھا کہ ٹرمپ کے ہاتھوں سے فلسطینیوں کا خون ٹپک رہا ہے اور شہباز شریف ٹرمپ کو امن کا نوبل انعام دلوانے کی بات کر رہے ہیں۔ اسلام ٹائمز۔ جمعیت علمائے اسلام کے سربراہ مولانا فضل الرحمن نے کہا ہے کہ پاکستان اور افغانستان کو اپنے رویوں پر نظرثانی کرنا ہوگی، مسلح گروہ جنگ چھوڑ دیں، جنگ کسی مسئلے کا حل نہیں۔ جامعہ اسلامیہ بابوزئی مردان میں خطاب کرتے ہوئے ان کا کہنا تھا کہ ٹرمپ کے ہاتھوں سے فلسطینیوں کا خون ٹپک رہا ہے اور شہباز شریف ٹرمپ کو امن کا نوبل انعام دلوانے کی بات کر رہے ہیں۔ ان کا کہنا تھا کہ پاکستان اور افغانستان کو اپنے رویوں پر نظرثانی کرنا ہوگی، مسلح گروہ جنگ چھوڑ دیں، جنگ کسی مسئلے کا حل نہیں۔
مولانا فضل الرحمان نے کہا کہ ملک کی معیشت تباہ ہوچکی ہے، پاکستان وہ نہیں جس کی عوام نے امیدیں لگائی تھیں، قوم نے اسلامی نظام اور دینی آزادی کے لیے پاکستان حاصل کیا تھا، ہم ایسا ملک چاہتے تھے جہاں امن ہو اور لوگ آزادانہ سانس لے سکیں، حکومت عوام کو ان کے حقوق دے۔ فضل الرحمٰن کا کہنا تھا کہ آج آئین کو کھلونا بنا دیا گیا ہے، عوامی خواہشات کے بجائے بڑے لوگوں کی مرضی چل رہی ہے، 27ویں ترمیم کے لیے ارکان خریدے گئے، جعلی اکثریت سے 27ویں ترمیم منظور کی گئی، سی پیک آج بھی بند ہے۔
ذریعہ: Islam Times
کلیدی لفظ: کا کہنا تھا کہ
پڑھیں:
صدر ٹرمپ کی اپنے لبنانی نواسے کو گود میں بٹھائے تصویر وائرل
امریکی صدر ڈونلڈ ٹرمپ کی اپنے لبنانی نواسے کے ہمراہ تصویر سوشل میڈیا پر وائرل ہو رہی ہے جو ان کی بیٹی ٹفنی ایریانا ٹرمپ نے حال ہی میں اپنے سوشل میڈیا ہینڈل ایکس اکاؤنٹ پر پوسٹ کی ہے۔
ٹفنی نے اپنے بیٹے الیگزینڈر اور والد کی تصاویر پر تبصرہ کرتے ہوئے لکھا کہ نانا اور الیگزینڈر محنت کر رہے ہیں۔ الیگزینڈر ٹفنی کا اپنے شوہر مائیکل بولس سے پہلا بچہ ہے۔ الیگزینڈر لبنانی نژاد ہیں۔ وہ امریکی صدر کے گیارہویں نواسے بھی ہیں۔
واضح رہے مائیکل لبنانی نژاد تاجر اور ارب پتی مسعد بولس کے بیٹے ہیں۔ مائیکل نائیجیریا کے شہر لاگوس میں پلے بڑھے اور ان کا تعلق ایک بہت امیر لبنانی نژاد خاندان سے ہے۔ ان کے والد کی نائیجیریا میں آٹوموبائل، ریٹیل اور تعمیرات کے شعبوں میں کمپنیاں ہیں جن کی مالیت اربوں ڈالر ہے۔
Grandpa and Alexander hard at work ???????????? pic.twitter.com/3gW96uFgZn
— Tiffany Ariana Trump (@TiffanyATrump) November 28, 2025
بولس نے لندن جا کر اپنی تعلیم مکمل کرنے سے قبل نائیجیریا کے ایک ایلیٹ سکول میں ابتدائی تعلیم حاصل کی تھی۔ ان کے بھائی فارس ایک اداکار اور ریپ گلوکار کے طور پر کام کرتے ہیں۔ ان کے خاندان نے نائیجیریا میں بولس انٹرپرائزز گروپ اور ایس سی او اے گروپ آف کمپنیز قائم کیے جن کے حصص اسٹاک مارکیٹ میں ٹریڈ ہوتے ہیں۔
ٹفنی ٹرمپ کی دوسری اہلیہ مارلا میپلز کی بیٹی ہیں اور اپنے والدین کی طلاق کے بعد اپنی والدہ کے ساتھ کیلیفورنیا میں رہنے چلی گئی تھیں۔
انہوں نے سوشیالوجی اور اربن سٹڈیز کے مشترکہ میدان میں مہارت حاصل کی ہے اور سال 2016 میں یونیورسٹی آف پنسلوانیا سے گریجویشن مکمل کی تھی۔ اس کے علاوہ انہوں نے جارج ٹاؤن یونیورسٹی میں قانون کی تعلیم حاصل کی۔
کمانڈ اینڈ کنٹرول موبائل یونٹ سی ٹی ڈی پنجاب کا ہائی ٹیک چلتا پھرتا ہیڈکوارٹر