چیئرمین سینیٹ سید یوسف رضا گیلانی کا عالمی یوم خوراک کے موقع پر پیغام، بھوک کے خاتمے اور غذائی تحفظ کے لیے اجتماعی کوششوں پر زور
اشاعت کی تاریخ: 16th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 16 اکتوبر2025ء) چیئرمین سینیٹ سید یوسف رضا گیلانی نےبھوک کے خاتمے، غذائی تحفظ کے فروغ اور پائیدار زرعی طریقوں کو اپنانے کے لیے قومی و عالمی سطح پر مشترکہ کوششوں کی ضرورت پر زور دیتے ہوئے کہا ہے کہ مناسب اور غذائیت سے بھرپور خوراک تک رسائی ہر انسان کا بنیادی حق ہے۔ جمعرات کو سینیٹ سیکرٹریٹ سے جاری بیان کے مطابق عالمی یوم خوراک کے موقع پر اپنے پیغام میں انہوں نے اس عزم کا اعادہ کیا کہ پاکستان اقوامِ متحدہ کے پائیدار ترقی کے اہداف میں سے "بھوک کا خاتمہ"کے مقصد کے حصول کے لیے پرعزم ہے۔
سید یوسف رضا گیلانی نے کہا کہ حکومت، نجی شعبے، سول سوسائٹی اور بین الاقوامی شراکت داروں کے مابین تعاون کو مزید مضبوط بنانا ناگزیر ہے تاکہ موسمیاتی تبدیلی، آبادی میں اضافے اور خوراک کی بڑھتی ہوئی قیمتوں جیسے چیلنجز سے مؤثر انداز میں نمٹا جا سکے۔(جاری ہے)
انہوں نے پالیسی سازوں اور متعلقہ فریقوں پر زور دیا کہ دیہی ترقی، زرعی جدت اور منصفانہ نظامِ تقسیمِ خوراک میں سرمایہ کاری کو ترجیح دی جائے۔
چیئرمین سینیٹ نے مزید کہا کہ ہر شہری کو محفوظ اور غذائیت سے بھرپور خوراک کی فراہمی ایک صحت مند، خوشحال اور ترقی یافتہ پاکستان کی بنیاد ہے۔انہوں نے کہا کہ آئیے ہم سب عہد کریں کہ ایک ایسی دنیا کے قیام کے لیے کام کریں جہاں کوئی انسان بھوکا نہ سوئے اور ہر شخص عزت و وقار کے ساتھ زندگی گزار سکے۔.ذریعہ: UrduPoint
کلیدی لفظ: تلاش کیجئے کے لیے
پڑھیں:
پاکستان، ترکیہ اور آذربائیجان کی دوستی سدا بہار ہے ، چیئرمین سینیٹ
data-id="863a0a8" data-element_type="widget" data-widget_type="theme-post-content.default">
251014-08-20
اسلام آباد (اے پی پی) چیئرمین سینیٹ یوسف رضا گیلانی نے کہا ہے کہ پاکستان، ترکیہ اور آذربائیجان کی دوستی سدا بہار ہے ، سکیورٹی، تجارت، تعلیم، ٹیکنالوجی اور ثقافت کے میدانوں میں تعاون سے انقرہ سے اسلام آباد اور باکو تک اعتماد، احترام ، اشتراکِ فکر کا مضبوط پل تعمیر کرسکتے ہیں۔ ان خیالات کا اظہار انہوں نے پیر کو یہاں تیسرے سہ فریقی اسپیکرز اجلاس کے افتتاحی سیشن سے خطاب کرتے ہوئے کیا۔ چیئرمین سینیٹ نے اس کانفرنس کے انعقاد پر اسپیکر قومی اسمبلی سردار ایاز صادق کا شکریہ ادا کیا اور کہا کہ اسپیکر قومی اسمبلی نے اس اہم وقت میں برادر ممالک کو ایک پلیٹ فارم پر جمع کیا ہے، چیئرمین سینیٹ نے اجلاس کے موضوع کو نہایت اہم قرار دیتے ہوئے کہا کہ بطور پارلیمنٹیرین یہ موضوع ان کے دل کے قریب ہے۔ انہوں نے کہا کہ آذربائیجان، پاکستان اور ترکیہ مشترکہ اقدار ، اتحاد کے مضبوط رشتے میں بندھے ہوئے ہیں ۔
سکیورٹی فورسز کا بھرپور جواب،لیفٹیننٹ کرنل جنید طارق ، میجر طیب راحت اور جوانوں کی شہادت میں ملوث 30دہشتگردجہنم واصل