جامشورو میں آلودہ پانی سے ڈائریا کی وبا، 9 افراد جاں بحق
اشاعت کی تاریخ: 29th, October 2025 GMT
ضلع جامشورو کی تحصیل تھانو بُلا خان کی یونین کونسل مول میں ڈائریا کی وبا پھیلنے سے 9 افراد جاں بحق ہو گئے۔ محکمہ صحت کے مطابق وبا کی بنیادی وجہ آلودہ پانی ہے۔
تفصیلات کے مطابق 17 اکتوبر سے اموات کی اطلاعات آنا شروع ہوئیں، جن میں سے 7 اموات گوٹھ فیض محمد برو جبکہ 2 اموات قریبی دیہات سے رپورٹ ہوئیں۔ محکمہ صحت جامشورو کے ڈی ایچ او ڈاکٹر پیر منظور نے بتایا کہ متاثرہ علاقوں میں طبی ٹیمیں پہنچ چکی ہیں اور صورتحال پر قابو پا لیا گیا ہے۔
یہ بھی پڑھیے: اسلام آباد: گزشتہ 24 گھنٹے کے دوران ڈینگی کے 24 نئے کیسز، زیر علاج مریضوں کی تعداد 64 ہوگئی
اسسٹنٹ کمشنر تھانو بُلا خان کے مطابق متاثرہ دیہات کو ٹینکرز کے ذریعے عارضی بنیادوں پر صاف پانی فراہم کیا جا رہا ہے، تاہم مسئلے کا مستقل حل آر او پلانٹس کی تنصیب ہے۔
مقامی ذرائع کا کہنا ہے کہ علاقے میں صرف ایک ڈسپینسری موجود ہے جبکہ قریبی سرکاری اسپتال دور ہونے کے باعث عوام کو بروقت طبی سہولیات میسر نہیں۔ بیشتر لوگ بیماری کی صورت میں دیسی علاج پر انحصار کرتے ہیں جس سے صورتحال مزید سنگین ہو جاتی ہے۔
محکمہ صحت نے شہریوں سے اپیل کی ہے کہ ابال کر پانی پئیں اور صفائی کا خاص خیال رکھیں تاکہ وبا کے پھیلاؤ کو روکا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈائریا ڈینگی کراچی وبا.ذریعہ: WE News
پڑھیں:
سندھ، تعلیمی اداروں میں موسم سرما کی چھٹیوں کا اعلان
ترجمان محکمہ تعلیم کے مطابق صوبے بھر میں موسمِ سرما کی تعطیلات 22 سے 31 دسمبر تک ہوں گی۔ اسلام ٹائمز۔ صوبہ سندھ کے تعلیمی اداروں میں موسم سرما کی چھٹیوں کا اعلان کر دیا گیا۔ موسم سرما کی سالانہ چھٹیوں کا اعلان سندھ کے محکمہ تعلیم کی اسٹیئرنگ کمیٹی کی جانب سے کیا گیا۔ ترجمان محکمہ تعلیم کے مطابق صوبے بھر میں موسمِ سرما کی تعطیلات 22 سے 31 دسمبر تک ہوں گی۔ ترجمان کا کہنا ہے کہ تمام سرکاری و نجی تعلیمی ادارے یکم جنوری سے معمول کے مطابق کھلیں گے، تاہم ان تعطیلات کے دوران بورڈ کے ضمنی امتحانات اپنے شیڈول کے مطابق جاری رہیں گے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر