اسلامک بینکنگ سود سے پا اور ملکی معیشت کو ترقی فراہم کررہی ہے،مفتی محمد نوید
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) حیدرآباد چیمبر آف اسمال ٹریڈرز اینڈ اسمال انڈسٹری کے نائب صدر اور کنوینر بینکنگ افیئر ز کمیٹی شان سہگل نے میزان بینک کے زیر اہتمام منعقدہ اسلامی آگاہی سیمینار میں شرکت کی ۔سیمینار میں بڑی تعداد میں کاروباری، سماجی اور بینکنگ شخصیات نے شرکت کی، جبکہ مفتی محمد نوید (شریعہ اینالسٹایس ایم ای/ کمرشل اینڈ انویسٹمنٹ بینکنگ) نے اسلامی بینکنگ کے اصول، بنیادیں اور روایتی بینکاری نظام سے اس کے فرق پر تفصیلی روشنی ڈالی۔مفتی محمد نوید نے اپنے خطاب میں کہا کہ اسلامی بینکنگ قرآن و سنت کے اصولوں پر مبنی ایک شریعہ کمپلائنٹ مالیاتی نظام ہے، جس کا بنیادی مقصد سود سے پاک لین دین، عدل و مساوات پر مبنی سرمایہ کاری، اور حلال منافع کی منصفانہ تقسیم کو فروغ دینا ہے۔ انہوں نے وضاحت کی کہ اسلامی بینکنگ میں منافع و نقصان کی بنیاد پر اشتراک کااصول اختیار کیا جاتا ہے، جو حقیقی تجارت اور شراکت پر مبنی ہوتا ہے، نہ کہ سودی نظام پر۔ انہوں نے مختلف اسلامی بینکاری مصنوعات جیسے مرابحہ، اجارہ، مشارکہ اور مضاربہ کی عملی مثالوں کے ذریعے وضاحت کی اور بتایا کہ یہ نظام نہ صرف کاروباری طبقے کے لیے سہولت فراہم کرتا ہے بلکہ ملک کی معیشت کو استحکام اور انصاف پر مبنی ترقی دینے میں اہم کردارادا کر رہا ہے۔شان سہگل نے اپنے خیالات کا اظہار کرتے ہوئے کہاکہ میزان بینک کی جانب سے اسلامی بینکنگ آگاہی سیمینارز کا انعقاد نہایت خوش آئند ہے۔ ایسے پروگرامز نہ صرف تاجر برادری کو شریعہ کمپلائنٹ فنانسنگ کے فوائد سے آگاہ کرتے ہیں بلکہ اسلامی معیشت کے فروغ کی سمت ایک مضبوط قدم ہیں۔انہوں نے مزید کہا کہ حیدرآباد چیمبر بینکنگ سیکٹر کے ساتھ قریبی روابط کو فروغ دینے کے لیے پرعزم ہے تاکہ اسمال ٹریڈرز اور انڈسٹریز کو اسلامی مالیاتی سہولیات تک بہتر رسائی حاصل ہو سکے۔شان سہگل نے میزان بینک کی طویل المدتی کوششوں کو سراہتے ہوئے کہا کہ بینک کی جانب سے پورے ملک میں اسلامی بینکنگ آگاہی سیمینارز، تحقیقی و تعلیمی مواد، اور نالج سینٹر کے قیام نے کاروباری طبقے کے اعتماد میں نمایاں اضافہ کیا ہے۔انہوں نے ایونٹ کے دوران ایریا مینجر فرحان میمن سے ملاقات میں انہیںتجویز دی کہ مستقبل میں حیدرآباد چیمبر آف اسمال ٹریڈرز اینڈ اسمال انڈسٹری اور میزان بینک مشترکہ طور پر ورکشاپس، مشاورتی سیشنز اور آگاہی سیمنارز کاچیمبر سیکرٹریٹ میں بھی اہتمام کریں تاکہ چھوٹے تاجروں کو اسلامی مالیاتی نظام کے عملی تقاضوں سے بہتر طور پر روشناس کرایا جا سکے۔
ذریعہ
ذریعہ: Jasarat News
کلیدی لفظ: اسلامی بینکنگ انہوں نے ا گاہی
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی