سوڈانی فوج کی دارفور میں پیش قدمی، آر ایس ایف کو شکست دینے کا اعلان
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
خرطوم: سوڈان کی عبوری خودمختار کونسل کے چیئرمین جنرل عبدالفتاح البرہان نے فوج کو مغربی دارفور کے علاقے میں پیش قدمی کا حکم دیا ہے تاکہ اسے نیم فوجی تنظیم ریپڈ سپورٹ فورسز (RSF) کے قبضے سے آزاد کرایا جا سکے۔
غیر ملکی میڈیا رپورٹس کےمطابق دارفور کے گورنر منی آركو مناوی نے کہا کہ وہ البرہان کی ہدایت پر مغرب کی طرف پیش قدمی کریں گے تاکہ پورے سوڈان کو آزاد کرایا جا سکے، حتیٰ کہ جنوبی دارفور کے سرحدی علاقے ام دافوق تک پہنچا جائے۔
دارفور کے گورنر نے دارالحکومت خرطوم میں فوجی جوانوں سے خطاب کرتے ہوئے کہا کہ آر ایس ایف رہنماؤں کے جرائم کے نشانات مٹائے نہیں جا سکتے، انہوں نے تنظیم کی جانب سے ایک کمانڈر ابو للّو کی گرفتاری کے دعوے کو سیاسی ڈرامہ قرار دیتے ہوئے کہا کہ یہ ان کے جرائم پر پردہ نہیں ڈال سکتا۔
مصری نشریاتی ادارے القاہرہ نیوز کے مطابق سوڈانی فوج نے جنوبی دارفور کے دارالحکومت نیالا میں آر ایس ایف کے ایک کیمپ پر گولہ باری کی ہے، تاہم تنظیم کی جانب سے اس واقعے پر کوئی ردعمل سامنے نہیں آیا۔
دوسری جانب مصر کے وزیر خارجہ بدر عبدالعاطی خرطوم پہنچے، جہاں وہ سوڈانی حکام سے صورتحال پر بات چیت کریں گے، مصر کو سوڈانی حکومت کا اہم حامی سمجھا جاتا ہے۔
یاد رہے کہ 26 اکتوبر کو آر ایس ایف نے شمالی دارفور کے دارالحکومت الفاشر پر قبضہ کرلیا تھا، جہاں مقامی اور بین الاقوامی تنظیموں کے مطابق بڑے پیمانے پر قتلِ عام کیا گیا۔ اس کے بعد تنظیم نے مغربی سوڈان کے تمام پانچوں دارفور ریاستوں پر کنٹرول حاصل کر لیا ہے۔
سوڈان کی کل 18 ریاستوں میں سے باقی 13 ریاستیں — بشمول دارالحکومت خرطوم — اب بھی سرکاری فوج کے کنٹرول میں ہیں۔
واضح رہے کہ سوڈانی فوج اور آر ایس ایف کے درمیان اپریل 2023 سے جاری خانہ جنگی میں ہزاروں افراد ہلاک ہو چکے ہیں جبکہ لاکھوں بے گھر ہو کر پڑوسی ممالک کی طرف ہجرت کر گئے ہیں۔
ذریعہ
ذریعہ: Jasarat News
کلیدی لفظ: آر ایس ایف دارفور کے
پڑھیں:
شیخ رشید کا وکالت شروع کرنے کا اعلان
عوامی مسلم لیگ کے سربراہ شیخ رشید نے وکالت شروع کرنے کا اعلان کر دیا۔میڈیا سے گفتگو کرتے ہوئے شیخ رشید کا کہنا تھا کہ 50 سال بعد زندگی گزارنے کے بعد راولپنڈی بار نے میری ممبر شپ بحال کر دی. 50 سال بعد بار کا تاحیات ممبر بن گیا ہوں۔انہوں نے کہا کہ میری کوشش ہو گی کہ سچائی، قانون اور ملک کی بہتری کے لئے کام کروں. غریب آدمی کے لئے قانونی، عملی اور عملی خدمت کروں گا۔
واضح رہے شیخ رشید نے سردار رزاق چیمبر کے ذریعے ڈسٹرکٹ بار روالپنؔڈی میں اپنی رکنیت بحالی کی درخواست دائر کر دی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ