سر سید روڈ سے کروڑوں روپے کا نان کسٹم پیڈ کپڑا بر آمد ، 5اسمگلرزگرفتار
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) پاکستان رینجرز (سندھ) نے کسٹم انفورسمنٹ کے ساتھ خفیہ اطلاع پر مشترکہ کارروائی کرتے ہوئے سرسید روڈ کے علاقے میں قائم گوداموں پر چھاپہ مارا، جہاں سے کروڑوں روپے کا بھاری مقدار میں نان کسٹم پیڈ کپڑا برآمد کر لیا گیا۔ترجمان رینجرز کے مطابق چھاپے کے دوران اسمگلنگ میں ملوث 5 ملزمان عبدالصادق ولد عبداللہ جان، جان محمد ولد ریاض احمد، نور محمد ولد ریاض احمد، نثار احمد ولد طور خان اور کومند خان ولد مومن خان کو گرفتار کیا گیا۔کارروائی میں 22 مزدا ٹرکوں اور ایک کنٹینر میں بھرے ہوئے نان کسٹم پیڈ کپڑے کے علاوہ ملزمان کے قبضے سے 6 موبائل فونز اور نقدی بھی برآمد ہوئی۔برآمد شدہ کپڑا مزید قانونی کارروائی کے لیے کسٹم حکام کے حوالے کر دیا گیا، جب کہ گرفتار ملزمان کو ضابطے کی کارروائی کے بعد پولیس کے حوالے کیا گیا۔ترجمان رینجرز کے مطابق یہ کارروائی اسمگلنگ کے خلاف جاری آپریشنز کا تسلسل ہے۔
ذریعہ
ذریعہ: Jasarat News
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار