ہیلمٹ نہ پہننے پر شہری کا 60 لاکھ روپے کا چالان!
اشاعت کی تاریخ: 11th, November 2025 GMT
data-id="863a0a8" data-element_type="widget" data-widget_type="theme-post-content.default">
کیا آپ کو یہ جان کو حیرت ہوگی کہ صرف ہیلمٹ نہ پہننے جیسی ٹریفک قانون کی خلاف ورزی پر شہری کا پاکستانی کرنسی کے مطابق 60 لاکھ روپے کا چالان ہوگیا۔
جی ہاں! بھارتی ریاست اترپردیش کے ضلع مظفر نگر میں ایک ایسا واقعہ پیش آیا جس نے سوشل میڈیا پر ہلچل مچا دی ہے جب کہ مقامی پولیس کو اس حوالے سے سبکی اور شرمندگی کا سامنا کرنا پڑ رہا ہے۔
تفصیلات کے مطابق ایک موٹر سائیکل سوار شہری کو ہیلمٹ نہ پہننے اور لائسنس نہ رکھنے پر ایسا چالان تھما دیا گیا جس کی رقم سن کر ہر کوئی دنگ رہ گیا ، یعنی پورے 20 لاکھ 74 ہزار بھارتی روپے، جو پاکستانی کرنسی میں 60 لاکھ روپے سے زائد رقم بنتی ہے۔
یہ واقعہ 4 نومبر کو نئی منڈی پولیس اسٹیشن کے علاقے میں پیش آیا، جہاں شہری انمول جب اپنے اسکوٹر پر سڑک پر جا رہا تھا تو پولیس نے اسے روکا اور ٹریفک قوانین کی خلاف ورزی پر چالان جاری کر دیا، لیکن جب اس نے چالان پر لکھی رقم دیکھی تو وہ خود بھی ششدر رہ گیا۔
اس نے چالان کی تصویر سوشل میڈیا پر پوسٹ کی جو کچھ ہی گھنٹوں میں وائرل ہو گئی۔
لوگوں نے حیرت اور طنز کے ملے جلے تاثرات کا اظہار کرتے ہوئے سوال اٹھایا کہ آخر ایک عام شہری سے ہیلمٹ نہ پہننے کے جرم پر اتنی خطیر رقم کیسے وصول کی جا سکتی ہے۔ کچھ صارفین نے لکھا کہ اگر واقعی اتنے چالان ہوتے تو شاید لوگ ہمیشہ ہیلمٹ پہنے رکھتے!
وائرل ہونے کے بعد معاملہ اعلیٰ حکام تک پہنچا تو انکشاف ہوا کہ یہ ایک ڈیجیٹل چالان سسٹم میں ٹائپنگ کی غلطی تھی۔ مظفر نگر پولیس کے ترجمان کے مطابق سب انسپکٹر کو موٹر وہیکل ایکٹ کی دفعہ 207 کے تحت کارروائی کرنی تھی، جس میں زیادہ سے زیادہ 4 ہزار روپے جرمانے کی گنجائش ہوتی ہے، مگر انہوں نے غلطی سے 207 کا نمبر، جرمانے کی رقم والے خانے میں درج کر دیا۔ اس سے سسٹم نے اسے 20,74,000 روپے سمجھ لیا۔
پولیس کے مطابق اب یہ غلطی درست کر دی گئی ہے اور اصل چالان صرف 4 ہزار روپے کا ہے، جبکہ موٹر سائیکل ضبط کر لی گئی ہے۔ ایس پی ٹریفک پولیس نے میڈیا سے گفتگو میں کہا کہ یہ محض انسانی غلطی تھی، کسی شہری سے اضافی رقم وصول نہیں کی گئی۔
.
ذریعہ
ذریعہ: Jasarat News
کلیدی لفظ: ہیلمٹ نہ پہننے کے مطابق
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار