سچل میں غیرقانونی مقیم 15افغان باشندے گرفتار
اشاعت کی تاریخ: 13th, November 2025 GMT
کراچی پولیس کا سرچ آپریشن کے دوران علاقے کے داخلی و خارجی راستے سیل
براہِ راست نگرانی ایس پی سہراب گوٹھ نے کی، لیڈیز پولیس اہلکاروں نے حصہ لیا
کراچی کے سچل تھانے کی حدود میں پولیس نے سرچ آپریشن کرکے غیر قانونی طور پر مقیم 15 سے زائد افغان باشندوں کو گرفتار کر لیا،آپریشن کے دوران گھر گھر تلاشی لی گئی۔ پولیس کے مطابق رات گئے ہونے والے آپریشن کی براہِ راست نگرانی ایس پی سہراب گوٹھ نے کی، کارروائی غیر قانونی مقیم افغانیوں اور منشیات فروشوں کے خلاف کی گئی، آپریشن کے دوران علاقے کے داخلی و خارجی راستے سیل کیے گئے۔ آپریشن کے دوران گھر گھر تلاشی لی گئی،آپریشن میں ایس ڈی پی اوز، ایس ایچ اوز، چوکی انچارجز، انٹیلی جنس سٹاف اور لیڈیز پولیس اہلکاروں نے حصہ لیا۔
.ذریعہ: Juraat
کلیدی لفظ: ا پریشن کے دوران
پڑھیں:
کراچی میں آپریشن حساس اداروں سے کرانے پر غور
کراچی پولیس ریڈ الرٹ،سی سی ٹی وی فوٹیج کیمروں کی تنصیب اور سخت نگرانی کا حکم
ایڈیشنل آئی جی جاوید عالم اوڈھو کی تمام ماتحت افسران کو الرٹ رہنے کی ہدایت جاری
(کرائم رپورٹر ؍ اسد رضا) کراچی میں کومبنگ اور سرچ آپریشن حساس اداروں کی مدد سے کرانے پر غور کیا جا رہا ہے۔تفصیلات کے مطابق گزشتہ روز اسلام اباد کچہری اور وانا کیڈٹ کالج پر خودکش دھماکے کے بعد شہر قائد میں ممکنہ دہشت گردی کے پیش نظر کراچی پولیس کو ریڈ الرٹ کر دیا گیا شہر کے حساس مقامات کی کڑی نگرانی شروع کر دی گئی ویجلنس اور فزیکل سیکیورٹی پر کام کیا جا رہا ہے علاقوں میں موجود سی سی ٹی وی فوٹیج کیمروں کی تنصیب اور سخت نگرانی کی ہدایت کی گئی ہے ایڈیشنل ائی جی کراچی جاوید عالم اوڈھو کا مزید کہنا تھا حساس علاقوں میں کامبنگ اور سرچ اپریشن مزید تیز کیے جائیں جبکہ سرچ اپریشن حساس اداروں اور اسپیشل برانچ کی مدد سے کرانے پر بھی غور کیا جا رہا ہے قانون نافذ کرنے والے ادارے کراچی میں موجود روپوش دہشت گردوں کو ڈھونڈنے کہ بھرپور کوششیں کر رہے ہیں ایڈیشنل ائی جی کراچی نے مزید کہا ہم مٹھی بھر دہشت گردوں کو ان کے ناپاک عزائم میں کبھی کامیاب نہیں ہونے دیں گے شہر کی سیکیورٹی الرٹ کر دی گئی ہے کسی بھی ناخوشگوار واقعے سے نمٹنے کے لیے سندھ پولیس خصوصا کراچی پولیس ہمہ وقت تیار ہے ملک دشمن عناصر کو کسی صورت نہیں چھوڑا جائے گا خیریوں سے اپیل ہے کسی بھی مشکوک سرگرمی کی اطلاع فوری پولیس مددگار 15 کو دیں تاکہ بروقت کارروائی کی جا سکے عوام الناس کے تعاون سے ہی امن قائم کیا جا سکتا ہے۔
معروف گلوکارہ و اداکارہ دل کا دورہ پڑنے سے انتقال کر گئیں